jannat ke pattay...[Leaves Of Paradise]

part 96

Aafaqi aansu, aasman ke aansu... Barish... Nehrion "taqseem" hoti thi is jagah.

Roud the emerald crusified

Uski nazrein mojzame ke gird phaili ghaas ke qite arzi par jam gayin, jinhein do guzargahain salib ke nishan ki tarah kaat rahi thin. Zemerd ghaas jo masloob thi.

And the freedom petrified

Sakan hui, pathar bani azadi. Yaqeenan mojzama azadi... Ataturk ka mojzama istiqamat simini.

A love lost in symbolic smell

Pyaar jo kho gaya?

DJ... Uske zehan mein jhilmaka hua. Udhar saath istiqamat jadeesi mein DJ gri thi aur roz "Ta Qasim" square mein "Tulips" ki mehak pheli thi. Alamati khushbu... Tulips jo Istanbul ki alaamat thay.

Under which the lines dwell

Is jagah ke neeche kya tha? Lakeeren nahi, lines. Haan! Meter walayn. Railway lines. Neeche railway station tha. Ek ek kar ke puzzle ke sare tukde jurte jarahay thay.

Obelus ka nishan kis cheez ka nishan tha bhala?

Haya! Yeh aadmi humein follow kar raha hai. Hale ne uska bazu jhankhoda. Woh Hale ki taraf mutawajjah nahi thi. Kisi khawabida kifayat mein woh bari bari.

Poore chhe haruf Taksim. Uski aankhon mein bay yaqeeni thi, usne puzzle hal kar liya tha.

Haya... Yeh aadmi hamare peechay araha hai. "Hale ki awaz mein zara si ghabrahat thi. Woh jaise kisi khawab se jagi aur palat kar dekha.

Sarak ke us paar khara shakhs usay dekh kar muskuraya tha. Woh ek dam baraf ka mojzama ban gayi. Uska chehra safaid par gaya.

Woh us chehre ko kaise bhool sakti thi? Abdul Rahman Pasha.

Aane ke sath aur infiradi kitni tasviroon mein woh usay dekh chuki thi. Woh usay dekh kar jis shanasaai seMuskuraya tha. Us se saaf zahir tha ke woh usay pehchan chuka hai.

"Chalo! Wapas street mein chalte hain," woh hale ka haath thamay tezi se wapas palat gayi. Logon ke rush mein se jagah banatay, tez tez qadamoo se foot path pe chalte hue woh dono us shakhs se door ja rahi thin. Jab Haya ko yakeen hua ke woh unko kho chuka hai, to usi tarah Hale ka haath mazbooti se pakray ek kafi shop mein aagayi. Pata nahi kaun tha. "Unhon ne ek koney wali meez ka intikhaab kiya tha." Hale do mug garama garam coffee ke lay aayi aur ab woh dono amnay samnay baithe, is shakhs ke bare mein tabadla khayal kar rahi thin.

"Haan! Pata nahi kaun tha? Us ne la ta'aluqi se shane uchkaaye aur garam kap labon se lagaya. Ek dam hi kafi ka ghoont kisi talkh zehr ki tarah uski gardan ko jakar gaya. Usay samne se Pasha aata dikhai diya tha. Woh kafi shop mein kab daakhil hua, unhein pata hi nahi chala tha.

"Hale woh idhar hi agaya." Usne sarasimegi ki si kifayat mein cup neeche kiya. Hale ne pareshani se palat kar dekha. Woh ain ke sir pe aa pahancha tha.

"Kya mein aap ko join kar sakta hoon, Miss Jihan Sikandar?" kursi ki pishak par haath rakh kar khara usne muskuratay hue poocha. Lambi surmai barsati mein malboos, woh acha khasa lheem shahim aadmi tha. Frameless glasses ke peechay se chhilakti ankhon mein wazeh muskurahat thi. Woh lamha mulaqat jis se usko kabhi dar nahi laga tha, us waqt be-had khofzada kar gaya tha.

"Ji! Zaroor baithiye." Usne cup pe apni qabza mazboot karte hue bazahir muskurakar kaha.

Hale ne usay ankhon mein koi ishara kiya tha. Haya ne samajh kar sar ko astbaat mein zaraasi jhilmilai. Jaise hi woh kursi kheench kar baitnay laga, Haya ne garama garam kafi uske chehre pe ulta di. Pasha ke liye yeh hamla qata ghair mutawaqqa tha. Go ke rad-e-amal ke tor par usne chehra foran peechay kiya tha, iske bawajood kafi us ke rukhsar ko jhalsaa gayi thi.