عَطني قُـربك وبعّطيك رُوحـي

Part : 9

.
ساره ؛
صارت حياتها مُمله وكارهتها وتتمنى تسمع اي خبر سار عن فيصل بس للاسف ماتسمع الا انه تعبان او متغير للاسوء وتلوم نفسها وهذا حالها من ثلاث شهور
دخلت اثير ؛
اثير : صاحيه؟
ساره : وش تشوفين؟
تنهدت اثير : ساره ترا الشي ذا يضرك الكل ملاحظ تغيرك تدرين وش صاروا يقولون؟ يقولون اكيد زعلت لان خالد تزوج ولا انتظرها الكل صار يتكلم فيك متى بتقومين وترجعين ساره القويه الاولانيه؟ متى بتواجهين الواقع؟
ساره : مااتوقع يقولونه لان الكل يدري ان ماعد فيه شي اسمه حب
اثير بانفعال : تفكرون الحب سهل ، تفكرون بس كلمه احبك يعني خلاص انا اعيشك وانا اتنفسك وانا ما اشوف غيرك ، يفكرون بس لو يمر علاقتنا اسبوع واهتم فيك واحتاجك يعني ، أحبك ، يفكرون الحب شهوه ومتى م بغوا يتركونه ويقولون ما نصلح لبعض ، ويدورون الف عذر عشان مايكملون مع بعض لان م عرف كيف يحب ، ويقولون الحب سخيف ونجس وماله معنى ، لا ي بعد روحي انتي اذا ماجربتي الحب من قلب لاتقولين كذا الحب أطهر من أي شي الحب احساس وشعور الحب بحياته كلها ماصار ب فتره ويقولك ما نصلح من البدايه ، اذا م عرفتي وش يعني الحب لاتجين تقولين انا احبك لا تلعبين بشعور احد وانتي ماتشوفه شي ، الحب يعني يكون اصحابك الحب يكون كل شيء بحياتك تخافين عليه وتغارين عليه وتهتمين له وتتعبين لتعبه وتهتمين لراحته تاخذين من راحتك وتعطيه ، لاشفتيه حزين وانتي مستانسه تحزنين لحزنه إذا كنتي طايره من الفرح لاتتركينه وتقولين بعدين بكلمه خليه يفرح لفرحك ، الحب يفهم شفيك بمجرد ما يسمع نبرة صوتك فيها حزن او فرح او ضيقه وكتمه ، الحب اول ماتصحين تفتحين جوالك تشوفين كلمه منه او تكلمينه عشان يكتمل يومك ، الحب تشتاقين له كل دقيقه ، الحب غيره من اتفه الاشياء ، الحب اهتمام وتضحيات ، تفكرون بس اقولك احبك كل دقيقه يعني احبك ، طيب الطرف الثاني يبي اهتمام يبي تضحيات يبي من وقتك او يبي وقتك كله يبي الشعور اللي م جربه بحياته، لاتخلينه ينام ودمعته ع خده ، لاتخلينه حزين لوحده ، لاتخلين الشك يبان عليك ، ترا كل دمعه نزلت منه ذنبها عليك ، الحب شعور ماينوصف ولو وصفوه عجزوا عن وصفه من كثر م هو شي كبير ، الحب مره بالعمر مو ومرتين وثلاث ، الحب شي قيم والكل صار يفكره وجع وان الحب يؤدي لتبلد وان لازم واكيد بيجي يوم ونفترق ، لو تحبه بصدق لو تحبه بثقه بتعيشون مع بعض بس بطلوا التقليد والكذب
ساره ببرود مُتصنع تحاول تخفي دموعها : كل كلامك ذا مايهمني
اثير : مايهمك ماقلنا شي بس لو ابوي سمع وش ظنك بيقول؟
ساره : جايه تزيدينها علي؟
اثير : لو بزيدها كان علمت ابوي وعبدالرحمن
قاطعهم عبدالرحمن باستغراب : تعلمينا بوش؟
اثير بارتباك : لا بس ساره مهمله دراستها الفتره ذي
عبدالرحمن بشك : بس؟
اثير : ايه
عبدالرحمن وهو يجلس جنب ساره : ودلوعتنا زعلانه ليه؟
ساره : مدري احس جاني ضيقه فجاه
عبدالرحمن وهو يحاوط كتفها ويدخلها تحت ذراعه : افا؟ اخت عبدالرحمن وبنت احمد وتتضايقين؟ ماعاش مين يضايقك ياخوك
ساره بغصه : ترا مشاعري الفتره ذي ملخبطه ابكي على كل شي
عبدالرحمن وهو يجلس مقابلها ويمسك وجهها بين كفوفه : ساره فيك شي؟
ساره : لا
عبدالرحمن : بكيفك ، بس تذكري انا اخوك وانا اقرب لك من اي احد ثاني متى ماتحسين انك متضايقه تعالي عندي اوعدك مااصدك ولا اعاتبك ولا ازيد ضيقتك بالعكس بكون لك عون وسند اعرفي اني مستحيل اعايرك باخطائك مهما صار واني بوقف معك سواءً لك الحق او عليك انا معك في كل شي وبساندك زي ماقلت ومستعد اخذ ضيقك وهمك وحزنك الواضح بعيونك تحسبيني ماالاحظ ذا الحزن؟ لا والله اني ملاحظه وقلبي يتقطع كل مااشوف ذبول عيونك بس ماودي اضغط عليك اللي فيك مكفيك
ارتمت ساره بحضن عبدالرحمن وانفجرت بكي
بكت وجع قلبها اللي ماسكته طول الثلاث شهور بكت قسوة شعورها وهي كانت تدور اي شي تبكي عليه
استقبلها عبدالرحمن ولا منعها ولا ناقشها ابدًا طول انهيار دام ساعتين ..