jannat ke pattay...[Leaves Of Paradise]

127

"Aba ki wajah se nahin aasakti theen woh.

Acha! Aur khamoshi. Bas isi tarah ki kuch baatein kar ke mulazim ne usay uska kamra dikhaya dia. Woh neeche wala ek kamra tha, usne poocha ke agar koi upper wala kamra mil jaaye toh? Mulazim ne foran uska samaan upper wale guest room mein rakh dia.

Woh kisi ke bhi ghar mein rehta, hamesha upper wali manzil pe thahrta. Upper se neeche poore ghar ka jaiza lena aasaan hota hai, aap ka panorama wasee rahta hai, faraar ka raasta bhi mil jaata hai. Aas paas ke gharo'n pe bhi nazar rakhna sehal tha.

Do pehr mein woh so nahin saka, bas teers se idhar udhar dekhta raha. Masjid kidhar hai, colony se nikalne ke raaste, sector ke markaz ki simt.

Do pehr mein Haya aur uski ami waaps aayi'n. Usne khidki se dekha tha. Haya bemaar lag rahi thi magar woh us tarah ja kar pooch bhi nahin sakte thay.

Shaam mein zara der ko aankh lagi hi thi ke Haya ki ami, Fatima Mamani ne darwaza khatkhataya. Furqan mamu'n wagairah aaye thay.

Main aaraha hoon bas fresh hokar.

Oh ke! Acha... Woh rukain. Noor Banu batarahe thi ke aap ko neeche wala kamra pasand nahin aaya? Yeh theek hai?

Jee. Usne tarded kiye baghair bas asbat mein sar hilaya. Woh toh aisa hi tha, magar Fatima Mamani ko shayad kuch achamba sa hua tha magar bolain kuch nahin.

Kuch der baad woh kamray se bina chaap ke nikla toh abhi seedhiyon ke gol chakkar ke ooper hi tha jab lounge se milhaqah kitchen ki aadhi khuli deewar ke paar Fatima Mamani Haya se baat karti nazar aayi. Usne danista tor par ruk kar suna.

Yeh Sabi'n ka beta zara proud nahin hai?"

"Chalo ji. Pehle uska baap maghroor tha, ab woh maghroor ho gaya. Jo apni marzi se rehna chahe, woh maghroor ho gaya! Woh to maghroor nahin tha. Usay to kisi cheez ka gharoor nahin tha. Pata nahin kyun woh iske baare mein aise andaaze qaaim kar rahe thay.

Nahin, woh shuru shuru mein aisa hi rehta hai. Haya keh rahi thi.

Aur baad mein?

Baad mein bhi aisa hi rehta hai. Iss shuru aur baad ke darmiyan kabhi kabhi normal ho jaata hai. Seerhiyon ke beech mein deewar par lamba sa aaina aawizaan tha jismein woh dono nazar aarhi thay. Aur woh alfaaz kehte hue Haya ka chehra spot tha. Usay bura lagaa magar pata nahin kyun ab woh usko maar jin dene laga tha. Aisa hai to aisa hi keh do.

Loan mein Mamu Furqan aur Saaima Mamani aayi hui thi. Jab woh chalta hua loan tak aaya to woh log uth khade thay.

Tumhein kya lagta hai, tum yahaan izzat se jee sako ge? Kabhi nahin, tum zaleel ho gaye. Tum khwaar ho gaye.

Woh awaazain aaj bhi uske saath thay. Woh log bohat izzat se ab usse mil rahe thay. Salaam dua, mami ka haal, galay shikway.

Tumhara baap tumhare naam pe ek sharmnaak dhabba hai tum kabhi sar utha kar nahin jee sako ge. Tumhara baap ka naam tumhara sar hamesha sharm se jhukata rahe ga.

Woh unke samne kursi pe baitha hua tha. Fatima Mamani usse chai ka poochh rahe thi. Usne wahi kaha jo ek turk ladke ko kehna chahiye tha. Apple tea.

Tum kutton ki tarah zindagi guzaro ge. Kabhi izzat aur waqar se apne mulk ka rukh nahin kar sako ge.

Woh ab usse uski job aur doosri masroofiyat ka poochh rahe thay. Woh chhote chhote jawab deta raha. Haya us saare waqt mein la ta'alluq si baithi rahi. Bas ek do dafa boli. Magar woh usse nazar andaz kar rahe thi yeh alag baat thi ke apne taeen jihaan usse nazar andaz nahin kar raha tha. Woh to hamesha se hi khamosh aur reez ro sa tha. Albatta apne mamu'on ke liye uske dil mein narm gosha nahin tha. Haan nahin tha woh aala zarf.