شوق فيصل

١٠ - نزف ..

فرحت لما طلع بدر بطريقك وكيف قدر يأثر فيك .. شفته تعلق فيك وحاولت اخليه يتعلق فيك اكثر ويمكن هالشيء كان خطأ كبير وبتلومني عليه لو عرفت ، بس انا شفت فيه الشخص الحنون الي تحتاجه والي متأكد انه بيعوضك عن خسارتك وكنت متأكد من هالشيء وشايفه بعيوني لكن للأسف انت رافض تشوف قدامك وما تبي تتخطى وتفتح له قلبك لين وصلتنا لهنا وحديتني اكون قاسي معك

حديتني اقول لك خلاص وقف وافتح عينك ، تحدى مشاعرك وكمل طريقك مثل ما انا كافحت وتحديت الكل لخاطر الإنسان الي ابيه واخترته ، ادري انك متعايش بمشاعرك وادري ان للعشق سكرات طويله وما يموت بغمضة عين بس صار لازم تصحى وتنتبه للشخص الي بجنبك ، شخص بريء وقلبه ابيض زي بدر ما يستاهل تجحده وانت ما تستاهل خسارته ، ادري قلبك دق وما ابيك تفقده عشاني .. عشان قلب ما كان بيوم لك

*نهاية فيصل بوف*

بهالوقت فيصل وصلته رساله ثانيه خلته يفوق من تفكيره ويفتح جواله وهنا تبخرت كل افكاره ونظرته الإيجابيه للأمور اسودت للحظات ، كانت الصدمه قاسيه وقاضيه بنفس الوقت لما شاف مجموعة صور تنرسل ورى بعض بشكل متتابع وسريع ، اولها صورته مع سند بالقارب وبعدها صورته بالملهى مع المشروب وعدة صور اخرى واخيراً صوره تجمع جمعان مع جابر قدام احد الشقق *شقة جابر* وتحتها تعليق من رقم بدون اسم :
ههههه اثاري العايله كلها مسربته

فيصل شحب وجهه من شاف صوره هو وسند اما صورة جمعان وجابر ما كان فيها شيء مثير للشك خاصه انه ما يذكر شكل جابر اصلاً ولكنه فهم ان فيه شيء يتعلق بهالإثنين ، دق مباشره عالرقم بس الخط كان يرن لين يفصل بدون محد رد ، فترت اعصابه ورجع للمحادثه وكتب : دام قررت تلعب عالمكشوف اختصر وقول مين انت ووش المقابل الي تبيه ؟

ثواني وجاه الرد : هههههه لا تفهمني غلط انا مبي شي بس ابي اتسلا معك
فيصل تمعن بالكلام وطريقة الكتابه ورد : حتى التسليه تحتاج مقابل قول وش تبي وكيف وصلت للصور ؟

الرقم : قلت لك ابغا اتسلا بس والمقابل قاعد اكسبه وانا اشوفك تعاني 🥺
فيصل اخذ نفس من سيجارته وكتب : خلك رجل وتفاهم زي الرجال
الرقم : هههه خليت المرجله لك يالمني*ك

فيصل طق رقبته وكتب : عارف وش معنى انك تسب محامي ؟
الرقم : وانت عارف انك منت في محل انك تهدد ؟
فيصل بطولة بال : طيب واجهني ونشوف وقتها
الرقم : اففف مرره جوي اني اواجهك بس لل اسف انت بعيد مب حولي الان لذا خلنا نتسلا من بعيد لين ترجع السعوديه امممم اسمع سجلي فويس ابي اسمع صوتك

فيصل انشدت اعصابه وفهم ان هالشخص عنده معلومات اكثر عن علاقتهم دامه يدري انه مسافر مع سند ، رجع يتصل بس الرقم ما رد ورجع كتب : تأكد ان الي تسويه مو بصالحك وانا اعرف كيف اجيبك
الرقم سجل فويس وبصوت خشن غليظ لعوب : ههههه لالا اركد حبيبي ولا تخليني ازعل عليك يلاه سجل لي فويس سريييع