نـجـم شـمـال(رويات ليبية)

حلقة4🔥

رمااح...صدق فيها راابح صددددق رااجل ومن ضللع رااجل ...

جهاد...ومن راابح هذا...

رماح...رااابح هذا صااحب الشاحنه الي جنب الشاحنه متاعك..كان عنده بياتينه ..
المهم المهم ....خليني منه تو تتعرف اعلييه غدوة ..نبييك اتحسن منطقك واسلوبك.مع الصييد لييييك مش لييه..لانه صاااعب ومنقدرش انخوفك منه لاكن ...لو لزم الامر ايلووحك في نص النااار ويخلييك ...
تبي الصحيح والدغري وله...هكي طوول ...عجبتني وشخصييتك صاااعبة...لذلك ..عيينك من روحك يااغالي...الرووح غاالية اهو انقوولك..

جهاد...الخوووف من الي خاالقنا بس اني باايعها وميهمني شي لا صيد لا عبييد ...
طق الباب ...نضت...للفم..فتحته..مدتلي غزلان القهوة..ومشت .التفتت لقييته ..يطااول...ومتحرك من مكانه ..يبي يشبح مني

سكرت الباب برجلي... وخشيت حطيت القهوة..علي الطااولة..

خدى طاسة...واني ولعت الدخان وتكيت نشبحله سااكت ..هو يتكلم...

اني متأكد حتعجبك الخدمه وحيتغير وضعك ..للافضل

واني اندخن وساكت...ونشبحله...يشرب ويتكلم...
ومرديتش اعلييه...

انطفي الدخان انولع تااني...

وهو يتكلم بشوية ومرات يزهق بكلمه عالية... وأني ولا كلمه
شبحت لي ايدي واشرتله علي المعصم... مكان السااعه...
والدخان في فمي... وبالايد التانية اشرتلا ..يلا... وقت ..لييل...

اخر شي فهم علي روحه ..حط القهوة والبشكطي من ايده...وناض..

ايعدل في تشيرته..راقي...

رماح...توة نستأذن ان شالله نشوفك غدوة في المقر ...باذن الله

اشرتلا ..براسي...بمعني بااهي..

وصل للفم...واني الدااخل...طلع وسكرت الباب...

التفت لقيت امي ..واقفة...

جهاد..ياام والله نعسان وكبدي داارها من الحياة..واقفه اهني شوييي وانرجع العمر كله ...

امي... اني معش انكلمك لاكن تمشي طريق عاافنه طريق لحرام نغضب عليك الي يوم الدين

جهاد...اني غااضبة عليا الدنيا كلها يااام

امي.... معناته اني رضاي مدورش فيه

جهاد...مشيت كبيت علي راسها...حشاااك ياحاجه...حشااك...اني ميت من وقت مش توة...لذلك عندي كله زي بعضه الا غضبك عليا منتحملا ارضي انتي وربي  ....انيي رااضي ...

خشيت للمربوعه رقدت فيها...وافكار تعصف بافكاار وترفع افكاار... نتخايل حياتي وين بتووصل .عارف انه خدمتها فيها خييط ممنوع ..واني نبي انجاازف ..نبي نشبح الناس كيف عايشة...

رقدت بين التفكير...والارهاق. من غير غطاء...حسيت علي شرشف...انحط عليا...تحركو عضاامي...ورتخيت نعست...