سبايكر جريمه العصر

البارت ٧

علي جبر::٠٠ كتله خوالي هنا بهاي المنطقه حته يصدك بيه اني أصلا  ماعندي واحد اعرفه اهناا شويه ابو البسطيه سكت رجع حاجاني كلي.

_  شوف يلأخو انه اسولفلك الصدك انه من اهل الكوت بس من زمان عايش هين بتكريت وأنت وش الصدك العندك.
علي جبر::٠٠ اني الصدك العندي
اني من اهل الناصريه.
هوه من سمع هيج كتله كالي اخذك وياي من اروح البيتي بس اخذله شويه بطل خاف كال لا ما اخذك اني ضليت عله اتصالتي وي اخوي شويه خابرني اخويه ابو علي دلاني بالمكان الي يجون ياخذوني منه ذوله الدزاهم الي ابو التاجي اني كمت رحت للمكان الي اتفقنه يجوني ياخذوني منه  قبل ما أوصل خابروني كلولي انته
علي جبر  كتلهم اي كلولي احنه من تشوفنه لاتسلم علينه گبل اصعد بالسيارة كأنما تعرفنه حته مايشكون بينه.
صدك اني مشيت وصلت للمكان المنتضريني بي اني گبل صعدت وياهم اخذوني بالسياره رحنه لبيتهم ضليت للعصر كاعد بيتهم شويه ما نحس ال ضاربتهم طياره عله بيتهم همه خطيه خافو ونخبصو خبص همه وعائلتهم اني جنت كاعد اجو عليه كالو راح نروح الغير مكان تعال ويانه هنا خطر علينه اني رحت وياهم رحنه لغير مكان ضليت يمهم بتت الثاني يوم الصبح شفتهم مرتبكين وقلقين حسيتهم مضايقين مني اجو عليه
كلولي
_ أخويي تره الدواعش جاي يدخلون للبيوت ويفتشون خاف بيهة واحد جندي.

علي جبر::٠٠ اني من سمعتهم هيج كالو وشفت الوضع كلت خل اطلع كعدتي هنا مابيهة اي فايده خطره عليهم وعليه كمت سلمت عليهم وتشكرت منهم  وطلعت من البيت مشيت بالشارع ضليت محتار وين اروح ومنو يستقبلني وخاف يلزموني الدواعش ضليت امشي بالسوك تقريباً للضهر وصلت يم بيت كلت خل ادكه ولله كريم
اني تقربت للباب دكيته شويه طلعلي واحد فتح الباب رجال لابس لبس باكستاني وحدريه
شافني لابس دشداشه وشماغ واعكال كلي
_  تفضل تفضل.
اني طبيت ويا كعدنه بلاستقبال صاح جيبو چايات عنده ولد يمكن عمره ب ١٢ سنه
اني كاعد والرجال يصفن بيه يباوعلي ومحتار هاذه خطاري منين
اني من شفته هيج  فكرت بيني وبين نفسي كلت هسه ما اكله اني من الجنوب خل اجيس نبضه المهم كتله
_  احنه عدنه القيم والمبادء عدنه الخطار تلاث ايام اله ينسئل بس اني عله شربت الچاي راح اكلك.

الرجال::٠٠ لا بألله ماعليك لك الأمان
وحاجتك مكضيه

علي جبر::٠٠ بعدنه نسولف اني ويا اندك الباب مالته اجه ابنه الزغير يركض ليه كاله
_ يبه يبه  البوعجيل يكولون تأخر عله الصلاه.

_ قوللهم  عندو خطار شوي ويجي

علي جبر::٠٠ اني كاعد وصافن عليه من شفت العمامه والكتب عرفته هاذه المفتي.
بس هوه ماراح بعد ضل يمي ما اعرف خابر واحد يجي  بمكانه لان
تأخر عليهم.
ضلينه كاعدين اني ويا شويه سمعت صوت بالجامع صاحو بالجامع احنه بعدنه ماشاربين الچاي وسمعتهم صاحو بالجامع كالو
_ الولي مال البوعجيل للجيش والشرطه واهل صلاح الدين يعلنون
التوبه امام ولي البوعجيل من الجيش والشرطه.