نجمة فراتيه

أعـلان + مشاهَـد

••••••••••

مشهَـد 4 :

الدنيا ليل والجو بارد گاعده علىٰ كرسي گدام السديه تنتظره يصحىٰ ، علىٰ حسب كلام الدكاتره يصحىٰ هـ الوكت..
دموعها علىٰ خدها لحظات و سمعته يون گامت مسرعه ماسحه دمعتها .. لگت حرارته مرتفعه وعرگان ويهمس"بردان"

رادت تسويله كمادات بس خافت ينشمر بللت أيدها ومسحتها بوجهه و تسمي بالله شوي وثگلت انفاسه ، تهندت براحه  ..  للصبح كُلش سمعت صوته يندهـا تقدمت بـ خطوات بطيئة و دموعها علىٰ خدها ؛
::- منو دخلچ لهنا ؟ و منو انتِ .؟

خنگتـها الغصه و أردفت بـ صوت گوه ينسمع بسبب شهگاتهـا ؛
::- اني نجمتـك ..

••••••••••

مشهَـد 5 :

-گعدت علىٰ ستول خشبي وسط الحديقة ، محاوطتها ورود من اصناف مختلفة .. قهقهت بخفوف وأردفت بـ عفويه ؛
::- حبااب اخذلي صورةة

ما انطتـه مجال لـ الرفض حطت هاتفها بيده و هو متصنم مصدوم بتصرفها .. من حست علىٰ روحهـا أردفت فشلانه ؛
::- هات الهاتف ، اسفه

ابتسم وتقرفص امام الزهور وقطف زهرة صغيره لونها بنفسچي "زهور جهنميه"

گام ونكث ملابسه وتقدم ناحيتها ، حط الزهرة بين شعرها وأردف و هو سرحان بـ وجها ؛
::- انتِ الطف من زهرهم يا زهرتي ..

••••••••••

مشهَـد 6 :

-:: اخيـرا راح يظـهر الحـق ويبطـل البـاطـل .!!

••••••••••

مشهَـد 7 :

عقچت حواجبي متألمه من حركت ايدي بـ طريقه عشوائي .. لحظات مرت و صوت غريب داهم مسامعي

-:: فلتـت الكانونه ، وينچ ممرضه !!!

اطرافي ترچف برد و چفني ثگيل ما گدرت ارفعه و افتح عيني
حرگت ايدي مره ثانيه بس هل مره چانت متحاوطه كأنو احد ماسكه ..

همست بـ رچفه واضحه :
-:: عوفوني .. عوفونيـي .!!

••••••••••

مشهَـد 8 :

انصدم حرفيا انهار وگع بَـ الگاع يشاهگ وميگدر يتنفس ما مستوعب الي صار .. لحظات واخذواها للمغيسل و هو راح وياهم ..