jannat ke pattay...[Leaves Of Paradise]

part 97

Bahaarein kaafi dino se is awaaz ki muntazir thi, magar Abdul Rahman ko apni masroofiyat mein al maari kholnay ka mauqa shayad aaj mila tha. Is liye ab awaaz sun kar woh jo TV ke samne bethi thi, tabaadari se uthi aur sar jhukaye moadab andaz mein sidiyon chadhnay lagi.

Teisri manzil ke dehane pe pahunch kar usne jhuka sar uthaya. Woh uske samne khara tha. Woh abhi abhi hotel se aaya tha, sootay ki naat dheeli kiye, coat ke baghair tha. Usay mutawajjah pa kar Abdul Rahman ne sawaliya abr wathai.

"Kya Bahaarein gul mujhe batana pasand karengi ke woh puzzle box kahan hai?"

"Main pasand karungi. Bahaarein ne sadgi se istifaat mein gardan hilayi. "Main ne woh Haya ko wapas kar diya."

Woh chand lamhay kuch keh hi nahi saka. Uska chehra bay tasur tha. Magar Bahaarein janti thi ke usay dhakka laga hai. "Woh kis ki ijaazat se?"

"Woh tumhari cheez nahi thi Abdul Rahman! Jis ki thi, main ne usay de di. "

Woh chand seconds usay dekhta raha, phir us ke samne ek panjay ke bal farsh par betha aur seedha Bahaarein ki aankhon mein dekha.

"Kya tum ne mujh se raazdari ka wada nahi kiya tha?" Main Rahman ke bande ko khush karne ke liye Rahman ko naraz nahi kar sakti thi. Main jhoot nahi bol sakti thi. "Uski badi badi aankhen bheeg gayi. Jo jitna acha jhoot bolta hai Bahaarein! Yeh duniya usi ki hoti hai."

Lekin phir us ki aakhirat nahi hoti, yeh Aaishay gul kehti hai.

Woh zakhmi andaz mein muskuraya.

"Phir to mujhe tumhare dosray wade ka bhi aitbaar nahi karna chahiye."

"Nahi! Hum waqai jazire par kisi se tumhare baray mein baat nahi karte."

Woh nahi, ek aur wada bhi tha hamare darmiyan, hamara talluq. Secret.

Bahaarein ke kandho pe ek dum bohot bhaari bojh sa aagya. Usne udaasi se Abdul Rahman ko dekha jo muntazir sa usay hi dekhta tha. Bohat pehle Abdul Rahman ne us se ahd liya tha ke agar woh mar gaya to woh usay janaaza bhi de gi aur us ki maiyat ko oon bhi kare gi."Tum sach bolne wali Bahaarein Gul pe ittebaar kar sakte ho. Pura adalaat... balkay pura tor, tumhein chhor de, magar Bahaarein Gul tumhein kabhi nahi chhoregi.

Aur ho sakta hai ke ek waqt aisa aaye, jab tum mujhe pehchanne se bhi inkaar kar do. Tum kaho, kaun Abdul Rahman, kahan ka Abdul Rahman?"

"Tum aisi baatein mat kiya karo, mujhe dukh hota hai."

Aur is baare mein bhi Aaishay Gul ki koi kahawat zaroor hogi. Woh zara sa muskuraya.

"Usko chhoro, woh toh bahut kuch kehti rehti hai. Main doosre kaan se nikaal deta hoon." Usne naak par se makhi ura kar goya Abdul Rahman ko apni wafadari ka yaqeen dilaya. "Woh toh mujh se itni khafa hui thi ke main ne tum se shadi ki baat kyun ki." Lehaza Bahaarein zara tashoosh se boli. "Tum mujh se shadi karoge na Abdul Rahman?"

Saath hi usne gardan mod kar ird gird dekh bhi liya. Aaishay qareeb mein kahin nahi thi. Woh dheere se hans diya.

"Magar main tumhari nayi dost mein dilchaspi rakhta hoon."

"Woh tum se shadi kyun karegi? Woh apne cousin ko pasand karti hai aur uska cousin bahut handsome hai." Bahaarein ko jaise bahut gussa aaya tha.

"Aur tumhari dost ko Abdul Rahman jaisa koi badsoorat nahi lagega, hai na?"

"Yeh sach hai. Use tum bilkul pasand nahi ho, magar mujhe tum se zyada koi handsome nahi lagta."

Woh muskuratay hue uth khara hua. Bahaarein ne gardan utha kar usay dekha.

"Sunno!... Woh Haya ke puzzle box pe jo pehli khati thi, woh kis ne likhi thi?" Woh jaate jaate zara chonk kar wapas palta.

"Mujhe kaise ilm ho sakta hai? Main ne toh abhi tak us box par ghaur hi nahi kiya tha."