نوايا روسم

البارت (1)

شلت الصينيه وهو مبين عليه التعب گوه يمشي
خليت الصينيه بالگاع ورحت اگعد عمران حت ياكل وانطي العلاج

- عمران يمه اكعد اتعشه حت انطيك العلاج

- ماما راسي يوجعني

- اي يروح امك تعال اكل عمعم وتصير زين هههه

گعد من النوم اخذته يم زياد وگعدنه نتعشه واضحك علا سوالف عمران بالعاده من يغمى عليه يبقى طول اليوم تعبان الحمدالله اليوم احسن

گمت من يمهم حت اجيب العلاج من الثلاجه وشلون بيه وي عمران يخاف من ابره الانسولين
اخذت العلاج ورجعت يمهم زياد مد الي ايده وگال انطيني وياشر علا ابره الانسولين باوعت عليه وگلت

- لا اني اسويهه يلا ارفع ردنك

تأفف ورفع ردنه طلع ايده واني سحبت الانسولين بالابره اخذت المعقم رشيت المكان اللي راح انطي بيه الابره
زياد شجاع وما يخاف من الابره هسه شلون اقنع عمران

- شوف عمران حبيبي ما تأذي مثل زياد صير بطل
ورجال قوي شنو تخاف من ابره اصلا ما تأذي شوف حبيبي

احجي وياه واني انطي العلاج الزياد حت ميخاف اجه ودفن راسه بحضني واني حضنته وبسته بخده

ومثل كل مره يخلي راسه بحضني واني انطي الابره خلصت ورفع عينه الي بعيون مدمعه وكال :

- روسم يمته اصير زين راح يصير عمري 8 سنوات ويوميه تگليلي اتصير زين

- اي حبيبي مو الدكتور كال يخلص علاجه ويصير زين انت لا تفكر حبيبي ماشي انشالله تصير زين

روح جيب كتبك وتعال اقريك شنو انطوك اليوم درس؟

- گال المعلم اكتب النشيد مرتين واقراه بالصف وگلي انت يهو يدرسك وهيج شاطر گلتله روري وهو ضل يضحك

باوعت علا زياد خزره وگله

- مرة الثانيه تگله اهلي ليدرسوني خوش ؟؟

- بس هيه مو روري اتدرسني

- اي افهمك اني لكن عيب تگله روري كله اهلي ماشي؟

- اي خوش

زياد لتصيح عالولد ودنگت ابوس راسه وهو باسني بخدي وبديت اقري بيه عيني علا زياد راح للغرفه

خلصت من عمران وخليته يكتب وگمت اغسل الاماعين كملت عالسريع ورجعت اشوف شنو كتب وصحت علا زياد حت يدرس وما رد عليه

باوعت الدفتر عمران وجان انصدم

- شنو هاي ليش هيج كاتب اني مو كلت اكتب عالسطر ولا تروح فوك وجوه شمسوي انت يلا مسحهه وعيد

- ما بيه تعبان انت كتبيلي

- لا ميصير مو المعلم اذا عرف اني كتبتلك راح يحاسبك وينزلون درجتك اكتب احسن الك يا حبيبي لا يجيك راشدي يا عمري انتَ