jannat ke pattay...[Leaves Of Paradise]

128

Talmala kar phone rakhna chahti thi, magar woh usko mazeed sunna chahta tha. Yahan tak ke woh so gayi magar woh uski khamoshi sunta raha.

Us waqt woh apne restaurant ke counter par betha reception ke faraiz sar anjam de raha tha. Woh apne kaam nipta raha, aur doosri janib usay haya ke saans lene ki halki halki awaazain sunai deti rahin. Abhi adha ghanta guzra tha ke usay laga ke uske nathnay geelay ho rahe hain. Takleef ki halki si lehar uthi, sar ka wahi dard har cheez pe chhane laga.

Usne haath se naak ko cho kar dekha. Khun. Pehli dafa sar dard se uski naksir phooti thi, bath room mein jakar bein ke samne naak aur sar ko dhotay hue bhi usne phone speaker on rakha. Woh soorhi thi, aur woh besan par nadhal sajuka, gehre gehre saans le raha tha. Teen ghante aur bees minute ke baad call khud ba khud kat gayi. Chunkay woh internet se connect kar ke call kar raha tha, is liye woh ghante baad katne ki bajaye kaafi deer se kai. Mobile band karte hue, bil akhir usne faisla kar liya ke usay apna check-up karwana chahiye. Kahi na kahi kuch ghalat tha.

Agli subah haya ne usay apna number bhej diya. Usne number milte hi usay phone kiya karne ko koi baat na thi, bus woh us se baat karte rehna chahta tha. Aglay roz woh sirf us se milne adalat aaya. Usne Ayesha se keh diya tha ke jab woh port pe aaye to Baharey ko saath na laaye. Ayesha zahir nahi karegi, magar Baharey chhoti bachi thi toh Ayesha ne aisa hi kiya.

Khuli fazaa mein kursiyon par bethe, nashta karte hue usne chand ek baar kheir dene ki koshish ki, magar haya ne nahi bataya ke Ayesha Baharey se uski dosti kaise hui, aur na hi yeh ke uske zakham kaise aaye. Woh abhi us par aitbaar nahi karti thi. Albatta woh dobara se uske phone ke baare mein poochne lagi thi. Goh ke usne use ek do baar hint diya tha ke woh special gift tha aur special se matlab special services thi, magar woh abhi tak boojh nahi paayi thi. Khud se yunhi woh nahi batayega. Woh pehle khud boojhe gi, tabhi woh usay dhoond payegi. Albatta tab woh zara sa sambhala jab haya ne kaha ke uska chehra apne baas ke zikr pe chamakne lagta hai. Yeh uske ikhtiyar mein nahi tha. Apna mulk apni job, sab bahut yaad aata tha. Magar kya uski sehat usay mazeed naukri karne ki ijaazat de gi. Yahi woh uljha jata tha.

Wahi uske saath bethe, usko Mummy aur Ayesha dono ke texts milte the. Sirf Mummy ke message ka usne haya ko bataya, aur Ayesha ka message parh kar woh sirf muskura diya.

Tumne theek kaha tha. Itne saare logon se ek waqt mein itne saare jhoot bolte tumhe bilkul afsos nahi hota. Ab to mujhe yaqeen ho chala hai ke tum kabhi India gaye hi nahi the. Tum Istanbul mein hi the.Yeh larki bhi na. Usne muskura kar "Shukriya" likh kar jawabi message bhej diya. Us roz sahil samandar pe chalte hue ghair iraadi tor par uske labon se Rohail ka zikr nikal aya tha. Rohail se teen, saaddhe teen saal qabal us waqt mila tha jab woh ek chhotay se kaam ke silsile mein wahan ek taleemi idaray mein gaya tha. Tab ek talib ilm ne andha dhund firing shuru kar di thi aur ek goli usko bhi lagi thi. Chunke woh illegal kaam ke silsile mein wahan tha toh woh jald az jald mauqa se farar ho gaya. Kharab hotay zakhm ke baa'is isko kisi qabil-e-aitmaad shakhs ke hawale ki zaroorat thi aur chunke America anay se pehle woh wahan mojood har rishtay daar ka pata khoj kar laya tha, is liye woh Rohail ke paas chala gaya tha. Yeh baat usne Rohail ko saigha-e-raaz mein rakhne ko kahi thi aur jawab mein woh yeh baat raaz rakhay ga ke woh larki Rohail ke saath reh rahi hai. Is deal ke baray mein woh haya ko to nahi bata sakta tha so baat taal gaya. Ab woh poochti rahi apne bhai se. Usay kya? Sahil pe haya ne seep chunnay ki baat thi. Is baat ne usay itminan dilaya ke ab woh, woh kaam kar sakta tha jo woh karna chahta tha. Woh Ayesha Baharey ke saath seep chunnay ki aadi ho gayi thi. Ayesha ke aksar seep moti se bharay nikalte thay jabkeh Baharey ke aksar khali thay. Jab Jahan ne Ayesha ki saalgirah par pichlay saal ek qeemti angoothi bator tuhfa diya toh do mah baad jab Abdul Rehman Pasha ke passport ke mutabiq uski saalgirah aayi toh Ayesha ne usay apni seep se niklay teen moti diye thay. Woh moti ek ek nanni si qadrti khraash liye huay thay. Yani ke unko pehchanana asaan tha. Usne Ayesha ko goh ke us larai ke baad bata diya tha ke woh jald ya badeer usay chhod day ga, magar ab jab tak woh yahan hai, usay khud ko in do masoom larkiyon se door rakhna chahiye. Iss tarah ki jazbati wabastaigiyan mustaqbil mein in dono ka dil buri tarah se tor sakti thay. Chhoti zakhm, bade zakhm se behar haal behtar hota hai. Usne socha woh Ayesha ko chhota zakhm de de, ta ke woh mustaqbil mein kabhi us se koi umeed na rakhe, woh teen moti aaj apne saath laya tha, albatta usne kisi aur tarah se unko haya ko denay ka socha tha, magar jab woh seep kholne ke liye chhur lenay dour bethe tourists ke paas gaya toh Jihan ne rukh mod kar apni jarab ke saath bandha chaku nikala apne seep ko adha kata aur teeno moti andar kuch is tarah se dale ke jab woh haya ke samne seep katay ga toh woh yehi samjhay gi ke moti andar qadrti tor par mojood thay. Agar woh yeh kaam Ayesha ke saath karta toh woh bhanp leti isko seepiyon ka tajurba tha magar haya nahi jaan sakhti thi. Usko yeh maloom nahi tha ke woh mauqay ka intezar karne walon se nahi tha. Woh khud mauqay paida karne pe yaqeen rakhta tha.