" ဒါနဲ့ ဒီရက်ပိုင်း မြို့ထဲခိုးဝင်သူတွေရှိတယ်ဆိုတာကရော "
Seungminဟာ သတိရသွားပြီး မေးလိုက်တော့သည်။ ကပ်ရောဂါမြို့ကနေ ဘာကိုလိုချင်လို့များ ခိုးဝင်ရတာများလဲ
" အဲ့ဒါက မနေညကဖြစ်သွားတာပါ ဝင်လာတာတစ်ယောက်တည်း ပြီးတော့သူခိုးဓားပြပုံစံလည်း မဟုတ်ဘူးဗျ လူကောင်းသေးသေးလေးနဲ့ စာပေသမား သခင်လေးလိုပဲ "
" ပြီးတော့ သူ့ကိုယ်သူ သမားတော်တဲ့ "
Changbinရဲ့စကားကို ကောင်ငယ်လေးက ဖြည့်စွက်ပြောပေးလာသည်။ နောက်ဆုံးစကားကြောင့် Seungminတို့ သုံးယောက် နေရာမှာတောင့်ခနဲ ဖြစ်သွားရသည်။
" သမားတော်တဲ့လား "
" ဟုတ်ကဲ့ "
" မဟုတ်မှ ဝါးခမောက်ဆောင်းထားပြီး အဝတ်ထုပ်တစ်ထုပ်နဲ့ တစ်ကိုယ်လုံးအဖြူရောင် ဝတ်ထားတဲ့တစ်ယောက်လား "
" အယ်...အရှင့်သား ဘယ်လိုသိတာလဲ "
ကောင်ငယ်လေးဟာ မျက်ဝန်းများ ပြူးကျယ်ကာ တအံ့တသြမေးလာတော့သည်။ သို့သော် သူ့ကို မည်သူမျှမဖြေအား။ အကြောင်းမှာ Jisungသည် ချက်ချင်း Changbinကို လက်ဆွဲကာ ထိုသူရှိသောနေရာသို့ ပြေးထွက်သွားပြီး Seungminနဲ့Minhoသည်လည်း နောက်မှလိုက်သွားကာ မည်သည်ကိုမျှ နားမလည်လိုက်သော ကောင်လေးနဲ့Chrisတို့သာ ထိုနေရာ၌ ရပ်ကျန်ခဲ့လေသည်။
*********************************
" Yongbokရေ!!! "
" Jisungလေး!!! "
အနည်းငယ် ညစ်ထေးနေသော ဂိုထောင် တစ်နည်း အချုပ်ခန်းအဖြစ် အသုံးပြုထားသောနေရာတွင် လူနှစ်ယောက် တင်းကြပ်စွာ ပွေ့ဖက်နေကြလေသည်။
" စိုးရွံ့မိပါတယ် အရှင့်သား သူကအရှင့်သားနဲ့ သိကျွမ်းမှန်း ကျွန်တော်မျိုးမသိခဲ့ဘူး "
" ရပါတယ် Yongbokကအဲ့လိုပဲ သူ့ကိုသိတဲ့သူနည်းတယ် ဒါမဲ့မြို့ရွာလေးတွေမှာ လှည့်လည်သွားလာနေတဲ့ ဝတ်ရုံဖြူ နတ်ဆေးသမားတော်ဆိုတာကိုတော့ မင်းကြားဖူးမှာပါ "
ထိုအခါ မျက်ဝန်းတွေပြူးကျယ်သွားရသူက Changbinပါလေ။ မကြာသေးခင်နှစ်ပိုင်းတွေက Jongyeongတွင် ဟိုးလေးတကျော် ဖြစ်သွားတဲ့ သတင်းရှိခဲ့သည်။ ထိုသည်က မြို့ရွာအသေးလေးတွေနဲ့ အခြေခံလူတန်းစားတွေကို အခကြေးငွေမယူဘဲ လိုက်ကုသပေးတဲ့ ဝတ်ရုံဖြူနဲ့သမားတော်လေးအကြောင်းပင်။ လိုအပ်သည့်နေရာများတွင် ကောင်းကင်ပေါ်ကကျလာသလို ပေါ်လာတတ်ပြီး ကိစ္စပြီးသွားသည့်အခါ မည်သည့်အခကြေးမျိုးမှ မယူဘဲ ပြန်ပျောက်သွားတတ်လေသည်။ ထို့ကြောင့် လူထုအကြား ဝတ်ရုံဖြူ နတ်ဆေးသမားတော်ဟူ၍ ကျော်ကြားလာခဲ့လေသည်။
YOU ARE READING
Under the White Snow
Fanfictionရှယ်ယာရှင်ဒါရိုက်တာကြီးBahng Christopher Chahnမှ Jongyeong စစ်သူကြီးBangchanအဖြစ် ဝိညာဥ်ကူးပြောင်းသွားပြီးနောက်... အေးစက်တဲ့နှင်းပွင့်တွေအောက်မှာ ထိုလူသားလေးနဲ့ စတွေ့ခဲ့တယ်... ကိုယ့်ရဲ့အဖြူရောင်နှင်းပွင့်လေး...
Ep - 8
Start from the beginning
