jannat ke pattay...[Leaves Of Paradise]

part 70

Loji... main to Doli ka paigham denay aayi thi magar...

Kaisa paigham? "Woh usi rakhaai se boli.

"Doli ki haalat umeed bakhsh nahi hai, pata nahi kitne din ji paaye."

"Kya hua hai?" Woh zara chonki.

"Khud chal kar dekh lijiye. Aaiye! Main aapko le jaati hoon."

"Nahi nahi, mujhe kahin nahi jaana." Woh badak kar do qadam peechay hati.

"Ek dafa to us se mil lein, usne kuch batana hai aapko."

"Mujhe kuch nahi jannana. Tum logon ki saari maloomat mujhe A.R.P ki maan se mili thi." Tilkhi se kehte hue usne phir se palat kar dekha. Baraat ke mehman andar ki jaanib barh rahe thay. Koi us ki taraf mutawajjah nahi tha.

"Ho sakta hai kuch aisa ho, jo us ki maan ko bhi na pata ho."

"Kya?" Woh chonki, phir bogor pan ki ko dekha. Us ke oonchay qad ke siwa koi cheez us roz Jinnah Super ki shop mein milne wale us smart, glasses wale nojawan ka pata nahi deti thi. Pan ki to chehra bhi jhula hua nahi lagta tha magar nahi... us ka to chehra slate ki tarah chipkta tha. Aisi jhilli jis ne sab naqsh chhupa diye thay. Khuda ya! Kaise yeh log apne chehre badal lete thay. Magar aankhein... woh chonki yeh aankhein wahi thay. Wohi glasses ke peeche se jhalkti aankhein ab eye shade ki chamakili teha ke bawajood woh unhein pehchan gayi thi.

"Is baat ka jawab to bas Doli ke paas hai ji aur us ne mujhe yehi aapko batane ka kaha tha. Saheli ki dosti nibha rahi hoon main Tooji aur na meri jooti ko bhi shauq nahi hai. Aap jaisi bad zaban khatoon ke munh lagne ka."

Chir kar kehte hue usne dupatte ke andar chhupay haath bahar nikale. Us mein ek chhota sa lakdi ka daba tha.

"Yeh Doli ne bheja hai. Usay isi tareeqe se kholiye ga jo us par likha hai, magar jab tak aap usay khol paayengi, woh shayad is duniya mein na rahe."

Hayanay us ke barhay hue haathoon mein pakray us dabay ko dekha. Us ki kalai pe wahi kaantay ka surkh bhura sa nishaan tha.

"Yeh kya hai?" Usne achambhe se sar utha kar pan ki ko dekha. Woh kahan khadi hai, usay lamhe bhar ko bhool gaya tha.Yeh aik peheli se khule ga, magar yeh peheli sirf aap hi boojh sakti hain aur aap boojh hi lein gi. Yeh bohot aasan hai, lekin is ke andar mojood cheez nikalne ke liye isay torne ki koshish mat keejiye ga. Isay tor diya to woh cheez aap ke kaam ki nahi rahe gi." Panki ne muskura kar kehte hue daba us ke mazeed samne kiya.

Us ne na chahate hue bhi usay thaam liya.

"Acha bajji ji! Rab rakha." Woh wahi Khwaja Siraon wala lahja bana kar salaam jhaad kar do patta munh pe daale palat gaya.

Us ne jaldi se daba press mein rakha aur peshani par namoodaar hone pasine ke qatre tishnaate hue, khud ko compose karte huye hall ki janib barh gayi.

Baraat ka function waisa hi tha, jaisa kisi bhi shandar shadi ka hona chahiye. Baqaa noor bana bal, behtareen sajaawat, dulhan ka qeemti designer suit aur jewellery, Mahoosh ki Nanhayali Kuznz ke group dancers, aur pur takalluf ta'aam ki ishtiaq angaiz khushboo jo abhi khula nahi tha. Aaj bhi mard aur auratein ikathey thay magar yun ke adhay hall mein mard aur baqi aadhe ki mezan par auratein barajman thay taake ek had tak alahidaigi rahe. Un ki family ki kisi bhi ladki ne raqs mein hissa nahi liya. Magar Mahoosh ki Kuznz har taraf chhayi rahin.

Woh aaj bhi ek alag thalg kone wali meiz par baithi rahi. Us ka dil stage pe ja kar movie banwane ko qataa nahi chahta tha. Us shareefon ke maajray ne usay aisa ehsaas adam tahaffuz diya tha ke woh kisi bhi doosre ke camera ya mobile mein tasveer khenchwaane se ihtiyaat bart rahi thi. Yeh movies aur tasveeren kahan kahan nahi ghomti hongi.