أجبروني فهِمتُ فيهِ عشقاً

يوميات 2

نور ـ هاي گعدت گول

حسام ـ اسلوبج عدليه هذا اول شي ثاني شي مو كلشي وزعلتي وگلبتي الجهره

نور ـ اي افتهمت بعد

حسام ـ نور لا تخليني شفت الولد نزلوا يسولفون گومي نحجي بالغرفه مو گدامهم

نور ـ اي نحجي ليش لا دخلت قبله وگعدت العب باظافري شفته دخل وسد الباب وقفله حسام افتح القفل

حسام ـ هههههه اي واذا ما فتحته شسوين

نور ـ حسام لخاطر الله اعصابي شايطه وانته تلعب علي صدگ تحجي

حسام ـ گعدت گدامهه رويحتي روح گلبي نويراتي والله اغار عليج شلون يحجون وياج ها وانتي اعرف بيج تكتين الاول والتالي بس ياخذج الواهس

نوراتي حبيبي افهميني هسه انتي مو تخافين على ابوج حتى اي معلومات تخصه حتى رتبته ما ذكرتيهه ليش هسه ما تخافين علي

نور ـ لا اخاف عليك ليش ما اخاف ترا عادي والله يعني شنو راح يسألون قابل ها هيه اشياء عاديه واسئله هيج واجاوبهم

ترا مليت والله يعني لا انستا لا فيس لا شي والله ما يصير جاي احسك تحبسني شوي شوي لما تگطعني عن العالم والناس

تدري من تروح للدوام اتمنى هيج عندي شي التهي بي ماكو غير القصص حتى احس مليت منهم ومرات ادخل عالتيك توك اشوف مقاطع

حسام ـ ادري يا عمري انتي والله خايف عليج وعلى نفسي كافي نوراتي خلص يعني وصلت هسه حتى كلشي يصير بايامنه نذكره مو بذيج السنين هواي شغلات ما ذكرناهه

هسه صرنه نحجي كلشي يصير وجاي تشوفين البنات عرفن بينه هاي قصتنه تدرين مريوه بس تدز سمايلات لو فديوات تشيطني بيهن اگب

وما تدزهن الا انه بالدوام حتى من اجي بارد والسالفه مار عليهه وقت حتى ما احجي شي حبيبي رويحتي انتي

خلص كافي خلينه نرجع مثل قبل اعتبري نفسج ما كتبتي شي ولا دزيتي شي ولا واحد قراهه ماشي عمري

نور ـ ابتسمت لا اني احب الناس من تهتم بيه وتحس بيه وكلهه تفهمني تدري من اقرا الردود وشلون ترد عليهم الكاتبه احسدهم يگدرون يعلقون بدون قيود

بدون فرض بدون اي اشياء ثانيه اتمنى اعيش مثلهم اگدر اسوي كلشي بدون ما واحد يگلي سوي هيج ولا تسوين هيج احجي هيج ولا تحجين هيج

اتصرفي هيج ولا تتصرفين هيج اريد ارجع نور القديمه اريد اشوف نفسي اني منو حسام اني مو نور اني حاليا زوجه تنفذ كلشي يريده زوجهه

وام تهتم باطفالهه وبيتهه وتصون زوجهه بالدوام مالته وتفكر وتحل مشاكل هذا وذاك تعبت حسام الى متى خلص

اني كلش وصلت حدي لو تتغير وتخلينه نعيش مثل البشر لو تعتقني وتخليني اروح بحال سبيلي تعبت