jannat ke pattay...[Leaves Of Paradise]

part 123

Bhi tha aur ab iss number se call arahi thi. Mamon ke ghar se call? Woh lamhe bhar ko gad bara sa gaya.

Magar iss ne phone utha liya chunkay yeh track number tha iss liye woh ek hi lamhe mein khud ko track ki le gaya. Ek pesha war agent honay ke natay iss ko yeh zahir nahi karna tha ke woh Turkey se bahar hai aur iss ka number roaming pe hai.

Woh haya thi, na qabil yaqeen... aur woh mammi ka pooch rahi thi. Woh unki muntazir thi, mammi theek kehti thi. Iss sab ke bawajood jab woh baat karne laga toh uss ka lahja khushk hi tha. Woh itni jaldi kisi ke saath narmi se ya khul kar baat nahi karta tha aur iss ko toh woh waise bhi koi umeed nahi dilana chahta tha.

Phir bhi, jab baat ke ikhtitam par iss ne haya ki awaz ko bheegte huay suna toh uss ne woh lutfah nikala jo woh phoolon ke saath rakhne ke liye laya tha. Abhi andar mojood safed mote kaghaz pe iss ne likha nahi tha aur ab iss ko maloom tha ke iss ko kya likhna hai.

Iss larki ke naam jo kabhi kisi an chahe rishte ke bannay ke khauf se roti hai toh kabhi kisi ban chuke rishte ke tootnay ke khauf se.

Yeh aakhri baat muhazz iss ka gumaan tha, magar kya pata woh sahi bhi ho. Iss ne picap sar pe liya aur mozlur gardan ke gardiyon lapeta ke agar ab woh khud ko courier service mein keh kar ghar ke kisi mulazim ke hawale woh phool kare toh kal ko din ki roshni mein woh usay pehchan nahi paayenge. Phool aur khat ek mulazim ke hawale kar ke woh wapas chala aaya. Woh sirf haya ko chonkana chahta tha aur issay umeed thi ke iss ka maqsad poora ho jayega.

Dawar ki baraat ke roz iss ka qata'an irada nahi tha ke woh aaj bhi haya ke liye idhar jayega. Aaj waise bhi issay apne bahut se kaam thay. Secretary tak woh abhi bhi rasaai haasil nahi kar saka tha, magar woh jaanta tha ke yeh kaam waqt talab hote hain. Sabr, intezar, aur khamoshi, yeh teen cheezein iss ne apni jasoosi muhimat ke doran seekhi thay. Aaj bhi iss ka kaam nahi ho saka tha aur woh wapas ghar ja raha tha, magar sirf aakhri minute mein iss ne yunhi sursuri sa Suleiman mamon ke ghar ka jaiza lene ka socha. Maloom nahi woh baar baar wahan kyun jaata tha.

Jab woh unki gali ke dahanay pe pohancha toh iss ne zan se apne samne se guzarti gaadi mein haya ko dekha. Woh be ikhtiyar chonka tha. Iss gaadi mein issay wahi kal wali family nazar aayi thi aur wahi bebaak nigaahon wala fazool insaan gaadi chala raha tha.

Aakhri woh un ke saath kyun jarahi thi?

Woh farigh tha, agar nah hota toh bhi un ke peechay zaroor jata. Jo bhi tha, woh us ki biwi thi aur woh us waqt kuch aise logon ke saath thi, jo usay pehli nazar mein hi achay nahin lagte thay. Kal usay woh un se mil kar na khush lagi thi, magar aaj woh un hi ke saath thi. Kal ghalat tha ya aaj? Woh yehi dekhna chahta tha. Aur jab us ne Meraj Hall ke ek taraf haya ko gaadi se utar kar dobara front seat par beth te dekha toh usay dhakka sa laga tha. Woh kaise yun kisi ke saath beth sakti thi? Kia woh har ek ke saath beth jane wali larki thi? Usay shadeed ghusa aya tha. Ek to us kaalibas, phir woh itna makeup karti thi. Itni naksukh se taiyar hoti thi, ooper se raat ka waqt. Us ka dil chahta tha woh abhi usay haath se pakar kar us aadmi ki car se nikal le aur agar us ne woh ajeeb sa halia na apna ya hota toh shayad woh yeh kar bhi deta.

Jab woh gaadi se nikla tha toh fraa'e pane bhi saath utha liya jo apne iss gate up ke saath woh rakha karta tha. Kamalat us ke har "core" mein numaya hoti thi. Aur jab us ne us nojawan ke sar ke peechle hisse pe frying pan maar kar usay giraya toh bhi us ka ghusa kam nahin hua. Woh aur kuch nahin kar sakta tha, koi haq nahin jata sakta tha, magar us larki ko

girdan se pakar kar Meraj Hall ke darwaze tak chor sakta tha.

Aur yeh us ne kiya. Apne libas ka woh ghatiya se rang ka dupatta bhi us pe achaal diya magar jab jane laga toh bohat silgati nigahon se usay dekhte huay agar woh bola toh sirf ek lafz, jo us ki zaban pe aya tha. "Be haya".