وردة هارون

5

الخدامة : مرحبا برجوعك موسيو هارون.

اومأ ليها براسو وزاد و انا و عويشة تالبعينو بقا كيدوز فصالونات حتى وصلنا لواحد لبلاصة فيها طاولة طعام طويلةةةةة طول من حياتي جالسين فيها بزاف ديال عباد الله واش خونا رئيس دولة غير دخلنا كلشي دار شاف فينا من لكبير لصغير اححح قلبي كلشي هنايا تيتيز ولكن لموسيو ديالي حسن صافي ناضو بقاو يسلمو عليه بشوفق و كيشوف فيا انا و الوليدة بإستغراب واحد ختنا باينة فيها مهلية فرايها مع هي باينة كبيرة فالعمر شيرات لينا بعينيها وهي كتشوف فهارون خنزرت ف السيدة هاد ناس لفولس عاجبهم راسهم.

هارون : هادو الضياف ديالي غادي يبقاو معانا هاد ليلة حتى يجي ولد لالة عيشة و هادي بنتها وردة.

لمرا طلعاتنا و هبطاتنا حنا راه كنا لابسين مزيان حتى حنا خانزين فلوس الوليدة ضاربة واحد الجلابة كلاسسس بغات تفقس عمتي حيت جاية طل حتى هي على جدة غادي تكون وصلات عندها.

مدام حنان(مدات يديها لماما) : مرحبا بيكم انا الأم ديال هارون مدام حنان.

عيشة(شدات ليها يديها و جاتها عندها تسلم بالوجه سيدة تخنقات) : انا عيشة معرفتش واش نقول مدام حيت راجلي مات اللله يرحمو و هادي بنتي مدام وردة.

وردة(شفت فيها) : مالي فوقاش كنت مدام دغيا لسقيتيني فشي بوركابي اعويشة.

جاتني لحضة ادراك هدرت بجهد بقاو كيشوفو فيا شي حابس الضحكة شي مصدوم شي طلق الضحكة و لموسيو ديالي كيشوف فيا داير ابتسامة خفيفة دغيا جمعها و شدني من خصري و جرني عندو و هدر بشوية فودني.

هارون : من ليوم نتي مدام وردة حبيبة هارون.

خونا شدد على سميتو وبعد متاجه لديك الطاولة الطويلة و ترأسها انا تصدمت بقيت غير كنشوف فيه و كلشي مصدوم ضرت شفت فعويشة كنت كنقول غادي نلقاها مغزفة عليا ضربها ليا بنتفة قدام هاد أمة محمد ساعا سيدة كتفرنس بوحدها الضحكة واصلة ليها حتى لودن ولاحضت بلي واحد المرا كبيرة شعرها كامل شيب باينة تكون فبداية السبعينات شافت فيا بواحد الضحكة بشوشة هضرات.

الحاجة زهرة: مرحبا بكم ابنتي تفضلو تعشاو زارتنا البراكة.

صراحة انا حشمتتت ولد العبد دار ليا داك الموقف قدامهم معرفت فين نرض راس ولكن فنفس اللحضة فرحت شي حاجة تحركات فالداخل ديالي هاي هاي حتى انا غادي نعيش شي قصة من قصص حكايات سناء صافي گلسنا انا و ماما جات واحد الخدامة زادت جوج ديال الأطباق واحد ليا واحد لماما كان كلشي كيتعشي فصمت حتى شفت وحدة تكون كبر مني فديك العشرينات من عمرها بنت غزيولة كتشبه شوية لموسيو ديالي مقطعة شعرها قصير واصل من تحت ودنيها بشوية كل دقيقة كتبعد قصتها لي كتغطي على عينيها لاحضات بلي حتى انا كنشوف فيها وهي تهضر باش تحيد داك الجو ديال السكات.

كنزة: سلام اوردة غير من سميتك يبان العربون مرحبا بيك انا كنزة اخت هارون.

وردة: ترحب بيك الجنة اختي.

كنزة: شحال عندك من عام.

وردة : كملت 17 لعام.

شفات گاع النضرات عليا هي راه بصح مكاتبنانش فيا مع ختكم لاطاي و داكشي و السالف ههه ماعلينا حسيت بالموسيو ديال حتى هو حاضيني حتى نطقات نفس البنت.

كنزة: ابون مازالة صغيرة تبارك الله هي شديتي لباك.

يا الله جيت نجاوبها بأداب و الصواب و داكشي وهي تنطق عويشة مفسدة اللحضات رقم جوج كون غير بقات مع ولدها جات تشوهني مع عائلة لموسيو.

عيشة : مجابتو حتى شيباتني وانا فعز شبابي.

ويلي ويلي على شوهتي ياككك اعويشة مكرهتش نقرصها ولكن غادي تصخط عليا و ناكل قتلة من عندها و من عند ولدها درت ضحكة صفرة بقاو هوما كيضحكو.

وردة(كنهضر من تحت سناني و انا دايرة الضحكة الصفرة) : ياك اعويشة مكتهناي حتى تشوهيني تبقاي ضحكي فيا عباد الله

شداتني طلعات ومعايا واحد القرصة متبغيهاش لعدوك نقزت فبلاصتي كانو كبار العائلة كيتجمعو اما الشباب هوما لي لاحضو لموقف تشوهت قدام ناسي مزال حتى ماقلت بسم الله بقيت منبرد فالدقة الحمدلله مغوتش صافي سالينا تجمعات الطبلة قلت صافي غادي نوض نمشي نضربها بنعسة ساعا معامن قالك غير كيساليو العشة كيمشيو كيگلسو فالصالون يشربو قهوة مشيت حتى انا تابعة هاد الحشد نص سكان المغرب عايشين فهاد لقصر صالون كان مغربي مئة في المئة گلست حدا نبع الحنان حتى نطقات واحد الزعرة عينيها زورق باينة فيها فأوائل العشرينات صراحة الحق يتقال البنت قرطاسة بومبةة انا بنت و تزعطت فيها.

كاترين : احم وردة شنو لعلاقة ديالك نتي و هارون واش أصدقاء.

جيت نجاوب ساعة سبقاتتي عويشة باينة الزغبية غادي تشوهني.

عيشة: أويليي على أصدقاء ولدكم راه داوي فبنتي.