أريد رجلآ

ج٣٧

كلماته الي يذبهم مثل السيف ..بس ميگول شنو قصده ..او اني من حبي اله اجمل تصرفاته واگول حب ..

كل شي بحياتي كاعد يتشوش وشي ثاني اني كل أملي اصير ام اني مو مراهقة عمود عندي وقت افكر ..

بس لاكرار تقدم مرة ثانية ولااسماعيل صارحني بمشاعرة كل الديسوي يشوش عليه وخاليني بحيرة مو كادرة اطلع منها ..

كرار: صابرين ..زينة ..وينكم ..

صابرين: لهذا العمر بس اسمع صوت كرار اخاف ، صوته يهزني والوم روحي على هالحالة مو صغيرة اني ..واخاف .

زينة : هاا عمو نزلت ..

كرار : ياعمو هي هاي هم صدرية ..جيس والله ولابسته ..

زينة : هسة منو شايفني ياعمو دتوصلني وترجعني ع شنو خايف ..

كرار: خوف شنو ياعمو اللبس مفروض يكون مريح ومستور مو كل شي واضح ..وبعدين انتي ع كولتج شمستفادة ..لابسة لبس ممريح ..

زينة : ان شاء الله اضعف عالسنة جاية ..

شنو تضعفين العصر نروح ناخذلج قماش فصلج صدرية جديدة ..

زينة: عموووو..

اششش..يلا ..تعالي تريكي ..وهاج مصروفج ..

خالتي انطتني ..

ضمي باجر او اكلج رجعي خالتج اني وابوج موجودين ..

صدك ..هو بابا وين شو ماكو ؟

عندة شغل ..اذا تحتاجين شي كوليلي اجيبة الچ..

لاممحتاجة ..

ديلة لعد ..

ها ..نزلت العروسه ..

الكلمة هاي تجرحني ..وكرار ندم كالها ..

يلة تعاي بابا..حبابة هاي لفتج ضميها بالجنطة خ نوصل زينة واوصلج ..

صابرين: سيارتي رح تجيم ..اكدر اني اوصل البنية واروح شغلي ..ماكو داعي ..

كرار: افتري بيها العصر ..عمود لايظل بنفسج ..
بعدين اني ماعندي شغل هسة من التزم شغل اتوكلي واتحملي مسؤولية ..

شنو قصدك اني مو مسؤولة ..

جرني من ايدي ودفع زينة ..
يلة امشو رح نتأخر ..

زينة: باااي عمو ..

گولي مع السلامة ..شنووو باااي ..

زينة: حاااضر ..مع السلامة ..

يلا عمو ..
نزلت زينة ..وهو شال جنطتها وصلها للباب وانطاها جنطتها ..ورجع ..

يالله ..
اليوم بيش ساعة تطلعين ؟

كرار ..والله ماله لازمة ..اني اكدر اروح وارجع وبعدين شون تفشلني كدام زينة..اني مو كد المسؤولية..