jannat ke pattay...[Leaves Of Paradise]

part 130

Karne ki purani adat. Woh waqai qadaray be yaqeen ho gaya tha. Phir bhi usne socha ke jane se qabal Haya se is bare mein zaroor baat karega.

Jis din uske Nana ki barsi thi us sham Fatima Mamani ne usay lounge mein rok liya. Woh zara jaldi mein tha magar itna bhi nahi ke unki baat na sunta. Abhi uski flight mein waqt tha. Mammi ko usne subah hi bata diya tha aur Haya ko woh bata de ga agar mulaqat hui toh. Warna Mammi bata den gi.

Kya tum Haya ko samjha nahi sakte? Fatima Mamani bohat maan se usko keh rahi thi ke woh Haya ko samjhaye ta ke woh apni zidd chhod de. Woh tahammul se sunta gaya. Haya aagayi to Mami chali gayin, sunta gaya. Haya aagayi to Mami chali gayin. Dono ke darmiyan zara tanao tha. Unke jane ke baad woh kuch soch kar Haya ke paas aya.

Is waqt bahar bohat zor ki barish ho rahi thi. Us barasti barish ke doran usne Haya se jana chaha aya ke woh uske liye apna naqab chhod sakti hai. Usne yeh nahi kaha ke woh aisa chahta hai bas yahi kaha ke agar woh aisa kahe. Magar chand hi lamhon mein usay andaaza ho gaya ke woh uske liye yeh sab nahi kar rahi. Usay jahan ki moral support bhi darkaar nahi thi. Usne khud ko bohat mazboot kar liya tha.

Ab mazeed kya kehna? Koi wazahat, koi umeed, kuch bhi thamaye baghair woh wahan se chala aya. Usay jana tha. Uska kaam uska intezar kar raha tha.

Yahan se usay pehle Istanbul jana tha. Agar wahan kuch karne ko nahi mila to woh wahan chala jaye ga jahan ke bare mein chand roz pehle woh Haya ko bata chuka tha. Woh us paak spy ki tarah kisi gumnaam qabar mein dafan hona nahi chahta tha. Agar woh wapas nahi aata to kam az kam uski biwi ko itna to maloom ho ke uski qabar kahan dhoondhni hai.

Ek zor dar takkar ne usay sadak ke doosri taraf larkha diya.

Walid ki gari zan se agay barh gayi.

Woh oonchay munh neeche giri thi. Daiyan ghutna, daiyan paon zor se seerhiyon se takra ya tha. Woh shayad seerhiyon par gir gayi thi. Poora dimaag jaise lamhe bhar ko shal sa ho gaya tha.

Ami! Woh dard se karahi. Hont aur thori pe jaln si mehsoos ho rahi thi. Baqa'at usne seedha hona chaaha. Saath hi naqab kheench kar utara. Hont phat gaya tha aur us mein se khoon nikal raha tha.

Haya baaji... koi door se usay pukaar raha tha. Apna dikhata sar sahlatay huay woh bohat mushkil uth baithi. Walid Ne Jab gadi ne usay dhaka diya to woh takkar kha kar ek taraf gir gayi, so beech rahi. Usay kandhay pe shadeed dard mehsoos ho raha tha. Kisi ne shayad usay kandhay se pakar kar daiyan janib dhaka diya tha.

Dheere dheere be-dar hote hawason ke sath usne gardan modi. Zafar door se bhagta hua araha tha. Walid ki gari kahin bhi nahi thi. Parking area mein andher achha raha tha. Tab uski nigaah roush par pari jahan se Walid ki gari guzri thi. Sirf ek lamha laga uske dimagh ko samne nazir aate manzar ko. Samajhne mein aur doosre hi pal jaise uski sari tawanai wapas aayi. Woh bad-hawas si ho kar uthi.

Ta ya aba! Woh qadaray langda kar chalti hui un tak pahunchi. Woh zameen par gire hue the. Unko chot kis tarah se lagi thi. Woh nahi jaanti thi magar unka sar phat gaya tha aur peshani se surkh khoon ubal raha tha. Aur woh neem wa ankhon se karahi rahe the.

Ta ya aba... taya aba...! Woh wehshat se unhein jhanjhor ne lagi. Zafar doratay qadmon ke sath us tak aya tha.

Baray sahib... ya Allah... woh aap ko pukar rahe the aap sun nahi rahe the. Usne pareshani se Haya ko dekha phir gird bada kar chehra neeche kar liya.

Unko gari se takkar lagi hai - Zafar? Oh Khuda! Woh mujhe bachate bachate. Shadeed jazbat se ,woh kuch bol nahi pa rahe thi. Apne haath usne taya aba ke mathe se ubalte khoon pe rakhe to lamhon mein haath surkh, geelay ho gaye. Ta ya band hoti ankhon se naqahat se saans le rahe the.

Woh aap ko awaaz de rahe the. Aap aage se nahi hattin to woh... Zafar usay pesh ane wala waqia bata raha tha magar is waqt yeh sab ghair zaroori tha. Bemushkil usne hawas mujtama kar ke sochna chaha ke sab se pehle usay kya karna chahiye.