jannat ke pattay...[Leaves Of Paradise]

121

Tha. Allah bohot ghairat wala hai. Kisi ka ehsaan nahi rakhta. Jo shakhs uske liye jaan de de, woh usay laawaris chhod de ga? Usko apni zameen mein ba'izzat jagah bhi nahi de ga? Ye nahi ho sakta tha. Ye nahi hota tha. Us roz usay shiddat se Furqan mamoon ki baatein yaad aayi magar aaj un baaton ki takleef pehle se kahin zyada mehsoos hui thi. Woh kehte the, "Tum zaleel ho gaye, tum khwar ho gaye, tum kabhi sar utha kar nahi ji sakein ge. Tum kutton ki si zaleel zindagi guzaro ge." Magar ab bilaakhir uske khwabon pe lagi mum ki mohar pighal gayi thi. Saare khwab phir se lifafe se bahar aa gaye the. Nahi, woh unki baaton ko durust nahi sabit hone de ga. Woh wapas jayega aur woh bohot mehnat kare ga. Apne mulk se wafa'dari ka 'ahd nibhaye ga. Yun mufarar mujrimon ki tarah ek doosre mulk mein saari zindagi chhup kar nahi guzar de ga. Usne koi jurm nahi kiya tha. Woh sar utha kar kyun nahi ji sakta? Nahi, woh kutton ki si zaleel warsawaak zindagi nahi jiye ga. Woh Hashr ke bade din apne dada ko kya chehra dikhayega? Usay sar-khuro ho kar nahi ji na, wohi nokri karni thi jo uske baap ne ki, magar usay apne khandan aur dada ke naam par se zillat ka dabba utarne ke liye woh nahi karna tha, jo uske baap ne kiya. Usko sabit karna tha ke achhai, burai ko rafa kar deti hai. Aur woh ye sab kar ke dikhaye ga. Woh Furqan mamoon ko ye sab sabit kar ke dikhaye ga ke woh apne baap jaisa nahi hai. Ek din aayega, jab woh unke samne sar utha kar khara hoga. Woh us din sar-khuro ho jayega, uski maa aur dada sar khuro ho jayenge.

Apne tamam tar azam o himmat ke bawajood ek baat taayi thi. Agar woh Pakistan jayega to Colonel Gilani ke paas jayega, ya kisi aur ke paas ya Fateh Path pe raat basar kar le ga magar mamoon ke ghar nahi jayega.

Tumne hamara saath nahi diya. Ab jab tumhe madad chahiye ho to hamare paas mat aana. Hamara darwaza mat khatkhatana. Lekin mujhe yakeen hai ke tum bohot jald pachtao ge kar hamare darwaze pe zaroor aao ge. Ye hi kaha tha unhone. Ab uski izzat usi mein thi ke woh mamoon ki taraf na jaye. Uske liye ye izzat nafs ka masla tha, magar mami ye sab kisi aur wajah se chahti thi.

Main hamesha se chahti thi ke tum bhi fauj mein jao aur main tumhare is faislay pe bohot khush hoon magar main nahi chahti ke tumhare mamoon is bare mein kuch jaanein. Main apne bhaiyon ko achhi tarah jaanti hoon. Woh us cheez ko apni.

Shikast samajhte hue har mumkin koshish karen ge ke tumhein kamiyab na hone dein. Tum un ke sahare ke baghair kuch ban jao, aur sab se badi baat, army mein koi ohda palo, woh ye kabhi bardasht nahi karen ge. Woh tumhare khilaf ho kar tumhein upset kar den ge. Phir hum use raaz kaise rakhein ge? Us ki baat par maa muskurati thi. Come on Jihan! Tumhein raaz rakhte aate hain. Magar unhein pata chal jaega, Mammi!

Dekho! Ek na ek din unko pata lagna hi hai, magar tab tak tumhein is qabil ho jana chahiye ke tum unke samne sar utha kar khade ho sako. Waise bhi har saal seakaron cadet bharti hote hain, tumhare mamoon ko kya maloom ke un ke naam kya hain aur woh kaun hain?

Usne asbat mein gardan hila di. Ye itna mushkil bhi nahi tha, jitna woh samajh raha tha.

Hamara Istanbul mein koi rishta daar nahi hai. Halqa ahbaab bhi thoda sa hai. Main sab ko keh doongi ke tum Ankara gaye ho, wahan college mein dakhla le liya hai.

Nahi! Ankara mein Seljuk Imran ke khazana padhte hain, woh mere ham umar hain, Ankara kaha to pool khul jaega. Yunan theek rahe ga. Mami ne nam muskurati aankhon se use dekha.

Haan, tumhein raaz rakhte aate hain.

Mammi ke baqol, mamoon ke aas paas khandan mein door door tak koi fauji nahi tha. Woh sab karobari log the.

Un ke halqa ahbaab mein agar koi army family thi bhi to Sikandar Shah ke mashoor zamana case ke baad Furqan mamoon waghera ab un se ihtiraz barat te the. Colonel Gilani waise bhi Lahore mein rehaish pezir the, yun jab woh Pakistan gaya to use apne mamoon ke sheher nahi jana para tha.

Un sab ihtiyati tadabeer ke bawajood usay ilm tha ke jald ya ba'dir Furqan mamoon jaan len ge ke woh idhar hi hai aur us waqt ko soch kar woh khof zada ho jata tha. Mammi ke samne woh hamesha ye zahir karta tha ke woh ye sab apni ana ke liye kar raha hai. Ye bhi ek wajah thi, ke us ki izzat nafs majrooh hui thi, magar ye bhi ek haqiqat thi ke woh apne mamoon ke samne khud ko kamzor mehsoos karta tha. Woh waqai un ke samne sar nahi utha sakta tha. Usay ye hi khof tha ke woh use us ke baap ka tanha de den ge aur woh ek dafa phir toot jaega.Rauf Gilani bohot achay aur dheemay mizaaj ke hamil insaan thay. Woh unki bohot qadar karta tha. Iss ke baap ki saari zyadatiyan nazar andaz kar ke unho ne usay apne ghar jagah di aur phir har moqa pe uski madad ki. Sirf maali madad un se nahi li thi, magar akhlaqi tor par woh hamesha uska sahara bane rahe. Woh aur Hamad ekathey cadet bharti hue thay aur taraqqi ki manazil unho ne ekathey tay ki thi. Woh Sikandar Shah ghaddar ka beta hai, yeh baat kabhi bhi uske liye taziyana nahi banayi gayi. Ab Rauf Gilani, unki begum Ursula, Hamad aur uski chhoti behen Noor al-Ain (Aini) uske liye doosri family ki tarah thay. Chauni mein aam tor par aapke apne karakar aur aamal ko pehchan ka zariya samjha jata tha, nah ke aapke perakhon ke karakar aur aamal ko. Usne apna naam Jihan Ais Ahmed likhna shuru kar diya. Zyadatar woh apne sir name Ahmed ke sath hi pukara jata tha magar kabhi kabhi pura naam likhna ya batana ho to woh Jahan Sikandar Ahmed hi likha aur bataya karta.