jannat ke pattay...[Leaves Of Paradise]

part 105

"Nahi! Aur tum koi rona nahi daalogi."

"Magar tum hamein aise nahi chhod sakte. Tumhein... Tumhein meri zaroorat hai. Us ki aankhein bheeg gayi."

"Oh come on! Mujhe tumhari bilkul bhi zaroorat nahi hai." Woh berehmi se kehte hue mura aur bahar nikal gaya. Baharein ko apne andar se ek awaz aayi thi, jaise mar mara ke pani mein pathar phenknay ki hoti hai, jaise dil tootne ki hoti hai.

Aansu lariyon ki surat us ke rukhsaron par girne lage. Abdul Rehman ko us ki zaroorat thi, tab hi to us ne us se wada liya tha ke agar woh mar gaya to baharein usay janaza de gi aur us ka sath kabhi nahi chhore gi. Chahein poor utar ki usay chhod de, baharein gul usay kabhi nahi chhore gi.

Us ne apni kamar se bandhe gulabi purse ko khola aur passport us mein daal diya. Phir woh kursi se utri aur dabay qadmon meez ke neeche chali ayi. Charon taraf se girtay meez posh ne usay dhak diya.

Woh lakri ki taang se sar takay bethi hole hole sisknay lage. Woh sab kuch chhod sakti thi, magar Abdul Rehman ko nahi. Phir ab kyun...

Aansu us ki gardan se phelte hue farak ke collar mein jazb ho rahe the. Us ne dekhna chaha ke neeche se meez kaisi lagti hai, magar woh usay dhundli hi dikhai di.

Bheegi, aansuon se ladi.

Abdul Rehman bahar nikalte hue jab aakhri dafa gardan mod kar dekha to baharein usay kursi pe sun si bethi, be awaz rote dikhai di thi. Woh us se zyada nahi dekh sakta tha, so tezi se bahar aaya.

Pichle baaghche mein woh ayesha ki work table ki kursi khinch kar betha aur yun hi aasman ko dekhne laga. Us ka apna dil bhi bohat dukhi tha. Un dono behnon ko us ki wajah se itni takleef uthani paregi, us ne kabhi yeh nahi chaha tha, magar woh janta tha ke wahi us sab ka zimmedar hai. Us ki aur us ke kaamon ki wajah se yeh sab hua tha, magar phir bhi woh be qasoor tha. Baharein se sakhti aur sardimahri se baat kar ke apne tain us ne un ki rawangi asan banane ki koshish ki, shayad yun karne se baharein us se mohabbat karna chhod de aur phir jald usay bhool jaye. Yeh sab asan nahi hoga, magar ayesha sambhal le gi usay.

"Aur apne kamray ki khidki se usay baaghche mein bethay dekh kar Ayesha ne be ikhtiyar socha tha ke Baharein ko to woh sambhal le gi, magar khud ko kaise sambhale gi? Chand mah qabl us ki aur Abdul Rehman ki shadeed larai ke baad usay ilm ho gaya tha ke jald ya badir woh Abdul Rehman se alag ho jayein gi. Woh un ka kabhi nahi tha. Woh un ke liye banahi nahi tha. Woh ek ghair fitri zindagi guzar rahe the, magar ab woh fitri tareeqay pe wapas aa jayein ge. Dadi, chacha, chhoti behan... Ayesha ke teen saathi, family members aur asal zindagi, haqeeqi ghar, mukammal family."

"Us ne ungli ki nok se aankh ka bheega goosha saaf kiya aur almirah ki taraf barh gayi. Aanay subah se tayyari mein lagi thi. Woh bohat khush thi, sawa se bhi tayyari mukammal kar leni chahiye."

"Rehi mohabbat... To woh achi ladkiyon ko bhi ho hi jati hai, lekin jab unhein yeh pata chal jaye ke woh mohabbat unhein mil hi nahi sakti, to woh khamosh rehti hain. Achi ladkiyan khamosh hi achi lagti hain."

"Dukhi dil ke saath us ne daraaz se apni qeemti cheezen nikalni shuru ki. Woh yeh sab ek jewelry box mein daal rahi thi. Sab se oopar us ne apni ungli se angoothi utaar kar rakhi. Yeh usay Abdul Rehman ne us ki salgirah par tohfa mein di thi aur woh usay kabhi nahi utarti thi. Jawab mein us ne Abdul Rehman ki salgirah par usay kya diya tha. Us ne apne jewelry box ki sab se aakhri, chhoti si daraaz kholi. Woh khali thi. Kabhi is mein woh cheez hoti thi, jo us ne Abdul Rehman ko de di thi. Magar is be raham aadmi ne usay tohfe ke sath kya kya?"

"Ayesha ne azardgi se sar jhatka. Zindagi mein sab se zyada khauf usay isi baat se ata tha ke kahin woh janta toh nahi ke woh kya sochti hai."

"Magar nahi, woh kabhi nahi jan sakta tha. Us ne khud ko tasalli di. Woh ghalat thi."