jannat ke pattay...[Leaves Of Paradise]

part 99

"Magar main ne suna hai ke is ke aalami dahshatgard tanzeemon se bhi..."

Kis se suna hai? Wo baat kaat kar bola.

"Lady Kabri se. Adalat mein."

"Behrhal! Yeh dosri duniya ke log hain. Aap un mamlaat mein mat padien."

"To phir yeh Pasha mere peechay kyun pada hai aakhir? Wo zor ho kar boli."

"Mujhe to lagta hai Haya! Usne aap ka peechha chhod diya hai. Ab sirf aap unke peechay padi hain."

Wo ek dam chup ho gayi. Uske paas koi jawab nahi tha.

"Waise zaroori nahi tha ke aap mere aur aap ke rabte ko ghalat tareeqe se istemaal kare mujhe ruswa kar sake."

"Allah aap ko ruswa nahi karega Haya! Jannat ke patte thaamne walon ko Allah ruswa nahi karta."

Isi lamhe door neeche samandar ke kinaaron par baglon ka ek ghool phar pharata hua urra tha. Wo nigaahen un ke safaid paron par

mehrkooz kiye thaher si gayi.

"Aap jannat ke patte kise kehte hain?"

"Ahmed ne gehri saans li aur kehne laga.

"Aap jaanti hain, Adam Alayhis Salam aur Hawa jannat mein rahe karte thay, us jannat mein, jahan na bhook thi, na pyaas, na

dhoop aur na barhangi. Tab Allah ne unhein ek targeeb dilaate darakht ke paas jaane se roka tha, ta ke wo dono

museebat mein na par jaayein. Wo saans lene ko ruka."

"Bas ab pul ke aakhri hisse pe thi. Baglon ka ghool feery ke oopar se phar pharata hua guzar raha tha. Samandar peechay ko ja

raha tha.""Is waqt shaitan ne in dono ko targeeb dilayi ke agar woh is hameshgi ke darakht ko chho lein to farishte ban jaayenge ya phir hamesha rahenge. Unhein kabhi na purani hone wali badshahat milegi."

Pul peechay reh gaya. Ghor Sal ab purane sheher (Anatolia ya Asia ke hisse) mein daakhil ho rahi thi. Woh har shay se be-niyaz yaksaui se sun rahi thi.

To unhone darakht ko chhua. Had par kar li...

To unko wara be libaas kar diya gaya. Is pehli ruswai mein jo sab se pehli shay jis ne insaan ko dhoka diya tha, woh Jannat ke patte thay, Warq al Jannat.

Purane sheher ki sadak par koi traffic jam tha. Ghor Sal bohat sust rui se chal rahi thi. Sadak kinaray chalte log aur dukaanon pe lagi raushni, use kuch dikhayi nahi de raha tha. Woh bas sun rahi thi.

"Aap jaanti hain, Iblis ne insaan ko kis shay ki targeeb dilakar Allah ko had par karwai thi? Farishte banne ki aur hamesha rahne ki. Jaanti ho Haya! Farishte kaise hote hain?"

Usne nafe mein gardan hilaai, go ke woh jaanti thi ke woh usay nahi dekh sakta.

"Farishte khoobsoorat hote hain. Woh lamhe bhar ko ruka. Aur hamesha ki badshahat kise milti hai? Kaun hamesha ke liye amr kaun ho jaata hai? Woh jise log bhool na sakein, jo unhein mas'hoor kar de, unke dilon par qabza kar le. Khoobsurati aur amr hone ki chah, yeh dono cheezein insaan ko dhoke mein daal kar mumnooa had par karwaati hain aur phal khaane ka waqt nahi milta. Insan chakhte hi bharay duniya mein ruswa ho jaata hai. Is waqt agar woh khud ko dhakay to use dhaknay wale Jannat ke patte hote hain. Log use kapde ka tukra kehte hain ya kuch aur, mere nazdeek yeh Warq al Jannat hain."

Purane sheher ki qadeem oonchi imaratoun par se dhoop reng gayi thi aur ab chhaon ki nilahat un par chharhi thi. Woh saans ro kar mobile ke kan se lagaaye dam sadhe baithe sun rahi thi.

"Jannat ke patte sirf isi ko milte hain, jis ne targeeb ko chakhne ki koshish ki hoti hai aur un ka safar un ko khud pe laga lene ke baad khatam nahi hota, kyunke un ko thaamne se pehle insaan Jannat mein hota hai. Thaamne ke baad woh duniya mein utaar diya jaata hai, bakshish mil jaati hai, magar duniya shuru hoti hai aur phir..."

Woh jaise dheere se muskuraya.

"Duniya walon ne Jannat to nahi dekhi hoti na! To unko maloom hi nahi hota Jannat ke patte dikhate kaise hain. To woh un...""Ke saath sulook bhi wahi karte hain, jo kisi cheez ki asal jaane bina us ke saath kiya jaata hai. Aap duniya mein utarne ke baad duniya walon ke rawayye se pareshan mat huiye ga."

Woh khamosh hua to koi talisman toota. Sehar ka bulbulah jo us ke gird tan chaka tha, phat kar hawa mein talahul ho gaya. "Thanks Major Ahmed!," woh gheri saans le kar boli. "Is waqt kuch zyada kehne ke qabil nahi thi."

"Aap achhe insaan hain, achhi baatein karte hain."

"Shukriya! Mein ab phone rakhta hoon. Apna khayal rakhiye ga." Usne phone kaan se hataaya. Uska kaan sun ho chuka tha.

Qadeem sheher ki imaraton mein usko abhi tak Major Ahmed ki baaton ki bazgasht sunaayi de rahi thi.
       ................................

"Anatolian City mein ek seminar hai, chalo gi?," Hale ne dorum ke darwazay se jhaank kar usay mukhatib kiya. Woh jo apni kursi par baithi, mez pe pheli kitaabon mein manmak thi, chonk kar palti.

"Abhi to mumkin nahi hai, mere poore do chapter reh gaye hain," Haya ne safhay aage palt kar dekha aur phir nafe mein gardan hilaai.

"Car mein parh lena. Kitaab saath le chalo."

"Itna zaroori kya hai?"

"Tum pachtaogi nahi. Likh kar rakh lo." Hale muskurai, so usne kitaab saath rakh li. Puzzle box bhi bag mein daal diya aur bhuni mongphali ka packet jo kalia deeya store se laai thi, haath mein pakad liya.

"Kapre theek hain?" Usne gardan jhuka kar subah ke pehne libaas ko dekha. Grey skirt ke saath lime green blouse aur upar grey scarf jo abhi abhi pin up kiya tha.

"Haan, theek hain, chalo." Hale ne car ki chaabi aur purse sambhala. Yeh uska khush qismat din tha ke aaj uske paas car thi.

Woh seminar hotel ke us hall mein tha jo baal sab se ooper wale floor par tha. Us ki do mutozavi deewaron glass ki bani thi... Hall khicha khicha bhar aata. Auratein, ladkiyan aur be-had umar khawateen, khaas niswani mahol tha.

Un dono ko sheeshe ki deewar ke saath jagah mili. Haya ki kursi qataar ki pehli kursi thi, swaab us ke daayein taraf glass wali thi aur baayein taraf halle. Usne mongphali ka packet khol kar darmiyan mein rakh diya tha. Wahi de...