jannat ke pattay...[Leaves Of Paradise]

115

Aabida bhi aur Saharish do pahar ke khaane pe yahan hongi, tum inch ki tayyari abhi se shuru kar do. Yun karna.

Joos ka glass labon se lagate hue woh thehr gayi.

Yeh Aabida chachi aur Saharish ke chakkar un ke ghar barh nahin gaye thay? Parson hi to woh aayi thi aur phupho ke liye ek bohot qeemti jora bhi laayi thi. Aaj phir aa rahi thi. Kyun bhala?

Amaan! kursi se uth kar tissue se haath saaf karte hue usne Fatima ko aate dekha to pukaar liya.

Chi kyun aa rahi hain, Aba se milne?

Nahi, tumhari phupho ke saath shopping pe jaana chahti hain. Saharish ke college mein koi function hai. Usay Irish tarz ki dulhan banna hai. Woh us ke liye koi khaas dress banwana chahti hai. Sabreen ko tajruba hai na kapron waghera ka, is liye.

Acha. Woh achambhe se abaya pehnne lagi.

Pehle to Saharish kisi se mashware nahin leti thi, ab kyun? Aur phupho hi kyun? Ya phir woh Jahan Sikandar banti jarahi thi. Har ek par shak karna. Af! Woh naqab ki patti sar ke peechay bandh kar bahar nikal aayi.

Khair jo bhi hai. Usay aate dekh kar driver ne foran pichli nashist ka darwaza khola. Woh andar baithne lagi thi.

Haya! Aram ki awaz ne usay chonkaya. Woh baithte baithte ruki aur hairat se palatii. Aram samne hi khadi thi. Sar pe dupatta liye, aankhon tale halqe, chehre par sanjeedgi.

Aram? Usay hairat hui. Aram chalti hui us ke samne aayi.

Baatein karni thi tum se. Phir usne driver ko dekha.

Tum bahar jao. Woh jaise usi jagah pe baat karna chahti thi. Driver foran tabe dari se wahan se hat gaya.

Batao, kya baat hai? Usne narmi se poocha. Aram chand lamhe usay sanjeedgi se dekhti rahi, phir dheere se boli.

Is roz maine jo suna, woh wahan ja kar bata diya, sirf is liye ke mujhe tum pe ghussa tha. Kyunki tum ne bhi mera purdah nahin rakha tha.Arma! Agar tum nah bhi bataati aur mujh se koi poochta ke woh kyun gaya hai to main khud hi batadeti. Jahan tak baat hai meri... Mujhe Tayya ne raat ke teen bajay phone kar ke poocha tha ke mere paas koi doosra number hai ya nahin, agar tum ne mujh pe bharosa kiya hota to main bhi tum pe bharosa karti ke tum mujhe phansao gi nahin. Woh gaadi ke khule darwaze ke saath hi khadi, bohot sukoon se keh rahi thi. Arma chand lamhe lab kaati rahi, phir nafi mein sar hilaya.

Magar maine is din zyadti kar di tumhare saath. Aayi I'm sorry for that. Mujhe yeh nahin karna chahiye tha. Hayane bugore usay dekha. Woh nadim thi ya us ke peeche koi aur maqsad tha. Albatta iska dil pasijne laga tha.

Koi baat nahin. Kya farq padta hai?

Farq to pada hai na, is waqt se Aabida bachi, phupho ke peeche padi hain...

Is waqt se Aabida bachi, phupho ke peeche padi hain ke tumhara pata saaf ho aur woh Jahan ke liye Saharish ki baat chala sakein.

Kya? Woh chonki. Uski aankhon mein hairat ubhri.

Haan! Isi liye to roz hi phupho ke paas aayi bethi hoti hain. Kya tum nahin jaanti? Ab ke Arma ko hairat hui. Haya ne bimushkil shane achkai.

Jo bhi hai, mujhe in baaton se farq nahin padta. Usne bazahir la parwai se kaha, albatta iska dil athal pathal ho raha tha.

Magar... khair! Arma ne gehri saans li. Lamhe bhar ko khamosh rahi phir boli.

Kya mujhe tumhara phone mil sakta hai, mujhe ek call karni hai bas! Uska lehja milti nahin hua, balkay hamaawar raha. Bas mujhe is qisse ko khatam karna hai, bas use khuda hafiz kehna hai.

To yeh baat thi. Haya ne gehri saans andar ko khinchi. Arma ne jise bhi phone karna tha woh usay landline ya kisi bhi tarah maan, bha bhi kisi ka bhi phone le kar sakhti thi, magar ghalibawah pehle pakri gayi ho gi ya phir sakhti barh gayi thi, tab hi woh khatra mol nahin leti thi.