jannat ke pattay...[Leaves Of Paradise]

part 124

"Thay. Tum ab bhi chahte ho ke wo tumhare Istanbul zaroor aayen. Is liye is bare mein pareshan mat ho aur jane ki tayyari karo. Waise achi khassi khush akhlaq begum hai aap ki."

Is ki aakhri baat pe wo be ikhtiyar hans diya tha. Wo Hamad theek keh raha tha. Isay apne andar ki confusion khatam karni chahiye. Wo uski tarki anay se pareshan tha magar nakhush nahi. Isne bil akhir khud se sach bol hi liya. Wo kisi larki ke apne asabon par hawi ho jane se darta tha. Larki bhi wo jo Suleman Mamoon ki beti thi. Magar usay aisa nahi sochna chahiye. Jab use mamoon se intiqam lena hi nahi hai to phir unke khilaf dil mein inayat kyun rakhe? Aur shayad wo khud bhi ye rishta nahi chahti. Jihan ko uska is larkay ki gaari mein baithna yaad tha. Chalo theek hai, wo ajaye gi to kabhi na kabhi wo is se ye baat clear kar le ga.

Ab wo mutmain tha.

Office mein neem andhera phela tha. Khidkiyon ke bahar sham utri thi. Wo abhi tak usi position mein baithi yaktak laptop ki screen ko dekh rahi thi. Ansoo uske galon par ladhak ladhak kar ab sukh chuke thay. Kahin pas manzar mein phone ki ghanti baj rahi thi magar wo is janib mutawajjah nahi thi. Wo sirf us ek shakhs ko dekh rahi thi, jo us se hamkalam tha. Bohat mukhtasir alfaz mein apni kahani sunate hue bhi darmiyan mein uth kar wo kafi banala gaya tha.

Farigh to wo baith hi nahi sakta tha. Wo usay janta thi. Magar aj jab usne video ke khulte hi Jihan ko bewak ada ke safed mehel mein mojood Abdul Rahman Pasha ke kamray ki computer chair par baithe dekha tha to usay laga tha wo is shakhs ko nahi janti nahi pehchanti. Wo is video mein aur ARP ke kamray mein kya kar raha tha? Magar jaise jaise wo sunti gayi is ke asab sun par gaye.

Pehle usay shak laga, phir gussa chadha, magar aisa gussa jo shatranj mein apne zehni muqabil ki chal pe mat khaya jane se chadhta hai aur phir uski jagah dukh ne le li.

Pehli dafa usay ehsaas hua tha ke jab tak insaan doosray ki jagah pe khada na ho, usay puri baat samajh mein nahi aati.

Telefon ki ghanti abhi tak baj rahi thi. Isne haath badha kar video ko wahi roka. Abhi wo adhi bhi nahi hui thi aur abhi tak Jihan ne is shakhs ka zikr nahi kiya tha. Jis ke chehre pe haya kafi uljhi thi? Agar uska wo"Ghareeb Sarestonnt owner Jihan hi Abdul Rahman Pasha tha. Aaishay aur Baharay ka Abdul Rahman Pasha. To phir bechara wo kaun tha, jis pe usne coffee ulti thi? Aur wo jis ko usne Jihan ke saath pantry mein dekha tha.

Sath magar ek minute... Usne donon computers ko ungliyon se dabate hue sochna chaaha... Usko kis ne kaha tha ke wo Abdul Rahman hai? Kisi ne nahi. Usne aanay ke saath uski tasweeren dekh kar az khud ye farz kar liya tha ke wahi Abdul Rahman hoga. Tab wo nahi jaanti thi ke aanay ka ek doosra beta bhi hai. Unka asli beta, gumshuda beta, jo arsa pehle adalaar chor kar chala gaya tha. Haan, wahi to tha unka gumshuda beta. Tab hi to uski tasweeren ghar mein har jagah lagi hui thi. Pasha bay (Mr. Pasha) usi naam se Jihan usay restaurant mein pukaar raha tha, jab usne unki baatein suni thi. Abdul Rahman Pasha aur Pasha be do alag alag log thay.

Phone musalsal baj raha tha. Usne ikta kar meiz par rakhe phone ko dekha. Abba ki sab se naatak kar meiz pe rakhe phone ko dekha. Abba ki secretary ko kaha bhi tha ke usay mat disturb kare, magar koi sunay to. Usne receiver uthaya.

Jee?

Mam... Walid Sahab aap se milna chahte hain. Wo insist kar rahe hain. Mam...

Unhein bhej dain! Usne na-gawari ki uth-ti lehar ko daba kar kaha aur phone rakh diya. Sirf is fazool aadmi ki wajah se uska kirdar Jihan ki nazaroon mein mashkooh ho kar reh gaya tha. Sirf yehi nahi, wo company ke saath bhi wafaadar nahi tha. Aaj to wo achhi tarah betay gi us se.

Usne office ka lock khola aur naqab ki patti sar ke peechay bandh li. Phir laptop band kar ke flash drive waapas dabi mein daal li. Baqi video wo ghar ja kar dekhe gi. Waise bhi sham hone ko aayi thi. Waqt ka kuch pata hi nahi chala tha.