شويـه وخابـر صبيح رفضتـه بقـه يتصل وارفـضه رچعت الموبايـل لسـمر وطلعـت بالحوش باوع علئ السماء
چان اكو بزونـه صغيره نـايمه علئ الحايط ابتسمـت ورفعـت رجليـه تلمسـت ذيلهـا ما احس الا طفرت .
سمعـت صوت باب فتحتـه دخل صبيح سد ضايچ كال ::-
صبيح ::- كاعـد احس روحـي مكتئـب ؟
عنود ::- لا والله
صبيح ::- وداعـت عنچوري .
عنود ::- انـا هم ضايچه مشتاقـه لاخوانـي اخذنـي اشوفهـم .
صبيح ::- استغفرلله يعني احنـا نحچي كردي لخاطر الحمـزه ؟
عنود ::- شبيـك انت ما تحـس بيـه اخذنـي اشوفهـم من بعيـد وارچع .
صبيح ::- دكـومـي خلينـه شويه نتونـس .
رحـت بدلـت بسرعـه خليـت عبايتـي علئ راسي وطلعنـا شغل اغنيـه وبقـه يدنـدن وياهـا ::-
صبيح ::- مو انـت ردت تروح وتتـبره من حبـك ، بكيفـك تره الموضوع يا عمري راچعلك ، ثاري اختلاف وچوه هم تشبه القبلك ، لو نـاوي علئ الفركـه الله يسهلك .
احـس روحي لعبـت من اغنيـه مو حلوه وهذا صوتـه ما يشچع الواحد يسمعهـا صحـت بصوت عالـي ::-
عنود ::- يـمعود كافـي طفيهـا دوختنـيييي عبالك مضروب بوري .
صبيح ::- كبـور تلفچ .
عنود ::- عـليمن تغنـي علئ زنـوبه البربوك طاح حظـك اي والله .
صبيح ::- اكـلي خره زنـوبه مو ذوقـي .
رفعـت حواچبي بـمكـر حچيـت بأبتسامـه ::-
عنود ::- لعد منو ذوقـك ؟
صبيح ::- مادري .
عنود ::- انچب تره اعرفهـا .
صبيح ::- اممم
عنود ::- بس والله خطيـه هيه متريـدك وفوكاهـا تريـد ترچع لامها .
چرنـي بزيچ ثلاثـي الابعـاد بقـه يعفـط باوعـلي وكال ::-
صبيح ::- دولـي هـيه امهـا مزوچه وعدها ولد حتئ ما تريدهـا لو صدك تريدهـا چان سحبتهـا يمها خلينـي ساكـت احسن .
هزيـت راسـي ما عاچبني وصلنـا لـمنطقتنا شفـت فرات واكف بالبـاب ويه ابـن چيرانـه دمعـت عيني حچيت بغصه ::-
عنود ::- هذاك اخـويه .
صبيح ::- شو حلو لعد انتـي شمالچ زركـه ؟
عنود ::- طالـع علئ امي انا اشبـه ابويه الله يرحمـه .
بقيـت باوعلـه من بعيـد وابچي شويه وطلعـت ترفـه شاورت فرات ودخلو نسد الباب شكد تمنيـت ادخـل وياهـم .
أنت تقرأ
المقتص " غراب أسود "
General Fictionان هذا الأمر مرعب و بشع بطريقةٍ تؤدي بي الى الجنوّن ان امشي وسط العالم و لا احد يشعر بداخلي لكن الجميع ينظر لي من دونِ ان يعلمون من انا وماذا حدث لي. لا احد يعلم غيرها هي فقط من تعلم ما ينهار بداخلي لكنها لا تنظر لي . - بقلــمي ::- نور يسري -
الــبــارت 12
ابدأ من البداية
