උණු කිරි කෝප්පයක් සමඟ කේක් තසිමක් අතැතිව සෙහස්නගේ කාමරයට ඇතුලු වූ පියා ගැන ද ඔහුට නොදැනෙන තරම් දුරක ඔහු කල්පනා ලොවෙහි අතරමං ව ඇත්තේය.
සුසුමක් සමඟ කොලුවාගේ උරහිසට තැබූ අතින් ඔහු ගැස්සී යනවා දුටු පියා සෙහස්න පපුවට බඳාගත්තේය.
" ඩඩා... මම මමාව දැක්කා.. "
" මගෙ පුතේ.. " සෙහස්නගේ දිව සිංහල හුරුවට නැවෙන අන්දම දේවනාරායණට ආධුනික විය. බහ තෝරන වියේ පටන් සුදු මිනිසුන් අතර වැඩුණු ඔහුට සිංහල ඉගැන්වීමට පියා ගත් හැම උත්සහයක් ම අසාර්ථක වූ හෙයින් ඔහු උත්සහය ද අතැර දැමුවේය. ඔවුන් නැවත ලංකාවට පැමිණෙන අදහසක් ද නොවී ය. සිය බිරිඳ ඔහුගෙන් ලබාගත් පොරොන්දුව පරිදි ඔහු එහි ම මියැදෙන තුරා වාසය කරන්නට සිතා සිටියේය.
සෙහස්නගේ පෙනුම කාටත් ප්‍රහේලිකාවක් විය. දේවනාරායණ හමුවට ආ විශ්ව විද්‍යාල කථිකාචාර්යවරුන් කිහිප දෙනෙකු කිහිප විටෙකම සෙහස්නගේ නිරපේක්ෂ සුන්දරත්වය පිලිබඳව සිය නිකැලැල් පුදුමය පළ කළේ අධ්‍යන කටයුතු වෙනුවෙන් ඔහු නිරීක්ෂණය කිරීමට අවසර පතමිනි. ඔවුන්ට මිලියන ගණනින් ප්‍රධානය කෙරුන ද දුර දක්නා නුවණක් හිම් හෙතෙම එම ඉල්ලීම් වලින් කම්පාවට පත් වූවා විනා කිසිවකට එකඟ නොවීය. සිය බිරිඳ මෙම ඉල්ලීම්වලින් කලබල වූ තරම දුටු ඔහු ඈ නොවෙහෙසනු පිණිස දරුවා සමඟ ඈ ලන්ඩන්වලින් මදක් දුරබැහැර ගම්බඳ ජනශූන්‍ය පෙදෙසක පිහිටි විසල් මැදුරක් මිලඳී ගෙන එහි පදිංචියට රැගෙන ගියේය.
YOU ARE READING
සියපතක රොන්සුණු ( Completed | BL | Non FF | Sci-Fi )
Science Fictionමේක චැලේන්ජ් එකක්... ඉවසීමක් තියෙන කෙනෙකුට විතරක් ම රසවිඳින්න පුළුවන් වෙයි කියල හිතනවා මම.. ඉවසීමක් නැත්තම් අත නොතියන තරමට හොද පොතක් 🤍 Science fiction / Romance ************* " .............. ඉතින් සත්තුන්ගෙ පඩි හැලෙන එකට මං මක්කරන්නද? " " උ...
