لأچلك أفعل المستحيل

الحلقه السابعة عشر ❤

لؤى..: صباح الخير يا مراتى المستقبليه
بيسان..: صباح النور
لؤى..: ممكن افهم احنا هنتجوز امتى بقا
بيسان..:قولتلك بعدهم كلهم
لؤى..:ماشي اهو قرب
بيسان..: اممممم هانت
لؤى..:اما نشوف

كرم..: الو يا بنى انت نايم ولا ايه بقالى ساعه بتصل
انور..: ايه عايز ايه
كرم..:تعالى معايا انت ورفيف
انور..:اجى معاك فين وليه رفيف
كرم..: انا رايح اطلب ايد اسيل النهارده
انور..: هو حد قالكوا انى الخاطبه مثلا مش معقول واحد امبارح وواحد النهارده  مابراحه
كرم..: مش فاهم مين امبارح
انور..: سليم وريان بص مش هقول حاجه هو اكيد لما يصحي هيكلمكوا
كرم..: ماشي بس انت هتيجى انت ورفيف معايا انا وماما
انور..: انت مش هتقول لابوك
كرم..: اقول ايه لابويا بس يا انور متفكرنيش بعد اذنك بكره ابقا اشوف هعمل ايه معاه
انور..: خلاص ماشي هنروح على هناك على طول
كرم..: تمام

رفيف..: بتكلم مين يا حبيبى
انور..:ده كرم
رفيف..: اممم ماشى انت هتروح الشركه النهارده 
انور..:لا خليها بكره بقا عشان النهارده انا شغال خاطبه
رفيف بضحك..: خاطبه لمين اقصد فيه ايه
انور..:اضحكى ياختى اضحكى  كرم رايح عشان اسيل وعايزنا معاه
رفيف..: لا انت كده خاطبه فعلا هههههه ههههه 😂
انور..: ربنا يخليكي ليا واشوفك بتضحكى كده علي طول
رفيف..: حياتى انام بقا  شويه عشان الحق اجهز لما اصحى
انور.:يلا انا هنام بردو شويه

عائشة..:انا بقالى كتير مشوفتكش فرحان كده
كرم..: اسيل هى الحاجه الوحيده بعدك اللي بتفرحنى فى الدنيا ديه كفايه ضحكتها
عائشه.: ربنا يسعدكوا يا حبيبى
كرم..: يلا بقا  عشان منتأخرش
عائشه..:يلا
..
احمد..: نورتونا والله عامله ايه يا رفيف عامل ايه يا استاذ انور
انور..: والله عيب  انا انور بس  الحمدلله وحضرتك
رفيف..: الحمدلله ياعمو هى اسيل فين
احمد..: الحمدلله لله يا ولاد  اسيل فى اوضتها
رفيف..:انا هروحلها يا حبيبى
انور..: ماشي
رفيف..: ياعروسه ياعروسه
اسيل..: رفيف حبيبتي
رفيف..: انا زعلانه منك
اسيل ..: متزعليش بقا الحمد لله كل حاجه بقيت كويسه تانى
رفيف..: خلاص ماشي  عشان  تعرفى  بس ان انا قلبى ابيض
اسيل..: الحقى يا رفيف الجرس بيرن
رفيف..بضحك: انتى فكرتينى بيا يوم لما انور جيه ..يللا نطلع
اسيل بتوتر..: يلا
احمد..: نورتونا اتفضلوا
كرم..: انا هدخل فى الموضوع على طول انا بحب بنتك وعايز اتجوزها
احمد..: ايه يابنى براحه شويه طيب
كرم..: احم انا اسف.. اقصد يعنى انى عايز اطلب ايديها
احمد..:احمد انا طبعا عارف انك دكتور مشهور بس بردو عارف انك بتاع بنات وبنتى مبتخبيش عننا  حاجه وانت كنت مخليها معيطه  قبل كده
كرم..: والله انا اتغيرت عشانها ومبقيتش زى زمان خالص
احمد..: طيب نشوفها  ايه يابنتى
اسيل..: انا موافقه يا بابا هو فعلا اتغير عشانى و..وانا اللي كنت فاهمه غلط
احمد..: يبقا على خير الله 
كرم..: نقرا الفاتحة
وقروا الفاتحه كلهم
عائشه..:الخطوبه امتى ان شاءالله
كرم..: فرح على وچود يوم الجمعه اللي بعد اللى جايه كتب كتابى وفرحى هيبقوا معاهم فى نفس اليوم
احمد..: يابنى انت مستعجل على ايه
كرم..: لو هى مش موافقه  خلاص
اسيل..: لا يابابا انا موافقه بعد اذنك وافق احنا اتعذبنا لحد ما جيه اليوم ده 
احمد..: هقول ايه غير مبروك  يا حبايبى
كرم..:  احلى عمو فى الدنيا ربنا يخليك لينا
احمد..: طيب وعلى موافق
كرم..:اكيد انا كلمتوا وقولتلوا هو موافق
احمد..: ماشي
•••••••••••••••••••••••••••
انور..:  اخيرا شغلانه الخاطبه ديه خلصت 
رفيف  بقهقها..: انور انت فظيع والله ومسكت وجه وتابعت بس هو فيه خاطبه قمر كده
انور..:  فكرتينى
رفيف..:  بأيه
انور..:  ولا حاجه  ...
رفيف  ..:  ماشي تاكل؟
انور بضحك..:  هو انتى مبتشبعيش يعنى
رفيف..:  اقولك سر  ..
انور..:  قولى
رفيف..:  من وانا صغيره كنت بقعد على الغدا باكل معلقتين وبسيب الباقى تانى وبضحك عليهم وبقولهم انى كلت عشان انا اصلا مبحبش اكل مره واحده  يعنى طول منا قاعده اكل اه لكن مره واحده كده لا
انور..:  طيب ليه 
رفيف..:  معرفش بس ببقا مش قادره 
انور..: غريبه اصل الاكل مش بيبان عليكى
رفيف..:  احسن
انور..: خلاص ماشي شوفى هتاكلى ايه وهاتيلى معاكى
رفيف..:  هبهرك

انور..:  يارفيف انتى بتعملى ايه كل ده  بقالك ساعه جوا فى المطبخ وبعدين
رفيف  ..:  جايه اهو استنى بس.. انا جيت
انور..: يعنى انتى واقفه بقالك  ساعه جوا عشان دول
رفيف  بحزن مصطنع..: مش عجبينك
انور..:  لا عجبنى بس انا لسه مدوقتش
رفيف..:  طيب دوق ده اختراع  من اختراعاتى
انور.. بمكر:  هو حلو بس ايه ده
رفيف..:  ده كريب بالشوكولاته
انور..:  تصدقى انا اول مره اعرف ان فيه حاجه  اسمها كده اصلا
رفيف  بضحك..: والله العظيم  انت فاكرنى هبله بتتريق عليا يا انور اما وريتك
انور..:  اقولك ايه انتى بتقولى اختراع من اختراعاتى والدنيا كلها عملتوا
رفيف..:  انا بحبه
انور..: بدام انتى بتحبيه فانا بعشقه
رفيف..:  طيب كل يلا
انور..:  ماشي
رفيف  ..:  انور حبيبي 
انور..:  نعم يا حبيبى 
رفيف..:  انت هتسبنى انزل الشركه معاك صح
انور..:  وانتى مالك متأكده كده ليه
رفيف..:  عشان انت عارف  انى لو مجيتش الشركه معاك هضايق وانت مبتحبش تزعلنى فعارفه انك هتوافق
انور..:  انا عايز اسالك سوال  هو انتى ليه عايزه تشتغلى يعنى
رفيف..:  ليا اسباب كتير واولهم بقا عشان افضل معاك طول اليوم  وثانيا عشان مفيش  حد يتجرأ يبصلك غيرى وثالثا انا عايزه اكبر وابقا حاجه 
انور..:  انا عايزك تفضلى معايا طول اليوم لكن لو شوفتك فى الشغل  انا كده هضيغ شغلى كله
رفيف  بحزن..:  ليه؟
انور..:  عشان هفضل شايفك قدامى وانا لما بشوفك الصراحه  بحس بحاجه  غريبه
رفيف..:  يا انور
انور..:  قلب انور خلاص ماشي انا مكنتش هقولك لا
رفيف..:  يعيش يعيش مستر انور
انور..:  انتى خليتى فيها مستر بقا
رفيف..:  كُل وانت ساكت
انور.. بضحك:  حاضر  يا قلبى
....