انا و رهف😐
لميس خدت شنطتها و طلعت بدون ما تقول شي
رهف اتفجرت بالضحك: شني هادي
انا: ههههه
رهف: مش طبيعيه و انا كنت نستغرب في دعاء تمل الشغل طلع في اسوأ منها
انا : قصدك فصلوا دعاء
رهف: ما نعرفش و نتصل بيها ما تردش عليا
و اذكرت كلام المدير دعاء معفيه لحظتها حسيت بقسوته
رهف: نطلعوا نتغدوا ؟
انا: لا ما عنديش نيه ونبي انكمل الي في يدي
رهف: نجيبلك شي معاي؟
انا: لا شكرا
رهف: ممكن تراجعي الملف هذا لانه مهم والمدير يبيه اليوم انا راجعته بس مش متاكده من اخر ورقتين
انا : تمام هاتيه
و طلعت رهف
اتصلت اطمنت ع ماما شديت الملف
مريت ع الملف و لما وصلت لاخر ورقتين لقيت فيهم تشابك و مش واضحين ابدا كانهم محاوله تلاعب و قبل ما نكمل رن التليفون ع مكتب رهف
انا: الو
ماشي ثواني و يكون عنده
كانت سكرتيره مكتب المدير و طالب الملف الي كنت نراجع فيه
امشيت للمكتب
انا: امل اهو جبت الملف
امل: دخليهوله لانه مستنيه
انا طقيت ع الباب
محمد : ادخل
انا: صباح الخير
محمد : صباح النور
وقدمت جهه المكتب : اتفضل الملف الي طلبته
محمد خدي الملف و بدون ما يشوفلي : اتفضلي قعمزي
انا: شكرا و قعمزت
محمد : عندك ملاحظات بخصوص الملف
انا:مع اني ما كملتش اخر ورقتين بس لاحظت انهم ملخبطين
محمد: كيف ما كملتيهمش و كيف عرفتي
انا: لما حضرتك طلبت الملف ما كملتاشي و
قاطعني بعصبيه : كيف اتجبيه قبل لتكمليه
انا بصدمه : ااا
محمد : كمليه و رجعيهولي و حذفه قدامي
انا لحظتها قررت ما نخافش منه: راجعاته رهف و اخر ورقتين شكت فيهم و كتبتلك الملاحظات ف اخر الملف وقتلي نزيد نراجعه و اما اتصلت تبيه انا ما كملتاش جبته لانه زميلتي راجعاته وقعدت نقول ف عقلي(ع اساس انت كملته للاخر توا)
محمد : ماهو تقولي رهف راجعاته
بس : انت اسألتني انا عندي ملاحظات مسألتش ع راي رهف فجاوبت
قاطعني : اتفضلي ع مكتبك
انا اخديت الملف و جيت بنطلع ( مش حتى يقول اسف عرف روحه غالط وزعني)
محمد: بعد نص ساعه يكون عندي
انا: حاضر( و طلعت)
انا رجعت للمكتب ولقيت رهف : وين كنتي جبتلك شاورما مش عاديه ما هونتيش عليا
انا بملل :جت في وقتها
رهف : خيرك متعصبه
انا خدت الشاورما و بديت ناكل فيها:
المدير طلب الملف الي قولتيلي انراجعه وقبل لنكمله تماما ارفعته وين قتله ما كملتاشي
رهف: كملي شن صار
انا: اتعصب
رهف: ايه هو عصبي شويه
انا: شويه!!!!! تي بركان هذا
رهف: هههههه كملي شن صار
انا: ما اسكتلاش
رهف : ها😨
انا: قتله انتي مراجعتيه و كتبتي ملاحظاتك وانه سالني ع راي فيه مش رايك
رهف: ما اقواااك
انا: هذا الحق شن نكذب عليه
رهف: باهي شن قالك
انا ودرت صوت يشبه صوته انقلد فيه: اتفضلي ع مكتبك و نص ساعه راجعيه و جيبيه
رهف : هههههههههه مجنونه
انا: بركان مش مدير
وبعد نص ساعه راجعته و رفعتهوله
طقيت ع المكتب وما استنتاش يقولي خشي اصلا
لقيته عاطيني ظهر الكرسي
انا : اتفضل الملف واتي
محمد : حطيه ع المكتب
انا حطيته : نستأذن
ما ردش عليا طلعت و خليته
انا: بارد بارد
رهف: خيرك تحكي مع روحك
انا: عطيته الملف و ما كلفش روحه لا يشوفلي و لا يرد عليا بارد
رهف : معاش عرفناه بركان و لا بارد عكس بعض
انا: لما يتعصب بركان و لما يهدا بارد
رهف: ههههههه اشششش لميس بتجي و ما تحكيش قدامها
و اتصل بابا قالي ماما عطوها خروج و توا بيطلعها
لميس: تميت الملفاتYes
انا و رهف: 🙂
و تم الدوام و روحنا
••••••••••••••••••••••••••••••••••••••••••••••••••••••••
خالتي نوال: جنى بري نادي خوك و قوليله ماما تبيك
بعد شوي جي وائل: اوامرك يا ست كل
خالتي نوال : ايه واضح اني عندك ست الكل
وائل : احممم شن كنتي تبيني
خالتي نوال: شن صار في الاجنبيه مش قلت بتجيبها تتزوجها ؟؟
وائل : كرستين ما بتش تجي لليبيا تبي العرس غادي ف
خالتي نوال : نعم نعم هادي من بدايتها معاش تبيك تجي اهنا و احفادي بعدين بتحرمني منهم
وائل : فكرتي حتى في احفادك توااا
خالتي نوال: اسمع يا وائل قله السماح كان تتزوجها و معاش نبي نشوف لا وجهك و لا نشوفها و دير الي يصلح بيك
و ناضت و خلاته
وائل شد الطاسه و كسرها
••••••••••••••••••••••••••••••••••••••••••••••••••••••
لقيت ماما مقعمزه في الصاله
انا: هذا وين نور الحوش
ماما: ههههه ع اساس لامبه انا
انا: لا والله انتي القمر متاع الحوش
بابا: خليلي شويه راهي مرتي تميتي الكلام الحلو عليا
انا: شن تبوا تتغدوا
بابا: الغدا واتي غيري انتي و تعالي بسس
ركبت لداري و انا ندعي ربي ما يحرمني منهم و يخليهم ليا طول العمرر
ماما: شن بنديروا توا
بابا: الي قلتي عليه لازم نبيعوا كل شي و اولها هالحوش
ماما: مع انه حوشي و غالي عليا بس الحمد لله
بابا: و ناخدوا شقه صغيره
ماما: و الشاليه و المزرعه
بابا: كلفت صاحبي باش يدورلهم بيعه كويسه
ماما: الذهب ا
بابا: خليه يا وفاء اخر شي و ان شاء الله ما نحتاجوه
وبعد اسبوعين
.
.
.
و فعلا بعنا كل شي السيارات و المزرعه و الشاليه و الحوش و اشرينا شقه صغيره مش بعيده ع حوش خالتي
بس بابا رفض نبيع سيارتي
و ع قد ما حاولت نقنعه ما اقدرتش
اليوم اخر يوم في حوشنا و انا نلم في حاجاتي
و دموعي بحر مش ساهل تسيب الحوش الي عشت طفولتي و حياتي كلها فيه حطيت مذكراتي
وسكرت داري ل اخر مره مسحت دموعي ع خاطر ماما لازم نكون قويه قدامها
ماما: هيا يا نادين
بابا: باذن الله يتحسن الوضع و نرجعه
انا: يا رب
.
.
وصلنا للشقه و لقينا خالتي و وائل كيف واصلين
فتحنا الشقه كانت صغيرره
صاله صغيره و مطبخ و حمام و دارين
بس كانت حلوه
بعد حوالي ثلاث ساعات رتبنا كل شي
و خشيت للمطبخ ندير ف قهوه
وانا في عالم ثاني
نفكر
في حياتي
و شن مستنيني
وائل : نادين ممكن نحكي معاك !!
انا: 😳
.
.
يتبعععع
