I MARRIED MY SISTER'S BOYFRIEND (COLD BLOODED LOVE)

Epi 19 [Unicode + Zawgyi]

နိုင်း ကုတင်ကြီးပေါ်ကိုကြည့်လိုက်တော့ အမျိုးသမီးတစ်ဦးက ၀တ်လစ်စလစ်နဲ့ အိပ်ပျော်နေပုံရပြီး သူမရဲ့ ခန္ဓာကိုယ်မှာလည်း အနီရောင်အမှတ်အသားတွေများစွာ ရှိနေသည်။ထို အမျိုးသမီးက သူစုံစမ်းခဲ့တဲ့အချက်အလက်တွေအရ CEO ဒေါ်ယမုံရဲ့ တစ်ဦးတည်းသောသမီး ဂျက်စီကာ ပင်။ နိုင်းထိုအမျိုးသမီးရဲ့လက်ရှိဖြစ်နေတဲ့ ပုံစံကိုကြည့်ရင်း သူ့စိတ်တွေ ဝုန်းဒိုင်းကျဲကာ တိုလာခဲ့သည်။ရာရာစစ သူ့လူနဲ့။

နိုင်းအနောက်ဘက်ကိုလှည့်ပြီး ချမ်းကို သတ်တော့ဖြတ်တော့မယ့် အငွေ့အသက်အပြည့်နဲ့ စိုက်ကြည့်ရင်း ခါးကြားထဲမှာ ထိုးထည့်ထားတဲ့ ပစ်စတို ကို ထုတ်လိုက်သည်။

"မင်းဘာလုပ်မလို့လဲ နိုင်း "

"ခင်ဗျားမြင်တဲ့အတိုင်းပဲ ! "

"မင်းလျှောက်မလုပ်နဲ့နော် ငါ့ရဲ့ သိက္ခာကို ငဲ့ကွက်ဦး "

"ခင်ဗျားရဲ့ သိက္ခာကို ကျုပ်ကို လာပြီးပြောနေမယ့်အစား ခင်ဗျားသာနည်းနည်းလောက်ပိုပြီးသိတတ်ခဲ့မယ်ဆိုရင် ဒီလိုနေရာကိုခင်ဗျားရောက်လာဦးမှာလား ချမ်းမြေ့သာ ! "

"ဖြစ်ပြီးတာကဖြစ်ပြီးခဲ့ပြီးပြီ။အဲ့တော့ မင်းကဘာလုပ်ချင်လဲ "

ချမ်းက အဖြူရောင်သုတ်ထားတဲ့အိပ်ခန်း နံရံဘက်ကိုကြည့်ရင်းရွှင်မြူးစွာပြောလိုက်သည်။

"သတ်ချင်တယ် "

"ဘာ ! "

နိုင်းလက်ထဲကသေနတ်ကချမ်းရဲ့နဖူးတည့်တည့်ဆီကိုဦးတည်လျက်။

ချမ်းကနိုင်းကိုးရာကိုမောကြည့်လာပြီး နားမလည်နိုင်တဲ့မျက်၀န်းတွေနဲ့ အံ့ဩတကြီးဖြစ်နေတုန်းမှာပဲ သေနတ်ရဲ့ တည်နေရာက ချမ်းရဲ့ နဖူးဆီမှ အိပ်ယာပေါ်ကတစ်စုံတစ်ယောက်ဆီသို့ကူးပြောင်းသွားခဲ့သည်။

"ခင်ဗျားကိုကျုပ်ကသတ်ပါ့မလား။ အဲ့ဒီအစား ကျုပ်အပိုင်ကို လာပြီးထိပါးရဲတဲ့ ဒီ တိရစ္တာန်မကိုပဲ သုတ်သင်ပစ်မှာ ဟွန်း "

နိုင်းလက်ညိုးလေးကို ကွေးညွှတ်ခါနီးမှာပဲ အိပ်ခန်းရဲ့ကပ်လျက်ရေချိုးခန်းတံခါးကပွင့်လာခဲ့ပြီး အထဲမှာ ယောကျာ်းတစ်ဦးက ယိုင်တိယိုင်တိုင်နဲ့ ထွက်လာခဲ့သည်။ သူ့ကိုကြည့်ရတာ ပတ်၀န်းကျင်အခြေအနေကို ပိုင်းခြားဆုံးဖြတ်နိုင်စွမ်း မရှိသလို ဆင်ခြင်တုံတရားလည်း ရှိမနေဘဲသတိလွတ်လျက်။