بين الروح والرحمة

بارت 3

مابيهن دمع ذبلانة الجفون

واذا مابجن ماسميهن اعيون

بعد ماشوف بيهن لا تجووني

خلص مايهن راحن عيوني

هذا الصار بينا ويا حرامات

ليل السهر برموشنا يبات

خوفنا على حبهم لا يحزنون

خوفي من الشماته مايرحون

اخخ اخخ ايي وعز الله يكريم ماابيهن دمع ذبلانةةة الجفون

مستلطن واسمع دك نقالي زفرت الدخان بضجر ولا يخلون واحد يرتااح رفعت النقال وشفت بنت عمي دك

.. نعم

هدى .. شلوونك مجيد

.. يهلا بنت عمي

هدى .. اهلا بيك اتصلت علمود مهدي

.. شمسوي الركلة

هدى .. اني اهنا تعبت وحدي ومااكدرلة بعد وهسة ناوي يخطب بنت صغيرة حجيت ويا مافاد اني تعبت كلش تعبت اذا خطبها راح تتعذب وياا وتصير بركبتي اليوم خلاني اروحلهم اخذ موافقه من امها ويريد يجي عليكم باجر من صبح حته ياخذ مرت عمي ولبنات ويرحلها الووو مجيد تسمعنيي

.. صنت لج

هدى .. سوي شي مجيد لو تجي لبغداد الله يخليك

.. انه يايلكم البغداد اتصباله هذا الركلة

هدى .. كل الهلا بيك اترخص منك باي

.. هـلا

هذا عوي ماينعدل مسودن ورثت جكارة وشغلت سيارة مولي لهلي

----------------------------......

انمار .. من بعد مارجعت اميي والضحكه بحلكها
هاا ماما ليش تضحكين شكلولج عرفو عرفنه جذبتهم موو

ايمان .. ولج يمه مو اكلج ماكو احسن منهم دكيت لباب وطبيت وهذاك الملكه لحلو ويطلع مهدي ويبوس راسي واني انهد عليهم كلتلهم جذبتو علينه وتردون مره منه وشسويت وشلعبت جان يضحك ويكلي لا يايمه حقج عليه اني وهذا راسج ابوسه اني صح جذبت بس جذبه بيضه

-------------------..

ايماان .. لبست عباتي وطلعت لبيت مهدي فتحت الباب هدى ترحب وتهلي طبيت للبيت جني طابه بجنه الزرع والمنظر يرد الروح

    اجيت بموضوع شغل بالي ومارتاحيت

هدى .. جيتج على راسي بس طبي جوه نضيفج شي اول جيتج النه ميصير توكفين بالباب

ايمان .. لا خليني اهنا الزرع يفتح النفس

هدى .. براحتج عيوني سولفي شنو سالفه

ايمان .. شلون الاهل ميتين وذاك اليوم اجه مهدي من طلب البنات يجن يمج ويكول الاهل بزياره