عند نزار .. حضرت فاتحة مروة وكان أصعب وقت يمر عليّا .. روحت بأسيا للحوش وركبت من غير مانتكلم مع تهاني نهائيا 💔 كنت حاس بوجع في قلبي مش قادر نوصفه خشيت للفراش وحطيت راسي علي المخدة 💔
وتنهدت بوجع ....
مدام انقريت فاتحتك مالنا في الصوب نصيب ..
عدّي من قلبي سامحتك .. تكفي الذكري يالحبيب ..
مدام خذنّك الأقسام ... لا طال غلانا ولادام ..
نكتب في صفحة الأيام .. حبّك كان أطيب من الطيب ..
ودّي يبقي هاني بالك .. في بيتك مابين عيالك ..
ومتمنيّ الدنيا تزهالك .. الله غالب ماصار نصيب 💔..
قربت منّي تهاني وضمنتني من الخلف وقتها نزلو دموووعي زي النار علي المخدة .. تهاني حاسة بمشاعري تجاه مروة وعاارفة اني مافكرتش نتزوجها لا نعبر علي مشا عري تجاهها لاني مانبيش انخون عشرتي معاها ♥️ ومانبيش نخسر بخاطرها .. احتوتني وكانت سندي .. كانت هيا الجرح والدوا بالنسبة ليا .. اقتنعت مع الوقت إن مروة قدر باش تكون ذكري حلوة في حياتي وانا قدر ليها باش نكون المنقذ ليها ونقعد في بالها♥️وبهكي تقوت علاقتي بتهاني اكثر ..ومروة قاعد على تواصل معاها وكل فترة انكلم فيها أنا وتهاني وادم ونحكوا معاها فيديوا بعد فترة حملت تهاني وجابت بنوته حلوة وسميناها مروة ♥️ مروة اللي كانت بصمة وذكري حلوة في حوشنا كله♥️
~~~~~~~~~~~~~~~~~~~~~
بعد تلاثة شهور🍃 ...
مروة : حبيبي هيا تعالا جنبي بنرقدوا
فؤاد : تي باهي وانتي تنقي 😒
مروة : طلعتلك انّق توا😒
فؤاد : واتمدد على السرير جنبي وأحلى من ينق والله ..هاتِ بوسة 😁
مروة : فؤااااااد بطل 😒 عندي ليك خبر 😁
فؤاد : شن في 🤨
مروة : غمض عيونك😁
فؤاد : ها ..
مروة : أنا حامل 🥺
فؤاد : ااااااشني 😦😦 اووووووووووو وقامني وقعد يجري بيا من الفرحة ♥️♥️♥️
مروة : هااااا بتطيحه انت 😂
فؤاد : شن شادتيه في غمرك باش يطيح😂
رن فونه🍃..
مني هذا يتصل في الوقت هذا ..
فؤاد : عامر زعما شن يبي توا !!
"عامر صديق فؤاد هلباااا وتقريبا أقرب واحد ليه يعرف عليه كل شي وهوا مشي مع فؤاد لتونس ولألمانيا لما ماما مريضة "
...
فؤاد : أيوااه
عامر : ها فؤاد ان شاء الله مش راقد بس ..
فؤاد : لالا ياغالي مزال ..
عامر : نبيك في موضوع ماقدرتش نحكيه معاك قبل ...
فؤاد : شن في ياخوي شغلتني ...وطلع كلمه برا
.....
....
...
فؤاد خشلي يضحك ودموعه في عيونه : خبرين في نفس اليوم أحلى خبرين في نفس اليوم 😍😍😍😍
مروة : خيرك شن في فرحني معاك 😁
فؤاد قامني مرة تانية : فرحاااان ياعيوني طااااير ..
مروة : حطني خيرك على القيمان اليوم😅
فؤاد : ماهو عارفك بتسمني ومعاش بنقدرك😂
عاااامر عمووور صاحبي تزبطيه والللاه
مروة : ومن مايعرفاش
فؤاد : يبي سااااااارة عاااااامر بيتزوج سااااارة لما عرف إنها قاعدة بنت قالي أنا من قبل نبيها ومدامه هكي صار لو توافقوا غدوة بنجي نخطبها ..وأخيرا بنقدر نفرح ونرتااااح 😍😍😍
مروة : بالحق تتكلم فؤاد😥 ..فرحتني والله😍😍😍عامر مافيش منه♥️
فؤاد : إسمعي كلميها توا زعما ترفضه ..
مروة : مستحيل ترفضه ارقد متهني 😂 وغدوة نكلمها ..
فؤاد : لالالالا مريوتي بالله عليك قالي رد عليّا .. كلميها وماتقوليش انا جنبك ..
مروة : باهي 😂 اتصلت بسرو فيديو ..
مروة : اه ياحلو
سارة : خير ياماما قاعدة مارقدتيش😂
مروة : بلا جو زايد 😅 .. من الاخير نبيك في موضوع باختصار ..
سارة : شن في ..
مروة : عرفتيه عامر صاحب فؤاد ؟؟
سارة : ايه عرفته خيره😅فؤاد جنبك
مروة : لالا ساهر مع الولاد 😅
سارة : هذا باش متصلة 😂 خيره عامر كملي ..
مروة : غدوة بيجي يخطبك ٠..
سارة : شني😍😍😍😍😍عاااامر الحليوة هدااااكا
مروة : ايواااه الحليوة😂
سارة : حي عليا بيغمي عليا من توا .. الحليوة هداكا. بيولي راجلي😍😍😍😍
مروة : 😂😂😂😂😂😂
خذي مني فؤاد التلفون ..
فؤاد : صار حليوة صار😂😂
سارة :😳😳غطت وجهها بالمخدة وسكرت على طول وماتت بالضحك على روحها 😂😂
مروة : 😂😂😂
فؤاد : خلي انكلمه انقوله ياحليوة موافقين عليك 😂😂
....
....
..
جي عامر خطب سارة اللي كان حاط عينه عليها من قبل ماتتزوج فؤاد ♥️ بابا وافق على طول لان عامر معروف من قبل وخصوصا وقفته مع فؤاد في مرضت ماما .. وحدد العرس وكاااان طاااير من الفرحة وسارة مش غير طايرة بالفرحه نحس فيها نجنت مرة وحده😂♥️ بدت تكلم فيه وكل يوم يتعلقوا ببعض أكثر ربي رزقها وعوضها بالنصيب اللي تمناته شخص يحبها هيا وبسسس .. محترمها وحاطها في عيونه (اكثر شي يعذب المرا وينقّص شبابها انها تكمل مع راجل وعارفة قلبه مع غيرها .. ومن ترك شيئا لله عوضه الله بشي خير منه )
... حددو عرسهم بعد 6شهور .. وقتها أنا بطني بادية تكبر في السادس درناه عرس بسيط جدا أقرب المقربين بسس أساسا بعد اللي صار أغلب ناسنا سيبونا واحنا اكتفينا بناس محدودين جدا .. عميمة سامحتني في عرس سارة واقتنعت ان كل شي يصير بتسخير الله مش بإيدنا ..
فؤاد دار لسارة أحلى زفة وهدالهم سفرة لتركيا ♥️ كان فرحان لسارة بعامر وفرحان لعامر بسارة ... الزوز طيبين ويستاهلو بعض ♥️
...
..
............
بعد تلاثه شهور ...
مروة : فؤااااااااد خلاااااص😢 معاش نقدر وربي بنموت ..
فؤاد : هيا حبيبي شوية ونوصلو 😥
فؤاد : هي مريوة انزلي ومد ايده😥
مروة : مش قادرة نوقف على رجلياااااا خلاااص 😭😭😭
فؤاد : موليّة زي البرميل ياهميّ شن بيقيمك 😣
مروة : 😅😅😅 تتسهوك عليا ... اااااااه
فؤاد : هي تعالي هي خلي الولد يجي ويلقى بوه ظهره مكسّر 😣 وقامني♥️
خذوني منه الإسعاف ..
مروة : كلّم سارة واسيا بالله عليك يجوووني توا 😭😭😭😭
الحلقة الأخيرة .. العوض الجميل ❤
ابدأ من البداية
