jannat ke pattay...[Leaves Of Paradise]

part 62

"Kiya zindagi itni jaldi guzar jati hai?"

"Is se bhi jaldi guzar jati hai. Humein pata bhi nahi chalta aur hamara waqt khatam ho jata hai."

Akhri alfaz, de end, aur khalas! Usne haath jhatak kar jaise baat khatam ki.

DJ chand lamhe dabdabaai ankhon se usay dekhti rahi.

Haye! Main ne kal apni ami ko khwab mein dekha tha. Woh bohot buri tarah ro rahi thi. Itni buri tarah ke mera dil dar raha hai. Pata nahi, ghar mein sab theek bhi hain ya nahi. Main ghar ka aakhri bacha hoon aur aakhri bachon ke hisse mein hamesha boodhe maan baap aate hain.

Mere dil un ke liye dukhta hai haya!

Main samajh sakti hoon, magar hum kya kar sakte hain? Teen mahine toh humne yahan guzarne hi hain na.

Hum Pakistan chalein jaayein?

Tum jaanti ho yeh namumkin hai. Humne contract sign kiya hai. Hum paanch mahine khatam hone tak Turkey nahi chhod sakte.

Main mustaqil jane ki baat nahi kar rahi bas chand din ke liye. Spring break mein hum Islamabad chalein jaayein?

Haya ne gehri saans li.

Meri bhi cousin ki shadi hai, magar main use qurban kar rahi hoon. Sirf is liye ke agar hum abhi Pakistan jaate toh wapas aate hue humara dil bohot kharab hoga aur phir yun Turkey mein akelay ghoomne phirne ka mauqa humein kabhi nahi milega.

Akelay! DJ ne istihzaai sur jhatka. "Tumhein pata hai, hum dono ne yeh scholarship program ke liye kyun apply kiya tha? Kyunki hum dono ko akelay azadi se waqt guzarna ka shoq tha. Aisi azadi jismein abu aur bhaiyon ki rok tok na ho. Magar insaan azad tab hota hai, jab woh tanha hota hai aur yehi tanhai qaid kar leti hai. Har azadi mein qaid chhupi hoti hai, jaise ab hum Turkey mein qaid hain aur mujhe lagta hai, hum kabhi Pakistan waapas nahi ja sakenge."

Hayanay jaise taasuf se nafe mein gardan hilai, phir nigaah maiz par rakhi DJ ki moti si falsafe ki kitaab par pari jis ke sarwarq par Socrates ki tasveer bani thi. Uski peshani par bal pad gaye.

"Parray hatao is boodhe uncle ko. Usko parh parh kar tumhara dimagh kharab hua hai.""Socrates ko kuch mat kaho," DJ ne tadap kar kitaab peeche ki. "Aflatoon gawah hai ke Socrates ne kisi azmat wa bahaduri se zehar ka pyala piya tha."

Meri to saat naslon pe ehsan kiya tha," woh tank kar kehate hue khadi ho gayi. "Aur hum koi Pakistan nahi ja rahe. Saat din aur Turkey ke saat shehr. Yeh program hai hamara, DJ?"

"DJ!" DJ muskuradi.

Aur suno! Aaj time change ho gaya hai. Ghari ek ghanta aage kar lo."

Woh DJ ko normal hota dekh kar tali ka Israel nama sunne wapas chali gayi. "Oh! Nahi, yahan bhi wahi Mashriq wala naya time, par ana time badi DJ ne jhanjhatte hue kitaab kholi. Usay naye time, purane time se zyada koofat kisi cheez se nahi hoti thi.

Ta qasam iskwaar ka mojasma azadi bahar ke phoolon ki khushboo mein basa hua tha. Subah ka waqt tha aur mojzme ke gird daire mein agayi ghaas par surk tulips khile the. Fiza mein taza pake phalon ki rasili mehak thi.

Woh dono is thandi meethi hawa mein sath sath chalte, Istiqlal Street ki taraf barh rahe the.

Dono ne siyah coat pehn rakhe the aur bazu mein bazu daal rakha tha. Woh itni dafa Istiqlal Street aachuki thi ke bohot si dukanain unhein hifz ho chuki thi. Is ke bawajood woh aaj tak is taweel tareen gali ke ikhtitam tak nahi pohanch saki thin.

Un ke tamam dost aur droom fellows kal hi apne tours par nikal chuke the. Unho ne aaj sara din Istiqlal Street mein shopping kar ke kal subah ki bus se Coppadocia jana tha. Aaj woh khoob bhao-taao kar ke shopping karne ka program bana kar aayi thin, kyun ke waise bhi Pakistani tourists ke liye Turkey foran rates kam kar dete the.