فـي مهب الحب والأنتقام

الحلقة ٣٠

بعينك صد عَليّ
بَس بضميرك شوف
بوية تصيح
هذا شگد حِزن جارع !
هذن هيچ
الشفتهن
من عدا المضموم
اليشرّح جثث
مايگدر يباوع !

في مهب الحب والانتقام 30
الكاتبه غرام عمار

ـ شكوو سطام شصاير
عافنه وسد الباب علينه قفله
درت اباوع بألحان تبلعم بخوف

-شكو يمة اله اليوم مصيبة

-كولي يالله هسه نفتهم بس قفل علينه
الباب وايڤا يمة وبيبي
بعدني احجي وانفتح الباب دخل بيبي
وايڤا ورجع قفل علينه

-بيبي شكو فدوة

لطمت عله وجهه بحركه وحجت

-نواف اجة برجله السطام
بس لا راح يصير دم بهليوم الأكشر

-بلعت ريكِ بخوف كلبي ضل يدك
برعب المن جااي شكو جاي
اجت ايڤا الحضني شبكتني بقوه وحجت
صوتها يرجف

-ماريد اروح نسر لا تعوفي ياخفني

-عبرت اديه ضامتها بحضني:مانطيج شحدة
ياخذج مني مايسويها

الحان:طكطكت اصابعي روحي روايحه
خاف صدك اجه ياخذها مرة ثانيه
لو اجه عنده مصيبه جبيرة هوه غير
هدة هليام شرجعه
دقايق وصار صوت اشهب عالي
وسطام يصيح بعصبيه الاصوات علة
انريد نفهم شي ماكو
بجت ايڤا بحضن نسار تسكت بيها
وتحلف ماتنطيها اله
انفتح الباب ودخلت جمار وامها
ثنينهن وجهن صفر قفلت الباب ودارت علينه

ام اشهب:صارت دمايه دخيلك ياعلي

نسار:شصار خالة فدوة احجيلي

ام اشهب:ابوج مدري شكايل السطام
وكوة فاككوهم صارت دم

نسار:انطيني المفتاح خالة

ام اشهب:شو ارچدي بكاعج يمة
لاتصير سالفه ماندخل

نسار:خالة الله يخليج انطيني المفتاح
شلون نضل محبوسين وسطام
وابوي يتعاركون لايسوي شي بأبوي

الحجيه:شو جنج حنيتي ولج

نسار:بيبي تره يبقه ابوي شلون ترديني
ارضه عليه زوجي يضرب بي

الحجيه:تردين تفرفحيني انتي

نسار:لحد تدخل خالة انطيني المفتاح
بروح كل عزيز عله كلبج جوة تراب....مدت
ايدها ترجف خلت المفتاح بيدي
فتحت الباب وطلعت
وياريت لو ماطالعه وباقيه يمهن بلغرفه
مجاان ماصار كل هاذ وادوس بطن احد بيهم
طلعت بره جان ابوي وجهه
مينشاف كله دم عبارة عن دم ماشوف وجهه
ابوي منو تقبل ابوها يصير بي هيج؟
حته لو ضالمها!
حته لو مطيح حضها!
ماانكر عندي كرهه تجاهه السوا
بيه موشويه وعافني وسافر
علـه مود زيتون وخطف اختي الي هيه بنته
بس يبقه ابوي؟
يبقه الانسان الي رباني وتعب عليه
واني طفله ... ركضت بدون وعي
كومته من الأرض اصيح عله
سطام ودموعي عله خدي ...عووفة سطاام
كاافي هاذ ابوي كاافي