Unicode
"မဟေသီဘုရား "
နန်းနွယ်က မဟေသီဘုရားကိုဘေးနားကတွဲလာပြီး ခစား၏။သူမအနေနဲ့ ဧည့်ခန်းမဆောင်အတွင်းစကားဝိုင်းမှ နေနတ်ဘုရားအရှင်သခင်ရဲ့သဘောထားကို ရိပ်မိတာမို့ ဆက်လက်ပြီးဘာဖြစ်မယ်ဆိုတာကို သူခန့်မှန်းလို့ရနေပြီဖြစ်သည်။ သူမ တင်မဟုတ်မဟေသီအရှင်ပါ သိနေပြီးဖြစ်မည်။
"နန်းမြကို ကြိုတင်ပြင်ဆင်ဖို့ လှုံ့ဆော်ခိုင်းထားလိုက်ပါပြီ "
"အင်း..."
မဟေသီဘုရားက တည်ကြည်တဲ့ အသွင်အပြင်သာရှိပြီး သူ့မှာ ဤဖြစ်ရပ်ကြီးအပေါ် အဖြေရှိသည့်ပုံပေါ်လေရာ နန်းနွယ်အဖို့ အနည်းငယ်တော့ စိတ်အေးမိသည်ပင်။
"ငါတို့တာ၀န်က စစ်သူကြီး နှစ်ယောက် သူတို့ရဲ့လုပ်စရာရှိတာတွေကိုလုပ်ပြီးတဲ့အထိ ကြားထဲမှာ တောင့်ခံရုံပဲ၊"
"မီးနတ်ဘုရားသခင်ကရော မဟေသီဘုရား"
မဟေသီဘုရားက နန်းနွယ်ကိုလှည့်ကြည့်ရင်း ပြုံးပြလေသည်။ ဤအပြုံးရဲ့ အဓိပ္ပာယ်ကသိပ်ကို နက်ရှိုင်းပြီး သိမ်မွေ့လေရာ နန်းနွယ်တစ်ယောက် ကျက်သီးပင်ထသွားပြန်၏။တစ်ပြိုင်နက်မှာပင်ညထုတ်ဖော်ပြောစရာမလိုပါဘဲ သဘောပေါက်သွားတော့၏။
********************
နန်းဆောင်တစ်ခု၏ ကုတင်ပေါ်တွင် ချောမောပြီးတည်ကြည်သည့် လူရွယ်လေးကအိပ်မောကျနေပြီး ပိုပြီးသေးသွယ်သည့် အလှလေးတစ်ယောက်ကလည်း ထိုအခြင်းအရာကိုစောင့်ကြည့်နေ၏။သူ့ရဲ့မျက်၀န်းအိမ်တို့ကအဓိပ္ပာယ်ဖမ်းယူရန်ခက်ခဲပြီး တစ်စုံတစ်ခုကိုရတက်မအေးဖြစ်နေပုံပေါ်ပြန်သည်။
ရုတ်တရက် ကုတင်ပေါ်တွင်အိပ်မောကျနေသည့် လူရွယ်လေးက အနည်းငယ်လှုပ်လာပြီး မျက်၀န်းတို့က ဖျတ်ခနဲ ပွင့်လာ၏။
"အဓိပတိ ! "
မတ်တပ်ရပ်နေသည့် လူငယ်လေးက စိုးရိမ်တကြီးနဲ့ ကုတင်ပေါ်က အဓိပတိရာဇရဲ့ နှဖူးလေးကို ထိကြည့်လိုက်သည်။ ဆေးစွမ်းပြယ်နေပြီ။ စိတ်စွမ်းအားတို့ကလည်း နဂိုအခြေအနေပြန်ရောက်နေပြီ။
YOU ARE READING
ထိပ်သီးနတ်ဘုရားတစ်ပါး၏အမျိူးသားမဟေသီအဖြစ်တက်လှမ်းခြင်း [COMPLETE]
FantasyWhat's going on with savage male empress Ru Ru from heaven ? MAHARVERSE SEASON 2|| START DATE - June 26 2023 END DATE - May 9 2024