بآئِد وَبيل

part 26

السلام عليكم
لا تنسون التصويت
_____
حچيت لسبأ كل شي و عن العزيمة و رفضت تروح : شعندچ انتي اليوم
-ما عندي شي مخلصة كل شي بس راح اگعد ادرس يمكن المواضيع الي حندرسها
-مو گلتي لمُصعب مشغولة؟
-القاعدة رقم واحد لا تكونين متوفرة دائماً حتى اذا فارغة و حتصفنين بالحايط گولي مشغولة مو صح انطيه هواي وكت
-طبعاً فد تمضرطين مع كامل عدم احترامي الچ
-دروحي لچ شمعرفچ انتي اني مختمة كل كتب المواعدة و العلاقات اعرفهم
-والله ما ادري وخري مني مخنوگة ولي
-شبيچ سبأ؟
-شبية
-من لما خطبت و لليوم انتي مو طبيعية
-ما مستقبلة الفكرة و خايفة من الجاي
-من شنو بالضبط فهميني
-اختلاف التفكير و العيشة و كل شي اخاف ورة هالاختلاف يحصرچ بزاوية و تعوفيني حتى اني
رديت بصوت عالي : سبأ انچبي! على گص رگبتي فاهمة شنو على گص رگبتي منو هو و يمنعني منچ ابد لا تفكرين هيچ
-يا متدينة لازم تطيعيه
-بذاك الوكت لو حاول يمنعني اطلگة عادي
سدت سبأ الاتصال بوجهي كـ معنى انها ما تريد تحچي شي تركتها و بديت ارتب غرفتي و لبست ملابس مُريحة و نِمت ماهي الا بضع سويعات و گعدت بديت ادرس حتى يصير فراغ بالليل اروح بيه لبيت اهلي اتصلت علية ليان : گاعدة
-اي
-انزلي دا ناكل ورق عنب
-تمام
سديت ايبادي و نزلت گعدت وياهن و نطقت رصد: مو على اساس اليوم ما تداومين و مُصعب گال ياخذلچ اجازة
-اي
-شو داومتي ما رجعتي ما اعتقد
-اي وصلت للدوام و حسيت ما تسوى كملت الدوام و بعدين رحت للشغل و رجعت
ليان : شلون تعاملة وياچ
-يعني شخص عادي جداً و مُتَوَقع و معاملتة سيئة لانسانة مثلي بس اني منطيتة فرصة للآن
رصد : قدس ترا انتي كل شي عندچ متوقع و عادي و رديء بالنسبة الچ شوكت تقتنعين ما ادري على تعجرفچ هذا توقعت توگعين بيد واحد كلب بس الله رحمچ بمُصعب
ضحكت و نطقت : ليش تحسسيني مُصعب كلش زين
ليان: لا ترا الولد صدگ كلش زبن قدس لا تحچين عليه
-هسة ما حاچية عليه بس ترا يعني مو واو اشوفة كلش عادي
-يدري شغلچ بيه ولد
-طبعاً مخلية هالشي بشروطي ترا
رصد: والله الچ خُلگ
-طبعاً هذا حقي الشرعي اشرط عليه ليش اضيع حقوقي بيدي
حچت ليان بصدمة و هي تاكل: تدرين اني الصدمني بهاي الهوسة كلها شنو
-شنو
-انو انتي انتي يعني قدس القافلة تزوجت شيعي چنتي دائماً تگولين ما اتزوج شيعي شلون قبلتي ما ادري
-احس ما راح اتوافق وياه و اني سنية قافلة و هو شيعي قافل بس ما ادري مستمرة اشوف الوضع
-ترا عادي ترهم اني شيعية قافلة و محمد سني قافل و ماشية امورنا و رصد شيعية قافلة و عامر سني قافل و ماشين عادي
-والله ما ادري المهم الاكل طيب و اني حروح لاهلي تجون
رصد : شعندچ
-دا ابشرهم بشغلة
ليان : اني اريد اروح لامي اصبري بس البس عباية
فعلاً بدلوا او بالاحرى لبسوا عبايات و اخذنا مُهرة و طلعنا گعدت مُهرة بحضني و بديت اسوق و نطقت رصد : هو مُصعب وين بيتة العايش بيه هسة
-شقة بـ*******
-و شياكل شيشرب
-عادي يطبخ
ليان : من تروحيله فد يوم سويلة اكل الطريق لگلب الرجال معدتة
-منو گال راح اروحلة اصلاً ليش اروحلة و منو يگول بابا يقبل
-ماطول عاقدين ما يحچي شي
ركنت السيارة يم بيت جدو نزلت رصد و ليان و راحوا لبيت اهل ليان و اني و مُهرة توجهنا لبيت اهلي فتحت الباب و شفتهم گاعدين و قبل ما يحچون اي شي گلت : حضرة المُديرة قدس
بدو يسألون و فهمتهم كل شي و باركولي : بابا صح
-ها
-السيارة
-شبيها
نزلت راسي مثل الابچي و گتلة: تجنن تعبت احس ماريد اعوفها
-بيها الخير خوما واجهتي صعوبة و انتي تسوقيها
-لا ابد و سهلة
رحت لماما الي راحت للمطبخ تسوي چاي و تحضر ضيافة لان عرفت ان اهل ليان حيجون گعدت على الكاونتر و نطقت : ما تريدين تعرفين شصار
-على شنو
-اليوم
-احچي يلا
سردتلها كل شي بالتفصيل : و هذا كل شي شنو رأيچ
-اولاً لازم نختارلچ ملابس للعزيمة ثانياً احس عباس عندة إنَ من گال سبأ ثالثاً انتي ضامة شي على مُصعب بخصوص شغلچ
-لا ابد
-اي عفية خاف من يلتقي بيهم يگولون شي و خامساً ترا دا تقسين على مُصعب حسسيه بقيمتة شوي و ان هو مهم الچ ما يصير الدا تسويه انتي شايفتة هو رجل تقليدي عادي عايش بمكان عادي طبعاً مراح تلگيه يعرف الاتيكيت و لغة الجسد و العيون و كل هذا انتي حتعلميه شوي شوي
-ما ادري ماما احس بشعور سيء يعني
-ليش على شنو
-يعني من ما يفتحلي الباب او من يمشي گدامي او اذا ما عرف اني متضايقة او من يحاول يقارني انه تخيلي اني قدس اتقارن احلام العصر
-قدس ترا بعدكم اسبوع ما صرتوا سوى لا تحكمين ماما اصبري عاد خل يمر شهر يالا تحكمين هو هم بعدة مثل ما نگول توتر البدايات بعدة ما ماخذ عليچ و شغلة مهمة
-وهي
-قللي بوس لا تستهرين ادري حلال و زوجچ بس هاي السوالف الصغيرة تجرچ لطامات كُبرى
-تمنعيني ابوسة ؟ اني وافقت على الخطوبة حتى ابوس شتحچين انتي عمي دوخري خل اروح
رحت گعدت بصف بابا و رفعت ايدة خليتة يحضني احلى شعور بالدنيا بدون اي نقاش و نطق : عندي خبر الچ
-شنو
-عندچ تواصل ويا بلسم
-بسيط كلش ليش
-ابوية قافل يجيبهم لبغداد
-ليش شيريد منهم
-يگول ما مرتاحين اثيل تزوجت معلينا بس بلسم راح يجيبها هنا ببيتة
-عزا تفرقوها عن امها
-اذا اضطر الامر اي بس هو راح يعرض على امها ان يعيشون ببيت هنا و اذا ما قبلت ياخذ بلسم منها
-يگدر ياخذها بهالسهولة
-اي لان امها متزوجة يعني سحب بلسم سهل جدًا
شوي و اجو اهل ليان و بدت الهوسة اخذت ملابس من كنتوري وديتهن للسيارة و بعد ما انتهت الهوسة رجعنا للبيت و اصعب شي بالدنيا اختيار ملابس گعدت اختار الى ان توصلت الى شورت رسمي قماش عريض اسود فوگ الركبة و قميص زيتوني ستان صايرة علاقتي بالزيتوني قوية و بوت قصير زيتوني و الكعب مالتة اسود و اكيد ستريج شفاف اسود لا يستر ولا يدفي بس يصرون البسة رجعت الملابس و فتحت موبايلي دخلت للانستا نشرت هواي صور صار مدة ما ناشرة و بديت اقرا تقارير و بحوث عن ادارة الاعمال الى ان نمت
گعدت ثاني يوم و چنت مخصصة اليوم لمُهرة من النشاطات الجسدية المهمة جداً الى ترتيب الى تنظيف الى قراءة قصص و چنا گاعدين نتساعد نعزل الملابس بالصالة و نطقت : اني شلون اجيت للدنيا
-من بطن ماما
- شلون صرت ببطنها
رصد : بلعت حباية و صرتي ببطني
مُهرة : يعني اني اگدر اخذ من هالحباية
قدس : لا ! مو صح تتشاقة ماما
رصد: قدس اذا ما عندچ مانع تسولفين لبنتي لان ادري انتي بايعتها اني اهتم
قدس : ماكو احد يهتم بيها بگدي
نقلت نظري الها و نطقت: شوفي هو ماما صارت بنية كبيرة و جسمها قوي و عندها شغل و بابا هم صار كبير و عندة شغل و جسمة قوي يعني يگدرون هم الاثنين يسوون كل شي و ما يحتاجون اهلهم
-يعني اعتمدوا على نفسهم
-يمة فدوة بالضبط اي
-يعني يعرفون يسوون ملابسهم و يسبحون و كل شي كل شي
-اي عرفوا كل شي بعدين بابا قرر يتزوج ماما راح جدو و بيبي لـ بيت ماما و گالوا لاهلها اهلها گالولها و گالت اي اني اقبل اتزوجة فـ سوو عرس و صاروا بنفس البيت فـ شنو انتي چنتي يم بابا صغيرة حيل كلش
شهگت و نطقت : شلون يعني
-يعني لدرجة ما يگدر يشوفچ بس رب العالمين مخليچ بجسمة من تزوج ماما و صاروا قريبين رب العالمين نقلچ من بابا الى ماما و صرتي ببطنها و من تاكل ينزل الاكل لبطنها تاكلين و انتي كلش صغيرة الى ان كبرتي و گدرتي تطلعين و اني شفتچ
و صرخنا بنهاية كلامي بـ هي كَدليل على انتهاء الموضوع
ليان : والله خوش تخدعين
قدس : قصدچ اشرح لان هذا اللي لازم يصير هالاطفال مو نفس اطفال قبل ذولة بإيدهم عالم كامل اي سؤال يخطر على بالة راح يكتبة و يطلعلة جوابة بالتفصيل هم فـ ليش ما نجاوب اسئلة اطفالنا بطريقة سليمة من البداية ليش ما نصير احنا مصدر المعلومات و نكون مأمنين انه خلص اني مصدر معلوماتة إذن مصدر معلوماتة سليم و إلا شمعرفچ المواقع سليمات او لا
ليان : خصوصاً ترويح المتْلية
-عاشت ايدچ ببرامج الاطفال يسوون گعدة ويا الاطفال و يحچون عن المتْلية كأنها شي عادي و يجون الاطفال يباوعوها و يتعلمون ان هالشي عادي
-يلوگلچ تصيرين ام
-انچبي
شلت الملابس و صعدت ليش فتحت هيچ موضوع ليش تگول يلوگلي ام اكره الامومة اكره كل ما يتعلق بها حسيت گلبي بدا يوجعني من گد الشعور السيء دخلت للحمام جوى المَي البارد بديت اهدى طلعت مُثقلة مو طبيعي شگد الانسان ضعيف و كلام بسيط يرجعلة ذكريات و يرجع هو شخصياً لنقطة الصفر وگفت يم باب الحمام و اني اجفف شعري بالشسوار الى ان نشف تماماً بديت امشط رفعتة و بديت اسوي مكياجي dark feminine لبست تراچي صغار جداً الماس و حلقة الخطوبة و ساعة و گلادة فضة ناعمة ضرورية لان القميص مفتوح ما ردت يبقى صدري سادة ختمت كل هالشغل بحُمرة حَمرة و بديت البس ستريج اسود شفاف فوگاه شورت اسود قماش رسمي و قميص زيتوني غامق جداً ستان و بوت قصير زيتوني و كعبة اسود باوعت الموضوع ما يتحمل جنطة ابد برمت اطراف شعري و لبست ترانش كوت فوگ ملابسي و سديتة و جيت اخذ صور و دگ مُصعَب فتحت الاتصال و نطقت : السلام عليكم
-و عليكم السلام يا روحي خلصتي
-اي
-اي لان اني قريب
-جيد شنو لبست
-قميص سمائي و بنطرون اسود
-برضو جيد مع السلامة
سديت الاتصال و گعدت بمكاني
المرحلة الدراسية الجاية الي ورة هالمرحلة هاي الي هي اصعب ما يكون مرحلة السادس اعدادي لو ما تركت هواي چان هسة مخلصتها و داخلة كلية
هذا چان تفكيري قبل ما يقاطعة اتصال مُصَعب عرفت وصل نزلت و گعدت على التخم و چانت ماما موجودة و ليان : لعد رصد وين
ابرار : مُهرة وگعت و راحوا يشترون العاب حتى تنسى
ليان: يلا يمعودة الولد برا
-ما اطلع
-ليش
-اني ما انسأل ليش
ابرار : الصح ما تطلع الرجل الحقيقي لما يجي ياخذ زوجتة من بيت اهلها ينزل يدگ الباب و يسلم على اهلها يالا يطلعون هو مو خط مدرسة حتى يوگف بالباب و يدگ هورن
قدس: بالضبط و نطلع يفتح الباب الشارع و باب السيارة مو گاعد و ينتظرني اصعد
و بأثناء حديثنا دخلت رصد و گالت : ولچ الولد يگول صارلي ساعة انتظرها برة و اتصل و ما ترد
-يعني هو حاچاچ
-اي
باوعتلي امي بمعنى شفتي : ما اطلع
صرخت رصد : شنو ما تطلعين عيب
حچيت بصوت هادئ و اني گاعدة :لعد هو ما گال عيب من صار ساعة واگف يدگ هورن ويريد اطلعلة غير يدگ الباب يدخل يسلم على امي على بت عمي على اخواني و يفتحلي الباب و نطلع شنو گاعد بالسيارة و يتصل زعاطيط احنا
نطقت ليان و هي تباوع على الكاميرا : نزل
استمرت عيوني على الموبايل بدون اي رد فعل
سمعنا دگة على باب الشارع و نطقت ابرار : مُهرة گومي افتحي الباب افتحيه و ادخلي للبيت ركض
توجهت مُهرة و فتحت الباب و دخلت شوي و حسينا بالدگة على باب المطبخ خلن حجاب على راسهن و دخل سلم على الكل و نطقت ابرار بإستفزاز: ليش ما تشرب چاي و تروحون
-لا والله خالة ما ظل وكت يلا نروح
باوعت لامي بنظرات استفهامية و طلعنا سديت باب المطبخ و لزم ايدي فتح باب الشارع و طلعنا وگفت يم باب السيارة بدون حركة هو فهم و فتحلي الباب و صعد وراي و نطق و هو يسوق : صار بالثلث ساعة اني ادگ عليچ و ادگ هورن غير تطلعين و اني دگيت عليچ گتلچ قريب
نطقت : لان اني ما يندگلي هورن بالباب و اطلع شنو يگول ابوية اذا عرف انت چنت بباب البيت و ما دخلت سلمت على امي و بنت عمي تدري شگد راح يشوفك عديم رُقي؟ فكر بتصرفك و لا تجاوب على كلامي لان راح احچي حچي يأذيك
فعلاً ما رد فتحت موبايلي و كتبت لسبأ "هسة ما الچ نية تروحين؟حبابة والله احس فارغة بدونچ"
ثواني معدودة و وصلي مسج من سبأ محتواه كالتالي "مفاتيح سيارتچ وين ؟ محتاجتها ضروري سيارتي عطلانة"
"خير اللهم خير وين رايحة؟ شكو؟ المفاتيح بالبيت يَم لَيان"
"زين دزيلها رسالة گليلها راح تجي سبأ تاخذهن"
"دزيتلها و عود گوليلي شكو من تفرغين"
توجهت لـ جهة اتصال لَيان و اتصلت عليها : ها قدس
-ها ليان اگول حَتجي سَبأ على مفاتيح السيارة انطيهيا
-تمام
-مع السلامة
لوهلة تذكرت اني بعدني ما متكاتبة عليها اتصلت على سبأ و نطقت بسرعة : سبأ ما عندي معاملة كاملة بيها ما متكاتبين بعدنا بس اكو ورقة تخويل تلگيها بالكشن الي ورة
-تمام
سديت الاتصال و ضليت اباوع للطريق الحمدلله دليتة على الموقع من زمان حتى ما اضطر احاچيه شغلت اصوات الطبيعة و خليت السماعات بإذني و بديت اخذ انفاس حتى استرخي و حسيت بلمسة ايدة على چتفي فتحت عيوني و نطق : وصلنا حبيبتي
سديت موبايلي طلعت حُمرتي من جيبي رتبت الحُمرة و فتحلي الباب نزلت و رسمت ابتسامة على وجهي لزم ايدي و دخلنا توجهنا لمكان الحجز و لگيت سما گاعدة بفستان قصير وردي فاتح و ردن شفاف و عَباس يمها و چانوا يتناقشون بشي قوي واضح من رد فعلهم قربنا منهم حست علينا و وگفت : هايي قدس
عباس : لك هلا بالمديرة
سما : هلو شلونچ
باستني و نطقت : الحمدلله و انتي 
-الحمدلله
و بهالاثناء تسالموا عباس و مُصعَب
نقلت نظرها لمُصعَب و نطقت : هسة اگدر اجزم انك مُصعب زوج قدس
نطقت و اني اصحح لها : خطيب
مُصعب بإبتسامة:اي خطيبها
سما : اهلاً و سهلاً اني سما
مُصعَب : تشرفت
گعدنا و نطق عباس : ست قدس المحترمة
قدس: غصباً ما عليك
-راح اسكت لخاطر الراتب اي الوارد مال وفد عمان افضل لو وارد التعاونات السابقة
رجعت جسمي اشوف العركة و چتفت ايدي
سما : التعاونات السابقة
عباس: يابة دسكتي غير غثة عمي مال عمان مو اكثر
- لا هذا ولا هذا عمان واردهم يفيد بالسمعة و نشر الاسم و فتح بوابات دولية اما السابقات چانن على نطاق محلي چان الربح بيهن فلوس يعني متساويات
عباس : انتي هم اسكتي كل شي ما تعرفين
-اي انتظرك تعلمني لك بابا التعاونات السابقة جابت فلوس هذا دا يجيب سُمعة يعني متساوين بالكَفتين بس اكيد هذا افضل لان اني مديرتة
سما : بدت بدت سكتوها
نطقت بنهاية كلامها بصراخ خفي : اجى شريان اخيرا
قرب و هو يضحك على رد فعل سما سلم على الكل الى ان وصلت لمصعب و نطق : مُصعب؟
مُصعَب : شريان ؟
شريان : تشرفت
مُصعب : الي الشرف
گعد شريان يم سما و نطقت : چان مراح يجي
عقدت حواجبي و نطقت : ليش
شريان : بنتي مريضة
قدس : اوو خطية و هسة شلون صارت بقت يم امها؟
سما خزرتني و ما عرفت ليش و نطق شريان :
شوي احسن من البارحة
قاطع كلامنا سحبة الكرسي و گعدت نطقت : سبأ !
سبأ : ياخي دائماً ظهوري هيچ مُبهر
عباس : هاي انعدت من قدس
سما : شبيچ مصدومة
قدس : گالت ما راح اجي
سما : اي بس هي گالتلي اليوم انها راح تجي
باوعتلها و نطقت : شيسموها هاي
-يسموها شو شوي وخري
رجعت نغسي و نطقت : هاي مُصعب
مُصعب : اهلاً
باوعتلة قربت منة و نطقت : هاي سبأ صديقتي
-اعرفها
اندمجوا بسرعة بالكلام و صاروا يتناقشون و بالبداية ما توقعت مُصعب راح يندمج وياهم بس اندمج بسرعة و چانوا يحچون عن شغلهم بشكل عام خلصنا اكل و توجهنا للحمامات بس سبأ نزلت للشارع و ما اعرف ليش رجعنا اني و سما للميز چانوا گاعدين و سبأ يمهم نطقت و هي تقلد ڤيديو من مسلسل : لچ عيني كوستمچ يجنن
ضحكنا كلنا على تقليدها و نطق شريان : والله سبأ مال نجيبها بالمذخر
قدس : اتفق ويا شريان بهالنقطة نحتاج مُهرج
سبأ : هدوني خل اگوم لا عفية كافي هدوني
سما: هسة انتي منو لازمچ
سبأ:شو محد گال ابقي
شريان : لا ابقي معليچ بيهم
شمرتلة سبأ بوسة و نطقت: ابو النسب الورد
نطقت سما و هي فاتحة عيونها: شنو حتخطب اختها
شريان: لا شنو الموضوع
سما : مو گالت ابو النسب
سبأ:ماكو بقاموسچ شقة
بأثناء كلامها اجى النادل خلة گدامها النرگيلة
خلة ثانية گدام عباس و وحدة گدام مُصعب
نطق شريان : هم نراگيل شگد تدخنون
نقل نظرة الي شاف ماكو نرگيلة و نطق: عفية قدس
رفعت ايدي الي بيها جگارة ضحك الكل على الموقف الصار
مُصعَب : يلا اذا مو قدس على الاقل سما ما تدخن
غطت سما وجهها عود مستحية و نطقت : لك عزا عيني لا تخجلني العالم منا
نطق شريان و هو واگف : لو مدخنة ولا هالمغثة هاي ما يلوگلچ لا تحاولين
سما: وين رايح اصبر اجي وياك
شريان : ثواني و اجي
سما : راح اطلبلك گهوة
شريان : لا چاي
طلبت سما للكل چاي ما عدى عباس گهوة
لزمت كوب الچاي و نطقت : راح انزل جوى
مُصعب : اجي وياچ
بست چتفة و نطقت : لا حبيبي ما يحتاج بس اتمشى و اجي اجاني شد عضلي من الگعدة
-
عباس: احس دتلعب روحي من منظر قدس
سما : حتى اني مصدومة
سبأ : محد صدمتة بگد صدمتي قدس تبوس رجال و حبيبي جيد
باوعت سبأ لمصعب و نطقت : اداء ممتاز استمر بالتقدم
ضحك مصعب و نطق : ليش هذا مو الطبيعي مالتها
سما : الطبيعي اي صح
عباس: يمكن انت الما شايف الطبيعي مالتها شنو
سبأ : لا و تخيلوا حتى صايرة ما تفشر
عباس: انتبهت ولا تصيح
سما : لا لا مُصعب قوي قوي
-
نزلت جوى المكان هنا اهدئ وگفت يم مكان بيه موقد طلعت جگارة ورثتها على نارة و حسيت بأحد يمي اخذت نفس ورثت الجگارة و رفعت نفسي شفتة شريان و نطق : تعذبين نفسچ حتى تتنفسين السم
-ماكو سم يأذيني اني الافعى شخصياً
گعدت يم الموقد على حافة و چان شريان واگف گدامي و نطق : گومي اكو مكان مخصص للگعدة تبردين هنا
-لا عاجبني اگعد هنا
-براحتچ
استند على المحجر الي گدامي و هو يباوع للسما و نطقت و اني رافعة جگارة: جرب
ابتسم و هو يباوعلي : تدرين النساء ما ينرفضلهم عرض؟
-لهالسبب دا اگولك جرب ادري مراح ترفض
قدم ايدة و سحبها مني ورثها و دخنها و هو يباوع للسما : تدخينك مو مال واحد ما يدخن
-قبل چنت
ابتسم و كمل : كلش قبل بس مو هسة
اسندت راسي على الحايط و نطقت و اني اباوعله: راح تصير زينة لا تخاف
نزل نظرة الي و نطق : مناعتها ضعيفة و عندها قلب
-هي شبيها
-افلاونزا بس گتلچ مناعتها ضعيفة و گلبها اضعف بعد
-سامع بتجربة انتهاء الدم؟
-لا شبيها
-بسنة من السنين قرروا العلماء يجربون على واحد من المحكومين بالاعدام تجربة اني شراح يصير اذا انتهى كل الدم الي بالجسم فـ اخذوه حطوه بغرفة و گعدوه على كرسي ربطوا عيونة خلو يم الكرسي سطل صغير و صوندة صغيرة تقطر مَي و دخلو ابرة بإيدة و طلعوها و رة ثواني لگوه ميت رغم هو ما نزل منة دم بس الخوف انه هالدم دا يوگع منة موتة فـ انت لا تموت بنتك بخوفك عادي طفل يتمرض شنو يعني
-احاول
خلصت جگارتي ذبيتها و نطقت : يلا نرجع
مَد ايدة كـ عرض انه يگومني مديت ايدي ساعدني گمت و توجهنا الهم و بدخولنا بدت السهرة چانت عازمتنا على سهرة موسيقية و چان الجو جداً لطيف خليت راسي على چتف مُصعب و گامت سبأ چانت لابسة فستان حرير ماروني ردن و ضيق من فوگ و من جوى كسرات فوگ الركبة نطقت و اني اتأمل لبسها : وين
-الڤيب مالتي خلص راح انزل اشتري اجيبلچ
-لا ما يحتاج حبيبي
عباس : اجي وياچ
سبأ : لا شكراً قريب
عباس : الشارع مملي و الدنيا ليل
باوعتلة و نطقت : تعرف تحمي نفسها لا تخاف عليها
فعلاً راحت سبأ و چان المكان جداً هادئ الكل يسمع للمغني بهدوء تام هاي اول حفلة بهالمطعم بعد مدة قصيرة رجعت سبأ و هي تدخن گعدت و انتهى المغني و نطقت : مسك الختام اني دخلت هو خلص
قدس : طبعاً انتي مسك الختام
قسم مُصعب من الكيك الي گدامة و حاول يوكلني ضليت اباوعلة ردتة يفهم بس ما فهم نطقت سما : قدس ما تاكل من شي احد ماكل منة من قبل او اداة احد مستعملها
رجع مصعب الشوكة و نطق : ما چنت ادري
بست چتفة و اني اضحك و نطقت : عادي بعدك جديد
عباس : و احنا مُخَضرَمين
رجعوا يتناقشون و اني ساكتة احس بتعب وصل نقاشهم الى تعدد الزوجات بين مؤيد و مُعارِض الى ان گالت سما : احب كلام قدس شنو رأيچ بتعدد الزوجات
رفعت نظري الها و نطقت : شايفة هاي الكيكة الگدامي الي اجتني كـ ضيافة و ما دافعة فلوسها ولا راح اكلها اصلاً يعني مجرد انحطت گدامي و صارت الي اذا احد مد ايدة عليها هسة تصير جنازتة على ايدي فـ ما بالك بـ "زوجي" مو قليلة ابد بس ممكن اتقبل الموضوع كـ امر ديني ان هم سابقاً چانوا يحتاجون يعددون بالزوجات حتى يخلفون اطفال حتى ينتشر الدين مو لان والله زوجتة زاد وزنها كيلو راح تزوج
نطقت سبأ ببلاهة: اذا تزيد كيلو مو المفروض يفرح
ضربتها على راسها بقوة حتى ادركت الي گالتة
و بين ضحكة و سالفة انتهى وقتنا سوى نزلنا للسيارة و بالطريق نطق مُصعَب : حبيبتي راح اروح الفجر للعمارة تريدين شي
-اها رايح
-اي
-اوكي لا ما عندي شي سلامتك
طلعت الحُمرة الي بجيبي و خليتها يم الگير
فتحت شعري و خليت القراصة بالگير نزلت المرايا و فتحتها و رجعتها باوعت شنو ممكن ابقي اشياء؟ كڤر الموبايل بالچكمچة السكارف لفيتة على الكشن حفظت مكان كل شي بدقة و رجعت الكشن احاول اريح جسمي الى ان نوصل : قدس حبيبتي شبيچ منعسة
-اي
تقريب الساعة و وصلنا تقربت حضنتة و باس خدي : عود بس توصل دزلي
-متفقين
-سلملي على خالة
-الله يسلمچ
بست خدة و نزلت صعدت لغرفتي بصعوبة التعب كل و ما اله يزيد نمت على وجهي بدون ما امسح المكياج حتى نمت بصعوبة من الم جسمي و ظهري
گعدت الفجر احاول اتحرك ما اگدر الم قوي اتصلت على ماما ورة ثلاث اتصالات جاوب بابا بقلق : ها بابا شبيچ
رديت عليه بغصة: بابا جسمي يوجعني
-شنو شبيه يعني اجيچ
-اي تعال مدا اگدر اتحرك من الفراش الم فضيع بكل جسمي خصوصاً گلبي و ظهري
-مسوية شي جديد؟ يعني فعالية جديدة على جسمچ تمرين جديد
-لا والله حتى اثقال صار بالاسبوع ما شايلة من الالم
سمعت صوت ماما يمة و هي تنطق : حبيبتي مامي خاف الدورة
-لا ماما خلصت قبل اسبوعين و اصلاً مو المها
-ديلا اني جايچ يا روحي لا تبچين هسة رمشة عين و تلگينا اني و امچ فوگ راسچ حاولي تنامين او تدفين او تلگين وضعية مريحة لبينما اجيچ
-تمام
گدرت احرك ايدي شوي رفعتهن و نزلتهن و اصابع رجلي بس احركهن الالم يضرب بالزايد فعلاً ما هي الا دقايق معدودة و سمعت خطوات على الدرج و حچي
وهب : يعني انتو ما تدرون
عامر : يابة بشنو احلفلك البنية مثل الورد كل شي ما بيها
رصد : البارحة چانت طالعة ويا خطيبها كل شي ما بيها ولا تشكي من شي
ابرار : فعلاً البارحة مچان بيها شي
اندگت الباب اعرفها هاي دگة عامر و نطقت رصد : قدس گاعدة ؟ افتحي الباب يمة
نطقت بصعوبة : ما اگدر اتحرك
وهب : ماعدكم نسخة من المفاتيح
رصد : لا هذا الباب هي سوتة و بس هي عدها مفاتيحة
طلعت ليان من غرفتها و نطقت : السلام عليكم شكو عمو
وهب : وعليكم السلام قدس مريضة و اجيناها
ابرار: تذكرت ليان انتي مو دائماً تنطيچ مفاتيح سيارتها
ليان و هي تأشر على مجر بالصالة الي هم واگفين بيها و تكون بيها كل الغرف : هناك تخليه ويا باقي المفاتيح
توجهت ابرار طلعت مفاتيحها : وهب هي دائماً تخلي نسخة من كل مفتاح بجنطة صغيرة بالچكمچة روح جيب الجنطة و خل نجرب
وهب: اني نازل انتي ظلي احچي وياها
فعلاً نزل بابا و بدت ماما تحاچيني: قدس مامي تسمعيني
-اي ماما
-حبيبتي حنجرتچ او بلاعيمچ تأذيچ؟
-لا ابد
-و مثانتچ
-لا
-كلش زين و الالم دا تحسيه بالعظم لو باللحم بالعضلة
-بالعظم
-يلا حياتي اصبري بس هالكم ثانية هسةيجي بابا يفتح الباب و نشوف شنسوي
عامر : هسة هي المن قافلة الباب صدگ چذب
ابرار : بنتي اني مربيتها هيچ
-سمن چانت ببيتكم مچانت تقفل
-اي لان ببيتنا مربيتهم كلهم و حتى وهب ما نفتح اي بابا قبل ما ندگة انتو هنا تطبون چفت لا احم ولا دستور اكيد تقفل الباب لو شتگولين رصد
توترت رصد و نطقت: اي كلامها صح
صعد وهب و بدا يحاول بكل المفاتيح الموجودة ان يفتح الباب الى ان واحد دخل و فتح الباب بابا قرب مني بسرعة و بدا يتلمس گصتي و هو ينطق : يا يعد حيلي يا يابة شبيچ
اشرت بعيوني كـ دليل ان اريدهم يطلعون و نطقت ابرار : رصد عندكم زيت زيتون؟
ليان : اي خالة اني عندي
-فدوة جيبيلياه
فعلاً جابت ليان الزيت و نطقت ابرار : بلا زحمة انطونا مكان اريد انزعها
طلع عامر و نطقت رصد : اني امها
صافحتها ابرار و باستها و هي تنطق : حبيبة گلبي تشرفت بمعرفتچ اني هم امها
وهب : رصد رحمة لمحمد دبطليهن هسة انتي شايفتها بدون ملابس احلف عليچ بس من انحرگت
طلعت من فشلتها وگفت ابرار قفلت الباب و نطقت : مفاتيحي الطلعتوهن وينهن
وهب : هذني على الميز
-اي عفية
نزعت ماما صايتها و چانت لابسة دشداشة قصيرة تقربت بدت تفتح القميص رفع جسمي بابا و بديت ابچي من الالم بسبب الحركة البسيطة و نطق : ابرار نوديها للمستشفى مدا تشوفين شلون تبچي
-وهب يا مستشفى هاي التوديها الها هسة انت صدگ تحچي كل عقلك هسة گاعدين الخفر و كلهم مطفين خل نمشي الليلة و الصبح ناخذها
نزعتني امي كل ملابسي غطت جزئي السفلي و نطقت : وهب اگلبها اريد ظهرها
گلبني بابا على بطني و دلكت ماما رگبتي حتى اگدر اديرها
حطت زيت على ايدها و دفتة على الصوبة و بدت تدلك بظهري و ايدي و بابا برجلي و اني احاول اكتم البچي قدر الامكان لان بس ابچي بابا يتوتر و يگوم يگلب الدنيا و امي وجهة نظرها صحيحة : ابرار والله بعده جسمها يوجعها خل ناخذها
نطقت ماما بنوع من العصبية : وهب شنو الموضوع شبيك دا اگُلك نوديها يسگطوها لوما انت عسكري و شايف و عايف انواع الامراض و الاصابات
-ابرار هاي بالجنود مو بنتي
-كلنا جنود الله على الارض اعتقد اني دكتورة مو و اني اعرف شلون اخفف عنها
-شتخففين لچ گلبها يوجعها
-يلا حلها انت لعد شوف وهب هذا اخر ما لدي قدس لباب غرفتها ما تتحرك يجي الصبح و اوديها دكتور غير كلام ما عندي خلص لحد يناقشني طفح الكيل و وصلت ذروتي
نطقت : ممكن مو وكت العركات
فعلاً بعد مدة من التدليك و التدفئة : ها احسن
-اي احسن
طلعت ماما دشداشة قصيرة من كنتوري و لبستنياها و نطقت : بعد اكو هواي وكت
وهب : نامي يمها خل ترتاح
فعلاً نامت ماما و مدت ايدها نومتني بحضنها حضنتني بإيدها الاثنين و حاوطت جزئي السفلي برجلها غطانا بابا و باوعت عليه نام على التخم الي گدام الچرباية و تغطى حسيت بدفئ و انتهت الامي الجسدية و النفسية بمجرد الشعور ان ماما و بابا هنا يمي بالغرفة و ما شاغل تفكيرهم غيري دفئ حضن ماما خلاني انام بسرعة
و بعد نومة عميقة جداً گعدت على صوت همس بين ماما و بابا : لعد شلون نعرف شبيها
-اصبرلي تگعد و اسألها و اشوف وضعها و ناخذها اما طبيب قلب او عظام
رجعت غفيت و بعد ساعات گعدوني بابا حاول يگعدني و گعد وراي حتى استند عليه و ماما وكلتني و نطقت : ما تگدرين تحركين ايدچ و تاكلين
-بس تأذيني
ورة ما خلصت اكل ساعدتني ماما لبستني كيلوت اسود و تيشيرت ابو الرگبة اسود
و بابا ليسني قمصلة فوگاهن
-بابا اختنگت هواي
ابرار : لازم تدفين عندچ هنا فستان شي
-الچ؟
-اي
-ما ادري دوري بلكت تلگين شي يفيدچ
فعلاً بدت ماما تدور : ماكو
-البسي فستان العقد الابيض و بيجي
-انچبي شلون يصير
-ما عندي شي غيرة طويل و ما اريد تروحين للبيت البسيه
وهب : دلبسي يمعودة
لبستة فعلاً و لبست وياه من احذيتي اني و ماما نتلابس بكل شي بس هي شوي انعم مني
شالني بابا و توجهنا للسيارة رجع الكرسي و نومني چان شعور جداً سيء شعور انك ما تگدر تتحرك تماماً
و رحنا الى دكتور عظام و حولنا قلب و بعد فحوصات عديدة گعدنا يم الدكتور و نطق : شنو تسوين بيومچ انتي طالبة كلية؟
-لا اعدادية
-احچيلي شنو تسوين
-تفاصيل يومي يعني
-اي
-اروح من الستة للمدرسة اخلص بالـ ٢ اروح للجم اخلص بـ ٤ اروح للشغل ارجع للبيت بـ ٨ غالباً ادرس للـ ١١ و انام
-شنو شغلچ
-مديرة مذخر ادوية
-يعني عمل مكتبي
-اي
وهب : و هي عندها اعمال اخرى فـ بالتالي بأيام العطل بوكت الدوام تروح لاعمالها الثانية
-و تشرب گهوة
ابرار : اي بكميات كبيرة
-و مشروبات غازية
-ابد ما توصللهن ولا السكريات
-تدخن؟
باوعتلي ماما و نطقت : اي ادخن
-نرگيلة لو جگاير
-كلهن
-معناها علتها عبارة عن اجهاد لا اكثر هذا العمل المكتبي گعدة طويلة تأذي الجسم و هي بالدوام تجر ساعات گاعدة هذا كلة يأذي العظام و القلب
وهب : بس دگتور هي رياضية جداً ما تفوت تمارينها يعني تعوض
-بس يبقى سبات الجسم هذا مؤذي و كل تعبها اجهاد بالاضافة الى الادوية الي ماخذتهن مضادات الاكتئاب مهدئات القلق المنومات و مهدئات نوبات الهلع هاي كلها تضعف القلب جداً و الجسد بشكل عام و فوگاهن هي تتعب نفسها بهالروتين المزدحم و فوگ هذا كلة تدخين اصلاً المفروض ما تنصدمون من انتكاساتها هاي المثلها هسة طبيب القلب زيارة اسبوعية بس حقيقة الله لطف بيكم ان گلبها للان يعتبر سليم طبعاً في حالة واحدة الا و هي تلتزم بالتعليمات و الادوية و تقليل الاجهاد و الاهم الاهم من كل هذا الالتزام بالنظام الغذائي اي خربطة او اجهاد عصبي يؤدي الى امراض خطيرة اما بخصوص الالم هذا بس راح تاخذ هالادوية من باچر تلاحظ التحسن و استمروا بالتدليك و خل تستمر بتمارينها
طلعنا من الدكتور و اول ما صعدنا نطقت : رجاءاً لحد يحاچيني بأي شي و ياريت لو نروح لبيتنا
ابرار : اوكي بس اول شي نروح للبيت اخذ تلفونچ كتبچ ملابس المدرسة
فعلاً توجهنا للبيت و راحت ماما خلت بجنطة كل شي احتاجة و توجهنا لبيتنا شالني بابا و دخلني للغرفة ثواني و دخلت بنية واضح انها فلبينية و بدت ترتب بالجنطة و نطقت : i’m the new housekeeper
"انا العاملة المنزلية الجديدة"
-nice to meet u i’m quds the oldest daughter
"سعيدة بمقابلتك انا قُدس الابنة الكبيرة"
بعد مدة من التصفح بالموبايل دخلت ماما نزعتني ملابسي و بدت تدلك بعدين لبستني شورت و تيشيرت و جابت الخادمة الاكل خلتة على الميز و طلعت : باعي هسة قلدي الراح اسويه حتى تگدرين تاكلين
بدت ماما تحرك بإيدها و اني اقلدها ببطئ الى ان گدرت احركهن و بديت اكل و بعد الاكل شربتني الادوية و نمت
گعدت على صوت اتصال مديت ايدي سحبت التلفون الحركة اسهل چان اتصال من مُصعب تنهدت و رديت : هاي
-هلا حبيبتي اعتذر والله نسيت ادگلچ بس وصلت جنازة و نمت
-مو مشكلة اصلاً مچنت ببالي
نطق بعصبية : مچنت ببالچ شنو
-يعني ما تذكرتك اصلاً
-قدس لا تلعبين بأعصابي هيچ وين اكو وحدة هيچ تگول لخطيبها
-لاني مريضة من رجعت للبيت و هسة اني بييت بابا وهب
-شنو شبيچ ! من البارحة و اني اخر من يعلم هسة جاي
-لا تفكر حتى ما يحتاج طلع مجرد اجهاد و اجيت هنا حتى ارتاح
-يا بعد حيلي و اخذتي ادوية
-اي
-اكلتي ؟ والله كلة من التدخين و كل شي ما تاكلين طبعاً تتمرضين
-اي اكلت
-صوتچ تعبان ارتاحي حبيبتي و نامي و من تفرغين دگي خوش
-اوكي بس ملاحظة
-ها
-حتى لو ما چنت مريضة هم مراح افكر بيك مُصعب اذكرك بشغلة بسيطة انت ما ماخذ حيز عظيم من حياتي ولا تتوقع هالشي ابد تذكر دائماً شغلة اني اعلى منك
غلقت الاتصال و رجعت نمت
"أختصار للأحداث"
و هكذا مرت الايام اما بخصوص العمل قلصته الى ساعة يومياً و تكون للاشياء المهمة جداً و الباقيات بالبيت
اما الدراسة سويت انتساب ادرس بالبيت
و باقي الشغل و الاملاك رميت ثقلة على سبأ الي دارتة بسلاسة لان خبرتها مو قليلة و وظفت وياها بنات اثنين و صاروا صديقات زينات الي
اما مُصعب فـ چان وضعنا طبيعي اروحلة للشقة و يجيني للبيت و تواصل عادي
-
القدس pov :
خلصت شغلي و دراستي و سبحت مُهرة صار المغرب بدلت و نزلت : ماما اني رايحة لمُصعب
رصد : تعاي اخذي من هذا الاكل
-شنو الموضوع اروح ماخذة بيدي علب اكل ميحتاج
-تتأخرين
-ما ادري بس ما اعتقد المهم بالتسعة و نص نومي مُهرة لا تخليها تنام هسة ابد ديري بالچ حتى تتعدل نومتها
اخذت مفاتيح سيارتي و توجهت له ركنت السيارة بالكراج و نزلت توجهت لباب شقتة طلعت مفاتيح الشقة و فتحتها اكيد ماخذة نسخة من المفاتيح
دخلت و چان يسودها الهدوء الزايد و لا كأن اكو احد بيها توقعت نايم رحت فتحت باب الغرفة ما موجود عرفت انه ما راجع للبيت بديت اسوي چاي صبيتة و سمعت الباب ينفتح و حزرت انه هو الي اجى
خليت الچاي على الميز و توجهت للباب و انصدمت بمنظرة شعرة مهوس و يمشي بثقل و ريحتة مُقرفة رفع راسة و ابتسم ببلاهة : غير بوكتچ
-هاي شمسوي بروحك
قرب مني حضني و دفن راسة برگبتي دفعتة بسرعة و صرخت : اييع الله لا يوفقك يا مُقرف سكران يا مُنكَر
قرب مني و نطق بلغة حقيرة : ليش انتي خليتي دين براسي رحمة لربچ خليتي براسي عقل لچ مقدم شكبرني لو متزوج من وكت بنتي بگدچ و انتي الها طولچ لعبتي علية
ضليت اباوعلة بقرف و نطق : شسوي و اعجبچ و تروح هاي النظرة مو كفرتيني قدس احبچ شوكت تطب هاي السالفة براسچ لچ بابا اموت عليچ اني قيس اتحداه اذا حب ليلى بگد ما مُصعب حب قدس
حصرني على الحايط و ما زالت ملامح القرف على وجهي و نطق : اذا ما اغتصبچ هنا و اكسرة خشمچ العالي
قدم جسمة اكثر علية حتى ما يخليني اتحرك ابتسمت و نطقت : تدري منو الاثنين الي ممنوع تهددهم
-لا علميني
-امك لانها الي ربتك حتى لو تربية سز و قدس لانها راح تسمط الخلفوك
ضربت اخر عظمين بقفصة الصدري هاي من اماكن ضعف الانسان و سحبت الچاي بسرعة و كبيتة على رگبتة بدة يصرخ و سحبتة للحمام ضربتة على باطن ركبة رجلة وگع بالگاع فتحت الدوش و وجهت المي عليه ثواني و سديتة بقة گاعد بمكانة طلعت من الحمام و سدة وراي فترة و طلع لاف المنشفة على خصرة واضح صحى سويت گهوة طلع من الغرفة حطيت الفنجان بالگاع و على وجهي ملامح القرف و نطقت : شيلة من الگاع انقرف يتلامس طرف اصبعي بطرف اصبعك
توجهت للصالة و گعدت و اني احاول اهدي من اعصابي و اني انطق بهدوء قدس صحتچ اهم اصلاً هذا الچان راح يصير من زمان
ورة ثواني اجى گعد گدامي نطقت و اني صافنة بالفراغ : صحيت تماماً
-اي
وگفت على حيلي و شرعت بكلامي :….
___
إنتهى