jannat ke pattay...[Leaves Of Paradise]

part 102

Daakhil ho gayi. Kitchen mein ek turk ladki aur ek naya ladka kaam kar rahe thay. Dono shef thay.

"Salam! Jihan kahan hai?" Usne arz gard nigahen dorrate hue ladke ko mukhatib kiya.

"Woh abhi to yahin tha. Gosht kaat raha tha. Ab shayad... " Ladke ne mud kar ek doosre darwaze ki taraf dekha. Shayad dressing room mein ho ya bath room mein. Issi pal dressing room ka darwaza khula. Haya ne beikhtiyar gardan moor kar dekha. Jihan andar daakhil ho raha tha, yun ke sar jhukaye woh aankhon ko ungliyon se ragar raha tha.

"Jihan!" Usne pukara to Jihan ne chonk kar gardan uthayi. Uski aankhen bheegi aur surkh si ho rahi thi. Woh bamaushkil muskuraya aur silib ki taraf aya. "Assalamu Alaikum! Tum kab aaye?" Woh us se nazr milaye baghair gardan jhuka kar gosht ki tray uthane laga. "Abhi... tum... tum theek ho?" Woh baghor uska chehra dekh rahi thi.

"Haan, bas pyaaz kaatne se aankhon mein thodi jaln ho rahi thi, to abhi munh dhone gaya tha. Itni lambi wazahat?" Woh bhi Jihan de? Aur pyaaz... " Usne arz gard dekha, pyaaz to kahin nahi thi.

"Tum batao! Kaise aaye?" Woh... " Woh hum street protest ke liye jar rahe hain. Freedom Flotilla par hamle ke khilaf. Tum chaloge?"

"Protest kyun? In behri jahazon mein aslaha nahi tha?" "Aslaha? Nahi Jihan! In mein dawa aur khurak thi." Usne achanchhe se Jihan ko dekha. Kya woh itna bekhbar tha?

"Yeh to tum keh rahi ho... aslaha nahi hota to Israeli kyun rokte usay? Woh la parwahi se kehte hue gosht ke qatle khata khat kaat raha tha.

"Jihan! Kya tumhe lagta hai ke unko kisi wajah ki zarurat hai?" "Yeh unki aapas ki jung hai Haya! Yeh Palestinian bhi itne seedhe nahi hote. Yeh jihad waghera kuch nahi hota. Sab dahshat gardi ki qismain hain. Ho sakta hai ke flotilla ko waqai na-jaaiz roka gaya ho, magar humein Palestinianon se zyada Palestinian bannay ki zarurat nahi. Yeh hamara masla nahi hai."

"Jihan! Yeh kaise hamara masla nahi hai, hamare relegion ko hamari zarurat hai.""Humara rishta humare paida hone se pehle bhi tha aur humare marne ke baad bhi rahega. Isay humari qata zaroorat nahi hai aur please atam is Muhammad bin Qasim era ke romance se nikal aao."

Woh bohot bezaari se gardan jhukaaye kaam karte hue keh raha tha.

"Yeh kaisa jihad hai ke buzurg maan, baap ko chhod kar bandook uthaye nikal paro. Jihad to woh hota hai jo ek aadmi apne ghar walon ke liye mushaqqat karke rozi kamata hai, jo main karta hoon, jo iss restaurant mein mere workers karte hain."

Jahan mein gaya tumhara restaurant, beherhal mein tum se muttafiq nahi hoon... aur agar tum ghalti se itne par aitmaad ho sakte ho to mein sahi se par aitmaad kyun na hoon? Woh talqeeh se keh kar palat gayi.

Jihan ne ek nazar usay jaate dekha, phir sar jhatak kar kaam karne laga.

Muslim students ka doosra tark basion ke saath street protest jaari tha. Play cards aur banners uthaaye woh narey buland karte aage barh rahe thay. Ek shakhs zor se pukaarta tha "Down with?" to baqi log hum awaz ho kar "Israel!" chalate. Har taraf "Down with Israel" ke narey ki goonj thi. Pakistan mein aise muzahiron mein aamooman mar doun, aurton ke darmiyan tafreeq si hoti thi, magar Turkey mein dono sanf akhate hi rally mein chal rahe thay. Yun bohot beech beech kar chalna parhta, magar uska zehan abhi tak Jihan mein atka tha.

Har ek ke siyasi tajziyat alag hote hain sab ko apni raah rakhne ka haq hai, phir usay kyun baar baar rona... araha tha aur woh kyun baar baar apne aansu bemushkil rok rahi hai?

Woh Israeli embassy ke qareeb bhi nahi pahunch sake. Motasim ka wada poora na ho saka, magar unka ehtejaj shandar raha. Aglay roz uska paper tha. Woh be dil se thoda thoda parh kar jaldi so gayi aur phir subah munh andheray uth kar kitaabein liye jheel par aa gayi.