jannat ke pattay...[Leaves Of Paradise]

111

Nay aa kar dehraaya aur jawab mein woh ek saada muskurahat se kehti rahi.

"Tehnuk yu! Main bilkul theek hoon."

Albatah sab ki baatein dil par bohat zor se lagti thien. Fatima ne kitni dafa usay aankhein se ishaara kiya ke chehra poora khol le magar jawab mein woh abru se peechay ki taraf ishaara karti jahan movie maker movie bana raha tha. Woh jhunjhla gayin.

"Ohu! Family video hai, apnon mein hi rahegi. Bahar thori dikhayen ge."

Bilkul woh asbaat mein sar hila kar doosri jaanib dekhnay lagin.

Sirf Shehla thi jo usay yun mili jaise koi tabdeeli hi na aayi ho. Uski aankhein albatah ab bhi waisi hi udaas aur takaan se bhar poor thien. Magar Haya ko ab wajah jaan'ne ki zaroorat nahi rahi thi. Usne abhi ek do functions hijab mein attend kiye thay, kal Fatima se behas ka asar abhi tak dil pe tha aur Shehla to peechle do saal se har khushi har ghami mein aise hi shirakat karti rahi thi.

Aur phir jab insaan kehta hai ke woh imaan laya hai to woh azmaaya bhi zaroor jaata hai.

Jaane Shehla ki takleef kitni thi aur kab se thi.

Salaam ho hum ajnabiyon pe! Usne gehri saans lete hue socha. Shadi ke liye doosre shehron se aaye kuch rishte daar Taaya Furqan ke ghar thahre hue thay. Taaya ne raat mein sab ka khana kiya tha. Is waqt bhi unka ghar mehmanon se bhara hua tha. Jab woh presentation ka batane unki taraf aayi.

Lawn mein andhera utar aaya tha. Taaya baramade mein hi khade thay. Andar jaane wala darwaza khela tha magar aas paas koi nahin tha. Andar se albatah ghumaa ghummi aur rounaq ki si awaazain aa rahi thi.

Aaj presentation achhi ho gayi hai. Umeed hai project humein hi mile ga.

Woh narmi aur bashaashat se batane lagi. Jo sard mahri ki deewar in dono ke darmiyan thi. Woh usay girana chahti thi. Jo bhi tha, usay fitri tor par Taaya Aba se bohot mohabbat thi.

"Khair! Mujhe to itni umeed nahi hai. Pata nahi, tum theek se kar ke bhi aayi ho ya nahi. Wahan abhi tak rakhaayi thi. Woh bohot akhre akhre se lag rahe thay."

"Nahi Taaya Aba, sab bohot achha ho gaya hai. Main poora homework kar ke gayi thi."

Woh khamosh hain. Tanay hue abru aur mathe ke bil. Woh us se khush nahi thay.

"Okay! Baqer Sahab bata rahe thay ke Side B mein vendor kuch masla kar raha hai. Supply rok di hai. Main soch rahi thi agar main khud..."

Woh ek dum ruki. Darwaza khola kar Dawar Bhai bahar aa rahe thay. Haya kisi mechaniki amal ke tehat doopta do ungliyon se thodi si utha kar naak tak le gayi. Taaya ne chonk kar uski is harkat ko dekha, phir andar se aate Dawar Bhai ko, jo usay dekhte kar ruk gaye thay, jaise mutazabzab hoon ke kharra rahoon ya wapas chala jaoon.

"Yeh tum kis se purdah kar rahi ho?" Taaya ne kadhe tevaron se usay dekha. Lamhe bhar ko uski samajh mein kuch nahi aaya.

"Jee?"

"Tum mere bete se purdah kar rahi ho?"

"Taaya Aba! Main to..." Usne kuch kehna chaha magar woh ek dum bohot buland awaaz mein bolne lage.

"Mere bete awara hain? Loufar langay hain? Badnati hain? Kya kya hai mere beton ne jo tum un ke samne parda dalne lagti ho? Oonchi, ghaseeli awaaz ne andar bahar khamoshi tari kar di."

Woh bilkul saakit ki bina palk jhuke unhein dekh rahi thi. Uski samajh mein nahi araha tha ke ho kya raha hai.

"Tum mere hi ghar mein khade ho kar mere beton ko ghatiya aur panch sabit karna chahti ho? Tum mere beton ko zaleel kar rahi ho. Woh ghuse se dhaade." Dawar Bhai ne nafi mein sar hilaya, jaise unhein qata na laga ho ke unko zaleel kiya gaya hai.Andar se log bahar aane lage. Koi kitchen se bahar nikla. Koi baramade ke darwaze se tamasha saj gaya tha. Aur tamashai jamai ho rahe thay.