غسـق اللـيل

BART 15

اكبر مني بس عفويه ههه تحب تسوي التريده ما يهمها شكد عمرها وكفت يمي
تاخذ انفاسها هزيت راسي الها رفعت ايدها وتأشر

بمعني شويه ثواني كعدت يمي وكالت

مديحة - اسمها ثمار عمرها 18 تهتمتها اطلاق نار على زوجها هيج كلولي

رفعت حاجبي ضحكت بستهزاء

- اطلاق نار؟!
وعلى زوجها !!
معقوله مزوجه هههه صدك لو كالو لا تحكم على الكتاب من غلافه !.

مبين عليها فقيرة طلعت من جوه لجوه سهلة ثمار راح تفيدنا اليوم كومي وياي

مديحة - بشنو كاعد تفكرين؟!

جواهر - كل خير !

رجعنا بقيت كاعدة اباوع للسجينات الضاهر بعدهي ما كاعدة حسبالها هنا
بيتها خطيه سمعت صوت فتحت الباب درت عليها طلعت من الغرفه..

معالم وجهه مبين عليها شكد مستغربة المكان وخايفة ثواني بقت توزع نضراتها ورجعت ساده الباب بقوه..

رفعت حاجبي بضحكه غمزت لمديحه وكمت دخلت الها مو مشكله اذا ما تجينا
برجليها نروحلها احنا!!.
شفتها شلون كمزت حلو خوافه اصلآ اشك بيها ضاربه زوجها

حجيت وياها واضح من كلامها ما تريد تحجي وي احد صحت على سلمية ومديحة بجت ! شكد اكره الدموع.!

حاولت اهديها وتساير وياها ميخالف اتحملها دقايق حتى تنفذ المطلوب منها
عرفناها على المكان والسجينات وهيه بس تهز راسها

واضح عليها تسايرنا ضحكت بداخلي تمام خلي نلعب اخذتها لغرفة غسل الملابس
من تفكيرها وصفنتها ما شافت المكان اله من دفعتها وسديت الباب !

جواهر - شوفن شغلجن

عقدت حاجبها جسمها يرجف واضح من ايدها ذكرتني من اجيت لهنا وتعرضت للضرب محيت الأفكار من راسي

قيدنها من اديها ومديحة كاتمه صوتها صدرها يصعد وينزل بعنف تدنيت يمها

جواهر - راح اخلي مديحة تشيل ايدها اذا صرختي محد يسمعج وتعمين على روحج فاهمة!!

هزت راسها عدة مرات هزيت راسي لمديحه وخرت ايدها بقت تكح بصوت
وتتسابق على اخذ انفاسها خليتها ثواني وتقدمت يمها كعدت بصفها.

جانت ترجف عيونها متروسه دموع هدئت وكتلها بكل القواعد اهم شي
عندي هسه تسوي الراح اكلها علي هذا اليوم انتضره كل شهرين ومرات اكثر مستحيل اضيعه!!

بما انو انا ممنوعة من الزياره ليش ما ادزها هيه؟؟

جواهر - عندي شغلة الج اذا نفذتيها راح اخليج منه وبينا وتصيرين بحمايتي

ثمار -: عوفيني ما افيدج انا اصلآ كم يوم وأطلع منا ما ابقى هواي !

كلبت عيوني بنفاذ صبر من حجيها طلعت سجينه خليتها على ركبتها فتحت
عيونها بخوف وصدمة ضحكت بستهزاء وبديت احجيلها.!