جـمـرات نـارهـم

الـبـارت (29)الاخـيـر

وانت وحدك ماعندك سند غير الله تريد اتزوجك واحرمك من الاطفال

سـاهـر ::- استغفر الله استغفر الله لج اني رررررراااااضي وما اتزوج اني راضي ليش ما تستوعبين اني راضي شعليج ما اريد لا زوجة ولا اطفال اريدج سند وصديقة لج صرت حتى ما اگدر اباوع ألج ولا اگعد وياج هواي مثل قبل كبرتي وتححبتي وكل شي تحرم بيناتنا

مـيـسـم ::- بعد اخر كلمات گالهن انهاريت گعدت بالگاع ابچي وامه صارت تبچي وياي مقهورة على وضعي حچيت من بين شهگاتي ودموعي ،،، ما اگدر ما اگدر اسعد نفسي على حساب سعادتك ما اگدر اصير انانية وانتم انطيتوني عمر وحياة جديدة نظيفة

سـاهـر ::- اااااخ منج اااااخ اااااخ هذا عقلج بس يمي يتوقف

مـيـسـم ::- طلع من البيت وهو عصبي كلش ومقهور مني ومن كلامي گمت لغرفتي بسرعة بعد ما طلع گعدت بالگاع بصف الجرباية انهاريت بكل معنى الكلمة بعمري ما بچيت هيج من گلبي حتى من انقتل احس غصة بگلبي كلش خانگتني

شگد بچيت بس ما تقبل تروح احس النفس الاتنفسه يخنگني اكثر واكثر سندت راسي على الجرباية جنت گاعدة بالگاع وبس راسي على الجرباية

فتحت الباب ام ساهر ضلت تباوعلي والدموع تارسة عيونها ضلت تباوع أليه فترة وبعدها طلعت وسدت الباب
ضليت على وضعي فترة طويلة ما اعرف شنو اسوي بس الاعرفة گلبي احترگ وصار رماد بسبب السمعته

اسأل نفسي منو هاي البنية وشلون عرفها وشنو حچه وياها هم شايفها طالع وياها رجعت ابچي وكل شهگه تطلع من داخل گلبي مو بأيدي احبه بس ما اگدر اصير أله

شلون راح انسى شلون اذا تزوجها وجابها هنا يمي بالبيت وگبال عيوني اشوفهم ثنينهم سوه شلون بيه يا ربي اخذ عمري وريحني من هذا العذاب بعد ما اتحمل اكثر من هيج

اندگ باب غرفتي وبعدها انفتح بسرعة اخذت الحجاب من الجرباية وغطيت شعري ما گمت ضليت گاعدة بنفس مكاني دخل للغرفة وسد الباب

وبعدها تقرب للجرباية وگعد بصف الجرباية على الگاع گدامي صار

سـاهـر ::- هاي نظراتج ودموعج توجع گلبي ليش هيج تسوين انتي تعبتيني والله تعبتيني

مـيـسـم ::- شهگت بقوة ودموعي تنزل على خدي بغزارة

سـاهـر ::- اااخ منج اااخ لج ليش هيج ليش

مـيـسـم ::- والله ما اگدر مو بأيدي ما اگدر حرام عليه هيج اجازيك انت واهلك ما اريد اصير انانية

سـاهـر ::- تعالجي لخاطري اذا تحبيني وتريدين سعادتي تعالجي واني وياج خطوة بخطوة