jannat ke pattay...[Leaves Of Paradise]

part 27

Lejiye! Siyah farm ne receiver un ki taraf barhaya. Phir un se hat kar door chala gaya.

"Bas ek ek minute ki call karein ge." Haya ne number milate hue DJ ko tanbiha ki. Sulaiman Sahab ne pehli hi ghanti par phone utha liya.

"Woh chup hui ke nahi? Toh kitna roti hai."

"Ji ji Abba ji, woh chup hogayi hai, aur phir jaldi jaldi apni khairiyat bata kar phone band kiya." DJ ne bhi bimushkil ek minute hi ghar baat ki thi. Baad mein baqi raqm dekhi toh bimushkil ek euro istemal hua. Baqi char euro ka balance abhi mojood tha. Dono apni ajlat aur kunjousi par khoob pachtaayein ke ab abu Dhabi se nikal kar yeh card kisi kaam ka nahi tha.

Haya ne use apne golden pouch mein daal diya.

Ab unhein apna samaan lena tha. Wahan bohot se tires chal rahe the. Har tire par bags aur suitcases train mein rakhe chale arahe the. Unhein qataa ilm nahi tha ke apne bags ko kahan talashi dein.

Woh dono badhawas si ek tire se doosre ki taraf bhagte lage. DJ ka thodi der mein hi saans phool gaya. Kabhi Haya ko ek jagah apne siyah suit case ka guman guzarta toh woh DJ ka haath kheench kar idhar bhagti, magar qareeb se dekhne pe woh kisi aur ka bag nikalta. Toh kabhi DJ apne bhure thailay ko pehchaan kar chalate huye ek taraf daurte, magar us par kisi aur ka naam darj hota.

"Haya batao! Ab bags kahan dhoondhein?" DJ ne parishani se use dekha. Uska saans dho keni ki tarah chal raha tha. Haya ne bimushkil thook nigali aur chehre par aate baal kaano ke peechhe ud se. Ab sach bolne ka waqt tha.

"DJ! Mujhe beech mein nahi samajh arahi, main aaj zindagi mein pehli dafa jahaz mein bethi hoon."

DJ ne chand lamhe uska chehra dekha phir hatheli uske samne phailayi.

"Haath maro! Main bhi aaj pehli dafa jahaz mein bethi hoon."

Haya ne zor se uske haath par haath mara aur dono hans padi.

Kafi der baad unko tires ki list nazar aayi, jis par har flight ke makhsoos tire ka number darj tha. Fehrist dekh kar do minute mein hi apna matlooba tire mil gaya. Samaan le kar Haya itna thak chuki thi ke jab DJ ne wahi ek jagah chamakate farsh par bethne ko kaha toh woh apna sara nakrah aur gharoor balaye taq rak kar idhar zameen par beth gayi. Apne bags ke saath ab woh dono maze se farsh par bethi thi har aate jaate ko dekh rahi thi. Aur arda gard mehzb, nafis log hairat se inko dekhte guzarrahe the.

Iffa Noor

Terminal One se jo parwaaz unko mili, is mein bhi Osman Shabir saath thay. Apni dastaan hayat faraamosh kar ke woh ab unki taraf mutawajjah ho gaye aur unka interview karne lage.

"Kaun ho? Kahan se aayi ho? Kyun aayi ho? Turkey mein kyun jana hai? Kyun jana hai? Spanje? Spanje University?" Unhon ne itni buland awaaz mein dharaya ke agli nasht par bethi Turkey ki aurat ne gardan mor kar qadre oncha ho kar unko dekha.

"Spanje!" Us se aage aurat ne qadre sataish se chand alfaaz tak mein kaha, jo Haya ko samajh nah aaye. Jo Abba Osman Shabir ne apni bhaari bhar kam awaaz mein kuch kaha toh woh aurat qadre ghad bada kar waapas rukh pher gayin.

"Aap ne unko kya kaha?" Haya ne kari nigaahon se unhein ghora.

"Kuch nahin, tum batao, yeh Pakistan mein waldain itne azad khayal kab se hogaye ke june bachiyon ko akelay Turkey bhej dein?"

"Akeley nahin hain hum, humara pura group hai, hum do students hain aur baqi faculty members hain, jo do roz pehle rawana ho chuke hain." Unhon ne jaise sunahi nahin.

"Khair, ab akeli ja rahi ho toh apna khayal rakhna ke..." aur phir unka wa'az ruh ho gaya. "Namaz parhna karo, Quran parhna karo, par dekhiya karo, sach bola karo, Allah se daro, ghazab har woh baat jo apne betay ki tarbiyat ke waqt unhein bhool gayi thi, ab achank yaad aayi." Haya qadre jhinjhal kar rukh pher liya.

"Two pm pe is haar neeche." Bohat neeche... woh par fasan manzar phelne laga.

Mar mara ka samandar, oopar baadal aur baraf... yun jaise neeli chaadar pe safed rooyi ke gaaley teer hain hon, woh is manzar ke sehar mein khwati chali gayi.

Jahan Sikandar Kaator ke unke qadmon tale tha. Yeh rakh lo... parwaaz utarne ka elaan hone laga toh nihayat zabardasti Osman Shabir ne apna viziting card unhein thamaya. "Is par mere ghar, cell aur office ke numbers likhe hain. Kabhi kabhi main ghar par nahin hota aur kabhi kabhi mere office ka number par main hamesha milta hoon. Meri secretary ki fazooliyat se bachne ke liye direct meri private extension dial karna. Woh hai 14 yaani chaudeh, kyunki meri aur Pakistan ki tareekh pedaish chaudah August hai. Rakh lo, zaroor par sakti hai."

Osman Shabir se bimushkil jaan chhoot rahi thi. Unko kabhi call karna ya dobara mulaqat ka tasavur hi Haya ke liye sohan ruh tha, phir bhi unke insaistence par usne apne sunehri pouch mein woh card dekhe baghair rakh liya.

Ataturk International Airport Istanbul ki European taraf waqia tha. Yeh unhein baad mein ilm hua tha, lekin jo baat unhein hamesha se maloom thi, woh yeh thi ke Istanbul duniya ka woh waheed shehar tha, jo do khitton ko baham milata hai... European aur Asia.

Istanbul ke do hisse thay. Ek European taraf kehlata tha aur doosra Asian taraf ya Anatolian taraf (Anatolian taraf ko aam tor par "Purana Shehar" bhi kaha jata tha).

Woh dono jab apne saman ki trolleys dhakelte aage aaye toh Rome Forum ke do arkan unko mil gaye, jo unhein lene aaye hue thay. Rome Forum ek Turkish NGO thi jo bakhush students ka bohot khayal rakhti thi.

Woh dulhad thay, Ahmat aur Chughtai.

"Chughtai? Naam toh hamare haan bhi hota hai, jaise Masoor Abdul Rehman Chughtai, hai na Haya?" DJ ne sir goshe ki thi.

"Assalamu Alaikum! Woh bohat garam joshi aur ihtiraam se mile." Chughtai ne unse bags le liye. "Aaiye! Bahar gaadi intezar kar rahi hai."

"Chughtai bhai aur Z! Please paani pila dain. Bohat pyaas lagi hai." Haya ki tarah DJ bhi pyaas se be haal thi. Chughtai ne sar asbat mein hilaya aur Ahmat ke saath saman uthane lage. Phir woh dono un se aage chalte hue bahar ki taraf barh gaye.

Behad mehmaan nawaz qoum ke sipoot ne unko paani kyun nah pilaya, yeh mama woh sari zindagi nahin hal kar saki.

Qawi imkan yeh tha ke Chughtai ki angrezi kamzor thi, jis ke baa'is woh unka daawa samajh nah paaya tha.

Bahar nikalne se pehle unhone apni raqam turk lire aur euros mein tabdeel karwali thi. Ek lire Pakistani paisay ka tha aur ek euro ek so panch rupay ka...