jannat ke pattay...[Leaves Of Paradise]

part 45

Haya aur Moatasim ne ehtiyaat se diwaaron ko jorna shuru kiya aur unke jawayz par, butoor gum, khaas syrup leep diya. Aur bohot aahista se apne haath hataaye.

Diwaaren seedhi khadi rahi. Syrup ne unko chipka diya tha.

Zabardast ooh par josh ho gayi. Uska ghar ban raha tha. Yeh khayal hi uski thakawat bhaga kar le gaya. Wo dono ab agli diwaar jorne lage. Haya ke mathe se jhulte lat baar baar aankhon ke saamne aati, wo baar baar use peechhe hatati. Ungliyon par lage chocolate syrup ke dhabbe uske chehre par lage magar par wah ke thi.

Char diwaari ban gayi thi. Ab unhone do rectangle tukron ko oopar ulte "V" ki tarah rakha aur jod par syrup lagaya. Kaafi der baad unhone apne haath uthaaye.

Chhat bar qarar rahi. Syrup sookhne laga tha. Chhat mazeed mazboot ho gayi.

"Haya! Tum great ho," wo bhura sa ghar bana rahi ya araish ke bhi itna haseen lag raha tha ke Moatasim be ikhtiyar sataa'ish se bola.

"Mujhe pata hai," wo dheere se hansi.

Wo teeno ab ala bala candies aur jellies se diwaaron ki sajaawat karne lage. Wo har decoration ke tukre ke peechhe zara syrup laga kar use diwaar se chipka dete. Bhure ghar pe jagah jagah surkh, sabz aur neele buton ki manind aankhein abharne lagi thi. Zaraai der mein ghar saj gaya tha. DJ ne safaid cream se khidkiyon ki chaukhor chokhtiyan banaayi aur andar neeli cream ka rang bhar diya.

"Ab Istanbul ki barf baari ka maza apne ghar ko bhi chakhain," Haya icing sugar aur chhilni le aayi. Usne safed sookhay aate ki shakal ki icing sugar chhilni mein daali aur ghar ke oopar kar ke chhilni aahista aahista hilane lagi. Chhilni ke soorakhon se safed zare neeche girne lage.

Bhure ghar par barf baari hone lagi aur ab halki si safed teh chocolate se dhalkay ghar par baithne lagi.

Haya ka "Ginger Bread House" taiyar tha.

Usne ehtiyaat se tray uthaayi. Ghar bar qarar raha. Yeh uski saade chaar ghante ki mehnat ka thamar tha. Kisi saalgirah ki taqreeb se pehle Haya Saleem Khan se taiyar na ho, herat angaiz baat thi, magar aaj uski tayyari woh ghar hi tha.

Use apne raf halliyay, apron aur chehre par lage dhabbon ki parwa nahi thi. Uski saari tawajju tray mein sajae Ginger Bread House par thi.Woh DJ aur Moatasim ke peechay chalti ka man room mein dakhil hui. Wahan faaslay faaslay pe gol mezoon ke ird gird kursiyon ke phool bane thay. Darmiyani mez pe gifts aur husn kala ya hawa cake rakha tha. Barah mumalik ke exchange students aachuke thay. Woh koi sir par ice party nah thi. So husn badi mez ke peechay khada hasta hua Italy ka gift lene ki koshish kar raha tha, jise Italy baar baar peechay kar rahi thi. "Sir par ice!" Haya ne pukara to sab ne idhar dekha. Moatasim aur DJ ke peechay woh chokhat par khadi thi. Dono haathon mein uthaye tray mein woh fairy tale house rakha tha, aur Haya ko pata tha, woh Hansel aur Gretel ke Gingerbread House se zyada khoobsurat tha.

"Wow!" be ikhtiyar bohat se labon se sata'ish nikli.

"Haya... tumne mere liye itna kiya?" Husn be had mutasir hua tha.

Usne muskuratay hue shane uchakaye.

Woh darwazay mein khadi thi. Darwaza adha khula tha aur sir di andar aa rahi thi.

"Aao Haya! Use mez pe le aao." Moatasim badi mez se gifts, cake aur doosri dishes ke darmiyan cheezein hata kar jagah banane laga.

Sardi ki lehar darwazay se andar ghus rahi thi. Usne baayein haath mein tray pakre, daayein haath se darwaza dhakela chaaha. Woh badqismati ka lamha tha.

Darwazay ki nabb ko usne chhua hi tha ke darwaza zor se pura khula aur koi tezi se andar daakhil hua. Khultay darwazay ne uska barha haath peechay dhakela aur woh tawazun barqarar na kar saki. Be ikhtiyar ek qadam peechay hatti aur tab hi uske baayein haath mein pakri tray teedhi hui.

"Ouch!"

Bohot si dilduz cheekhein buland hui aur un mein sab se dilkharash cheekh uski apni thi.

Ulati hui tray uske haath mein rah gayi. Halki si thand ki awaz ke saath Gingerbread House zameen par gira. Har diwar tukron mein bhat gayi. Bounties aur jellies idhar udhar bikhar gayi. Farsh pe bread, chocolate, cream aur rang birangi bounties ka malba pada tha aur woh sab sunaate ke alam mein phatti phatti.Ankhon se usay dekh rahe thay. Kitne hi pal woh shaq ke aalam mein woh us malbay ko dekhe gayi, phir uske paar nazar aate jo garz ko dekha. Aur apni shashdar nigaahen oopar uthai.

Woh Jihan Sikandar tha, aur itni hi be yaqeeni aur shaq se malbay ko dekh raha tha. Haya ke dekhne pe be ikhtiyar usne mafi mein sar hilaya.

"Haya... I'm sorry. Main ne jaan boojh kar nahi. Mujhe nahi pata tha ke tum samne... Oh God...," Tassuf, malal ke marey woh kuch keh nahi pa raha tha.

Woh jo phatti phatti nigaahon se usay dekh rahi thi, ek dam lab bheench gayi. Uski aankhon mein tehair ki jagah ghussa ne le li. Khoon ki surk lakirein uski aankhon mein utrne lagi. Woh ek dam jhalki, bread ka toota, cream mein lathda takra uthaya aur seedhe hotay hue poori quwwat se Jihan ke munh par de maara.

Woh is ghair mutawaqqa hamle ke liye tayar nahi tha. Cream mein lathda takra uske gardan pe lagi to woh be ikhtiyar do qadam peechay hata. Tukra uski shirt par se phulta hua neeche qadam mein ja gira.

Usne gardan par lagi cream ko haath se chhua aur phir ungliyon ke poron ko be yaqeeni se dekha.

"Haya! Main ne jaan boojh kar nahi kiya."

Woh surkh aankhon se lab bheenchay Jihan ko dekh rahi thi. Usne lab itni sakhti se bheench rakhe thay ke gardan ki raggain ubharne lagi thay aur kanpti par neeli lakeer nazar aa rahi thi. Woh bilkul chup khadi gehray gehray saans le rahi thi.

"Ha... agar... IT'S S OK," Husn perishaani se aage barha. DJ aur Moatasim bhi uske saath thay.

"Haya! Main ne waqai nahi dekha tha ke tum... Shut up! Just shut up!" Woh itni zor se chilai ke aage badhta Husn wahi ruk gaya.

Chale jao tum yahan se. Kahin bhi chale jao magar meri zindagi se nikal jao. Tum mere liye azab aur dukh ke ilawa kabhi kuch nahi laaye. Nikal jao is kamre se." Usne Urdu mein chala kar kaha tha. Barah mumalik ke exchange students mein se Urdu koi nahi samajhta tha siwaye DJ ke, magar woh tamam mutasif khade talaba samajh gaye thay ke woh kya."Keh rahi hai...

Haya... Jihan ki aankhon mein dukh ubhra.

Mere naam bhi mat lo." Usne gardan ke gird bandhe apron ki dori haath se nochay, apron ek taraf utaar kar phenka aur bhagti hui bahar nikal gayi.

Sardiyo ke oopar laga bulb uske aate hi jal utha. Woh tezi se chakkar daar seedhiyan utrne lagi. Aansu uske chehre pe beh rahe thay. Aakhri seedhi phelang kar woh utri aur baraf se dhaki ghaas par tez tez chalne lagi.

Bahar tez sard hawa thi. Halka halka sa kabr har su chhaaya hua tha. Woh seenay pe baazu lete, sar jhukaye roti hui chalti ja rahi thi aur use pata tha ke woh ek jinjir bread house ke liye nahi roti thi.

Pahari ki dhulan utar kar samne spanji ki masnoi jheel thi. Jheel ab khasi pighal chuki thi, phir bhi faasle faasle par bade bade baraf ke tukde tairte nazar aa rahe thay.

Woh jheel ke kinare ruk gayi. Tez daurne se uska saans phool gaya tha. Pehli T-shirt mein sardi lagne lagi thi. Dheela joda adha khul kar kamar par gir gaya tha.

Woh thaki mandi ki ghaas pe beth gayi aur slippers se paon nikaal kar thanday paani mein daal diye. Woh khud aziati ki inteha thi. Ghutnon ke gird bazoo lete hue, sar neeche jhuka kar woh ek dam se bohot phoot phoot kar rone lagi.

Masnoi jheel ka paani raat ke andhere mein chand ki roshni se chamak raha tha, goya chandi ka ek bara sa warq siyah paani par tair raha tha. Door jungle se parindon ki awaaz waqfe waqfe se sunai deti thi. Kai lamhe reit ki tarah phail kar jheel ki chandi mein gum ho gaye to usne qadam ki chaap suni. Koi uske saath akhara hua tha.

Usne bheega chehra utha kar dekha. Woh jeans ki jebon mein haath daale, lab ka sheta sanjeeda sa uske saath khada tha.

"Sorry Haya! Main to maazrat karne aaya tha ke is roz kaam ki pareshani mein tum se miss behave ho gaya magar..."

Woh chup chhap be awaz roti usay dekhe gayi.

"Aye'm really sorry... Main ne tumhara itna nuqsan kar diya. Main ne tumhein dekha nahi tha. Mujhe nahi maloom tha ke tum darwazay ke par khadi ho. Main ne tumhara barha hua haath nahi dekha tha apni danishat mein bohot tez chal raha tha aur anjane mein tumhara haath dhakel diya. Tumhari sari riayat zaaya kar di."