" အင်း "
.....
" မမလှိုင်တို့ ရောက်လာတာ စောသားပဲ။ရတီတို့က
မမလှိုင်တို့ နည်းနည်းနောက်ကျလောက်မယ်လို့
ထင်နေတာ... "
" တမင်ကို စောစောလာခဲ့တာ ညီမရတီရေ... ကလေးတွေရော၊လူကြီးတွေပါ စကားပြောလို့ရအောင်လေ "
" အင်း ဟုတ်တာပေါ့။ဧည့်သည်တွေလည်း သိပ်မရောက်တော့... အစ်မပြောသလို စကားပြောလို့ရတာပေါ့။ဒီဘက်မှာနားမှာ ထိုင်ပါ အစ်မ။အစားသောက်တွေနဲ့လည်း နီးတယ် "
ဒေါ်မြရတီ မကြာခင်တော်ရတော့မည့် ခမည်းခမက်မိသားစုအား... ဧည့်ဝတ်ကျေပွန်စွာဖြင့် နေရာထိုင်ခင်းကို ပြပေးရင်း... ခပ်လှမ်းလှမ်းမှာ သူငယ်ချင်းမိန်းကလေးတွေနဲ့ စကားပြောနေတဲ့ သမီးကို အနားလာဖို့... ကောင်မလေးတစ်ယောက်ကို ခေါ်ခိုင်းရသေးသည်။
" သားတိုက်လည်း ထိုင်လေ။သမီးက သူ့သူငယ်ချင်းတွေနဲ့ စကားပြောနေလို့ စောနကလေးမှ ရောက်လာတဲ့ သူ့ကုမ္ပဏီဝန်ထမ်းတွေနဲ့ သတင်းဌာနက ဝန်ထမ်းတွေရောက်လာကြလို့ ဧည့်ခံနေတာ။သူလည်း ခဏနေရင် လာပါလိမ့်မယ် "
" ဟုတ်ကဲ့ ရပါတယ် အန်တီ "
" မာမီ "
" လာ... သမီး "
" အန်တီတို့ရောက်နေတာ ဝတ်ရည်မသိလိုက်ဘူး။
အားနာလိုက်တာ "
" မိသားစုတွေပဲဖြစ်တော့မှာကို ဘာအားနာစရာရှိလို့လည်း သမီးရယ်... "
တိုက်,မှာ မာမီ့စကားကို ဘဝင်မကျဖြစ်သွားရသည်။ဘာကြောင့်ဆို မာမီ့စကားက တစ်ဖက်မိန်းကလေးကို တမျိုးအတွေးတွေ ဝင်စေတယ်လေ။ကိုယ်က သဘောမကျလို့ပါ အပြီးအပြတ်ပြောထားတာကို မာမီ အခုလိုတွေပြောနေတာက
တစ်ဖက်မိန်းကလေးအပေါ် မျှော်လင့်ချက်ပေးရာလည်း ရောက်တယ်လေ။
" အဟင်း "
ယောက္ခမလောင်း၏ စကားကြောင့် ဝတ်ရည်,သည်
ရှက်ပြုံးလေးနဲ့ရယ်မိသည်။ကိုတိုက်ကိုလည်း မသိမသာခိုးကြည့်တော့ ဝတ်ရည်ဆီမှာ အကြည့်ကရှိမနေတာမို့ နည်းနည်းလေးတော့ မကျေမနပ်ဖြစ်သွားရသည်။သို့ပေမဲ့ ကိစ္စမရှိ။ဒီလူက မကြာခင်မှာ ဝတ်ရည်ပိုင်ဆိုင်ရာ ဖြစ်လာတော့မယ့်လူမလား။
YOU ARE READING
ခြွေညို့နိုင်လွန်းသူ (or) ဖိုက်တာလို ချွေးမ
Romanceဦးနဲ့ ချာတိတ်ကိုမှ ယောက္ခမနဲ့ပါ ဖိုက်တဲ့ ချွေးမလေးပါ😊
Part 3
Start from the beginning
