- بطل يمة بطل رفعة راس ال....(منطقتهم) يمة شهم
وصلت يمة بيدها الجكليت واطش عليه كمت عليه -ازل: صرخت بوجها وخري وخري شدسوين تبجي وتحجي لج يمة اخوج ضحة بروحة اخوج ما خلة العالم تموت هو اجة يفتح العبوة حتى الناس لا تتكتل
ازل: لطمت على وجهي بجزع خالة ليش هو فتحها ليش هو مات جاوبتني بفجر!
- ابطال شهم و..و..(اشخاص ثانين) ابطال جوي يفكون العبوة وانفجرت عليهم كصو واير غلط بيها وية حجيها
لطمت ع وجهي واستوعبت شهم خلص مات شهم استشهد لطمت واصيح
-ازل:لك ليش ليش ضحيت بروحك مو جان المفروض عكب باجر خطوبتك مو جان المفروض تلبس قاطك ليش تلبس جفن ليش تحرك كلبي المن عفتني شلون تروح شلون ابوية ياخذك ضليت اعيط يابة ليش اخذتة
ليش كتلة احفر كبر شهم ليش عفتوني ثنينكم بدت الناس تلتم والشرطة والجيش التمو كومني عمر بروح منتهية خاوية امشي واتلفت بلكي يكوم بلكي يكعد اتوسل
بعمر
ازل:خلي ارجع اكعدة خلي احجي ويا يجر بية ويبجي
عمر:شهم ض استشهد نال الشهادة تمناها واخذها وصلت قريب بيت عمي شفت عمي يركض وجاي علينا وعمر كاعد وتراب الشارع ع راسة ويلطم ع وجهه ويصيح
عمر: راح اخوية راح السبع راح شهم
ومهيمن يضرب راسة بالحايط ويبجي بصوت كل واحد جان ماخذ مكان وحالة وصوتة ودموعة تحجي عنة دقايق واجة ابن عمتي ونزلو من سيارتة امي وديان وايناس وليان واني اشوف امي لصدمتها تحجي عنها وايماس الي مكطعة روحها واديان الي عيونها مورمة وملخة وجهه تقرب عمي ع امي وكلها
حامد:انعام شهم استشهد
امي تبجي بصوت وقهر جاوبت عمي
انعام: راح شهم لحك محمود وراح ضل يكلي يمة ادعيلي بالشهادة واستشهد بقت تصيح وتبجي واحنه هم فقدنا اعصابنه ونهارينه
ضلينا ننتظر الولد الي طلعو وسدو الباب علينا سمعنا صوت هوسة برا طلعنا وراهم ندك ونلطم دفعنه مصعب وصاح بصوت ممبوح من لبجي
مصعب:راح ناخذة نصلي عليه
جانو حاطي بتابوت ولافي بعلم العراق وهو مغمض عيونة وعبالك نايم تقربت عليه بست عيونة وشميتة حيل
ازل: مودع بالله حبيبي بوسلي بابا كلة اني مشتاقتلك اكيد انت راح تشوفة تقربو عليه امي وخواتي ودعنا واخذو وراحو بدقايق بس انكلبت حياتنا راح شهم يعني بعد خلاص مات صدك راح ورا ساعات وبدة التشيع وكلمة لا اله الا الله لا اله الا الله مفتوحة بابنا واحنا منتظري يفوت وفرشتة البيضة ع تابوتة وصينية الحنة
والشموع الي شايلتها خالتي وابو المزيقة الي يدك وجماعتة يهوسون عريس وربعة يشيعونة جانت كل كلمة وكل موقف كفيل بخرابي وانطفائي كل كلمة
أنت تقرأ
تحت الوصايه
Horrorقصه حقيقه - تحديدًا في تمام الساعة 00:00 أكلمكم من أطراف الحياة، افكر بهشاشه حياتي التي فقدتها امام عيني دون عمل شي!لا أخفيكم بأن قلبي يرتجف وروحي تُنتزع مني، دموعي لا تتوقف، روح منهكه قلب ارهقهُ الخذلان والفقد بلكاد احاول لملمه نفسي وتمثيلها على...
part9.
ابدأ من البداية
