jannat ke pattay...[Leaves Of Paradise]

part 58

Thay. Surkh hoti aankhein aur naddal sa chehra.
Bas main ne dekh liya samandar, ab wapas chalte hain. Tumhein ghar ja kar rest karni chahiye. Ghar jaate jaate ghanta lag jaayega. Main ne abhi dawai li hai. Is ka asar hone mein zara waqt lagega. Abhi yahin
baithe hain. Woh nafi mein sar hilaate hue takalluf se kaha raha tha.

Chand lamhe khamoshi se beet gaye. In chubhutro pe door door tak toliyon ki soorat mein seyah sawar baithe nazar aarahe the. Bohat se log aage mandir ke saath khade hue samandar ko dekh rahe the.

Main thori dair yahan lait jaun, tum akele bore toh nahi ho gi? Abhi main wapas nahi jana chahta. Meri Land Lady shayad aaj aaye jhagra karne. Main filhal is ka samna nahi karna chahta.

Nahi nahi tum lait jao. Yeh shawl le lo. Usne bag se shawl nikaal kar use thamayi. Wahan thandi hawa bohat tez

thi. Yeh shawl wo aur DJ bator packing mein use hoti thi.

Thanks. Wo sukoon ke saath farsh par lait gaya. Aankhon pe bazoore khulay wo gardan tak shawl kambal ki tarah daale kab so gaya usay pata nahi chala. Usay yaqeenan bohat sardi lag rahi thi.

Woh us se ek zameen neeche aa bethi thi. Har chand lamhe baad gardan mor kar upar jihan ko dekh leti thi. Woh so chuka tha.

Samandar ki lehron ka shor wahan tak sunayi de raha tha. Woh apnate kar wala mobile nikaal kar yun hi un boxes neeche karne

lagi. Wahan chand din pehle ka SMS abhi tak para tha. Usne us ka jawab nahi diya tha. Aur kayi dafa parh lene ke bawajood mitaya nahi tha. Woh Bewak ada se wapsi ke agle din India ke ek ghair shanaas mobile number se aya

Mujhe aap ke jawab se khushi nahi hui, magar main aap ki raaye ka ihtaram karta hoon. Aaj ke baad aap se kabhi rabta nahi karunga. Jo takleef main ne aap ko pohanchayi us ke badle mein agar aap mujhe maaf kar den to yeh

aap ki badi hai aur agar kabhi aap ko Istanbul mein koi masla ho sarkari kaam ho ya ghair sarkari kaam qanooni ghair

qanooni mujhe sirf ek SMS kar dijiye ga aap ka kaam ho jaye ga. ARP.

Is paigham ke baad is shakhs ne waqai koi rabta nahi kiya tha. Woh ab Istanbul mein bohat azaadi se bohat mutmaen

dil o dimaagh ke saath ghoomti thi. Usay pehle ki nisbat ab ARP se dar nahi lagta tha magar is waqt woh paigham dobarah parhte hue us ke zehan mein ek khayal ko nade ki tarah pakka.Us ne palat kar ehtiyaat se jihan ko dekha.

Woh aankhon pe bazoore khulay so raha tha. Woh waapas seedhi hui aur reply ka button dabaaya. Is paigham ka jawab usay kabhi na
kabhi to dena hi tha.

Us ne socha tha ke khoob ghoor o fikar kar ke kuch aisa likh kar bhejegi woh bhad ke bhi nahi aur dobara us ka peechha bhi na

kare so achank usay ek ajeeb sa khayal aaya tha.

Jihan ko sirf bukhaar nahi tha. Woh pareshaan bhi tha. Usay woh bewak ada wale trip ke muqable mein zara kamzor laga tha. Gardish maash ke jameelon mein phanse is insaan ki woh ek madad kar sakti thi to us mein aakhir kharch hi kya tha.

Woh kaafi deer sochti rahi phir us ne jawab type karna shuru kiya. Aap ki wasi alnazeri ka shukriya. Mujhe waqai Istanbul mein ek kaam dar peesh hai. Agar aap meri madad karein to meinisay aap ki taraf se pohanchayi jaane wali azziyat ka madaawa samjhoon gi.

Us ne paigham bhej diya. Ab woh khamoshi se baithe samandar ki lehrein dekhne lagi. Woh bewak ada us ke ghar bhi to chali gayi

thi aur jab darwaza band hua tha to usay laga tha woh ek sangeen ghalti kar chuki hai. Magar is ghalti ka natija bohat acha aur

itminan bakhsh nikla tha. Usay ehsaas tha ke ab bhi us ne ghalti ki hai aur us ka natija ..........

Ek dam phone ki ghanti bajne lagi. Woh chonki aur mobile samne kiya. Wahi India ka ghair shinaas sa number tha. Woh to samjhi thi ke