كحل العيون

البارت{31}

اجه ايسر شافني ابتسم بدل واجه صلى وكعد يمي نقرا سوه ضلينه على هذا الوضع لل 7 صدقنه وكمت نزعت الجادر والسجادات رتبتهم بمكانهم ورحت طلعت بدلة ايسر وهوه اجه وهوه يدلك بايديه ويمشي كال :-اكلج حياتي شو ليوم كلش تعبان

-ليش حبي شبيك راسك يوجعك؟؟ ...

-لا اديه توجعني من كد مالليل كله نايمه على ايدي كسرتيهن شكبرج صايره ...

-هسه اني طلعت هايشه على حجيك ..

-لا حبيبي انتي غزال روحي يبعد روحي روحج ...

-هههههه عبالي

-بس اكلج حبيبي ترا اني تعبان وماكدر البس ملابس الدوام لبسيني ..حجها وسوالي حركه بوسه بشفايفه ..

اني ضحكت ورفعت حواجبي :-ممممممممم هنا مربط الفرس

تقربت وحوطن ادي على ركبته وغمزت اله بحواجبي :-مو تدللل شكم ايسر حبيبي عندي عشره لو بس هلواحد ..

حجيتها واني احرك اشواربه باصبع ايدي ضحك هز راسه وكال :-يرحولج سبع فدوات النقيب والعقيد والعميد والملازم والرائد وجيش وشعب ومدير المركز وضباط العراق من راسهم الساسهم يرحون فدوه لحلكج يبعد طوايفي .... حجها وعض شفته

باوعتله بنضرات سريعه وضميت راسي بصدره كلش خجلت حط ايده على ضهري وضحك ...

كال :-يله بدليلي ..حجها وحرك حواجبه مرتين وغمز ..

ضحكت ورفعت ايدي نزعته الفانيله وجبت البدله فتحت دكمه ودخلت ايده بردان البدله وايده الثانيه نفس الشي رفعت رجليه واني اعدله بلياخه الي مكسوره كسر بضربة الاوتي وصايره جمال ...

دكمت اول دكمه من البدله ودكمت الثانيه والثالثه لمن خلصت مسحت على كتفه وواني رافعه عيوني واباوع بعيونه وابتسم ..

رفع تك حاجب وكال :-بعد البنطرون

جنت اضحك عكدت حواجبي باستغراب :-شنو لا ايسر لهنا وحدك نوب البسك البنطرون ..

-تعبان ايفان اعتبريني ابنج صغير ومريض متدللي يله ..

ابتسمت :-بسسس.......

-بدون تبسبس يله ..نزع البجامه وضل بس بشورت جبت البنطرون ودخل رجله ودخل رجاله الثانيه رفعته ودخلت القميص مال البدله بلبنطرون ودكمت البنطرون وسحبت السحاب واني كل شوي ارفع راسي واباوعله الكاه يضحك ويغامزلي هلرجال دمرني ونبي ...

جبت النطاق ودخلته بلحباسيه مال الحزام وسديته ابوعله رحت سبع فدوات لهل طول من كملت لزم فكي بايده وقربه اله وباسني من شفتي وباس عيني وابتعد راح وكف علمرايه وهوه يكول :-كملي جميلج ومشطيلي شعري .

-ههههه مقتنع بنفسك عندك شعر ..

حجيتها واني اكعد على ميز تواليت كدامه وشعري بطولي محلول.....