jannat ke pattay...[Leaves Of Paradise]

part 89

Deemt ka dil khushi se bhar gaya. Woh bohot masrat se uthi thi. Goya andar se woh jaanti thi ke Abdul Rahman kisi biwi ko uske shohar se badgumaan karne ki koshish kar raha hai aur woh yeh bhi jaanti thi ke yeh ghalt kaam tha, magar Abdul Rahman ka shukr har cheez pe chhanay laga.

"Tumhara shohar kaisa hai, abhi tak wahan pe hai?"

"Ji sir! Kursi se uth te hue usne maghmoome andaz mein bataya. Ek hadse ke baad uska shohar kuch arse se winti letter pe tha aur yeh pura hotel grand janta tha. Advance salary chahiye ho to bata dena."

"Thank you sir!" Woh pure dil se muskurayi. Abdul Rahman usay lalach de raha tha. Yeh uske mashware ka inaam tha. Woh bohot farhat se wapas jaane ke liye mudhi thi.

"Tumhara hairstyle acha hai Deemt!"

Abdul Rahman ne uske peechay se pukara tha. Uske qadam zanjeer ho gaye. Woh bohot uljhan se wapas palat gayi.

Abdul Rahman ab ek file utha kar uski taraf mutawajjah nah tha magar usne yeh baat kyun kahi? Pichle teen barson mein to use kabhi Deemt ke balon ka khayal nahi aaya tha, nah hi woh auraton se shauq rakhne wala banda tha. Par usne yeh kyun kaha?

"Thank you sir!" Woh thoda tazbuz bol uthi.

"Waise tumhara peechla hairstyle bhi acha tha."

"Peechla?" Usne bohot uljhan kar apne pass ko dekha. Woh kya keh raha tha? Deemt ne to peechle teen barson mein siwaye us cutting ke, doosri koi cutting nahi karayi thi.

"Haan, jo Antalya ke saahil pe tha. Tum pe khanghriyale surkh baal achhe lagte hain." Woh file ki taraf mutawajjah bohot ser-e-sari andaaz mein keh raha tha.

Deemt ke qadamon ke neeche se zameen sark gayi. Woh patthar ka but bani rah gayi. Ek dum kamre mein guthni bahut barh gayi thi. Usay saans nahi aa raha tha. Woh badqat tamam bahar nikli aur apni kursi pe dhe si gayi.Antalya ka saahil, surkhh gongheyraale baal... chhay saal pehle usne ek X-Rate magazine ke liye modeling ki thi. Woh badnaam zamana magazine sirf Antalya mein chipata tha aur wahan se baahar nahi jaata tha magar... magar tab use paise chahiye the aur woh nashe mein thi. Baad mein woh sharminda thi. Usne woh sheher, woh jagah, sab kuch chhod diya tha. Uske khandan, uske dost, kabhi kisi ko us magazine ki in chand ka peez ka ilm tak nahi hua tha. Woh magazine to shayad ab raddi ka dheer ban kar is duniya se hi gayab ho gaya ho, to phir Abdul Rahman Pasha ko kaise pata chala? Woh sir dono haathon mein giraye baithe thi. Uski be-lachak awaaz ki dhamki woh samjhti thi. Agar usne yeh guftagu kisi ke samne dharai to woh magazine manzar-e-aam pe aa jayega aur... aur uska ghar, bachay, zindagi sab tabah ho jayega.

Usne chehra utha kar bebas, tanaffur nigaahon se ARP ke office ke band darwaze ko dekha. Blackmailer! Uski aankhon mein be-ikhtiyaar aansu umad aaye the. Use aaj ilm hua tha ke Abdul Rahman Pasha ne kaise har cheez ko apne qaboo mein kiya tha.

Band darwaze ke us paar woh khidki ke samne khada tha. Uske haath mein uska qeemti mobile tha, jisme woh koi number dhoondh raha tha, ek number pe aakar uska haath tham gaya. Woh number usne Angrezi mein "Brother Dearest" ke naam se mehfooz kar rakha tha.

Ab ab us number par rabta karne ka waqt aagaya tha. Agar har cheez waisi hoti jaaye jaise woh soch raha tha to... woh... usne muskura kar us number ko dekha aur phir uske naam peyghaam likhne laga.

"Main India se waapas bawak ada aachuka hoon. Kya hum mil sakte hain?"

Peyghaam jaane ke pooray dedh minute baad usi number se jawab aaya tha.

"Jahanum mein jao tum. Main tumhein shakl bhi nahi dikhana chahta."

Woh peyghaam padhte hue mehfooz se andaaz mein hans pada. Phir muskurakar sar jhatakhte hue jawabi peyghaam likhne laga. "Main jahanum mein baad mein jaunga, pehle tumse mil loon. Tum Hotel Grand aaoge ya main Independence Street mein Burger King pe ajaun?"