تجارة ابي..

بارت 2

هلوو بناتي اتمنى الكم قراءه ممتعه حبايبي
لاتنسون التصويت والتعليق بين الفقرات  شجعوني اكمل القصه.. بيها احداث حلوه وراح تعجبكم ان شاء الله.....
بمحطه أخرى كانت نوره تعاني نفس الألم بس لأسباب تختلف
نوره؛ سحبني ايدي ابوي وفلتها من مريم واتوجه بيه للباب احاول افلت ايدي ومنه وادفع بيه بس هو متمسك بيه ويجرني وياه خطواته سريعه وتسحبني    هيح ابوي يريد يخلص باسرع وقت مني اناشغ بجي وهو يسحب بيه صعدنا كيه وتوجهنا للشارع العام
نزلنا لحضات انتظرنا وطبگت علينه  سياره عاليه لونها ابيض  ونزل منها رجال لابس عسكري اضخم من بابا ولابس نضارات شمسيه وگف تصافح وي بابا وهو يگله
رياض؛ هلا ابو احمد هلا باخوي شلونك
علي:هلا ابو أنور الحمدلله انت شخبارك
رياض (ابو أنور) الحمدلله
باوعلي وگال هلا بنيتي هلا  بنوره شلونج حبيبتي
كنت خايفه وكلي ارجف اباوع بوجه بابا وارجع التفت للرجال.. وماجاوبت
باوع لأبوي وگاله شنو هاي بس لاخرسه
علي؛ لاتحجي مابيها شي بس خايفه شويه
رياض :لا بابا ليش الخوف اصلا مااخذج يم اخوانج ومحضرلج غرفه وألعاب وشتريدين بس گولي وتدللي
يلا نروح نتريك ابو احمد؟
علي:لا أبو أنور تعذرني وراي شغل هاي بنيتك بعد وصلتلك دير بالك عليها خطيه ترا تخاف متعوده على اختها
اني بس مبرطمه وماعرف شسوي
خله ايده ابو أنور على راسي وگال ولا تدير بال ابو احمد بنيتي هاي بعيوني اخليها يلا بابا نروح
باوعت لبابا وگلتله خل ارجع وياك والله بعد مااحجي ومااضوج خاله فدوه والله اصير شاطره بالمدرسه ومااحجي ولا اضوجك  كنت لازمه ايده واحجي
دنگ عليه وباس خدي گلي روحي واني كم يوم واجي آخذج...
بجيت وعرفت ماراح يجي هو هم گال كم يوم واجيب رضا وماجابه بعد ماسويت شي اكتفيت بالبجي سكته أجا ابو أنور لزم ايدي وگال يلا نروح منتضرينا بالبيت ومحضريلج غرفه وألعاب وملابس
مشيت وياه وصعدنا بالسياره شفت بابا واكف ويباوع علينه بعدت السياره وصورته راحت هاهيه. يعني هاي اخر مرة اشوف بابا بيها لو صدگ راح يجيني؟
ومريم شلون بيه وانامتعوده عليها ماانام الها هي يمي ماعرف اكل اذا مو وياها وحتى لعبنا ودراستنا كله سوا هي اكثر من امي..
مادري شكد مشت السياره بينا اني من البجي غفيت إلى أن نبهني ابو أنور بصوته يلا بنيتي وصلنا
نزلت بباب بيت مرتب وعالي
دخلنا وهو يفتح الباب ويصيح ام أنور وينج هاي نوره اجت
طلعت مره بيضه هيج وجهه مدور ووشويه جسمها مليان لابسه دشداشه بيت ووجهه يضحك ومليان راحه
ام أنور :هلا بنوره هلا حبيبتي تفظلوا
اجت وبوستني گالت شلونج بس لاتعبتي من الطريق
ابو أنور؛ وين الطريق ماحست بيه جابته كله نوم
ام أنور؛ ياا خطيه يلا احسن حتى ماتتعب
يلا يمه ادخلي غسلي على مااصب الغدا
ابو أنور؛ يلا حجيه ترا تعبان راح اغسل واصلي ونريد غدا حتى أنام
ام أنور؛ تأمر حجي هسه اصب
اخذتي ام أنور وياها گالت شو يمه ولاسمعت صوتج بس لاخرسه
نوره هزبت راسي وگلت لامو خرسه
ام أنور؛ ياا صلوات طلعتي تعرفين تحجين واني عبالي خرسا ههه يمه اتشاقه وياج اريد تحجين.