هِلال .

أَلشَطر أَلتاسَع✩.

حُر :"شنو قصَدك لعَددد ,يَلا أَحچَي !"

آزاد :"أني أعَرف يَوسف كُل الزيَن وأَدري هَو مَا يسَوي هَيچ شي تمام ,بَس چان قصَدي تنتبه يمكّن أندريه حَاط واحَد يلعَب عَليك وانته ما تدّري "

حُر :"لا ,لا تخاف اني كُلشي أَدرري!"
كِمل صَياح وعَافهُم وطِلع

بقىٰ كرم يعَاتب آزاد :
"هَاي شبيك آزاد ليش هَيچ تحَچي ويا ؟"

آزاد :"ترا مَا حَچيت شي غلط هَو تخبَل مِن وحَدة "

كرم :"أنته تدري بَي يتحَسس مِن هَالمَوضوع بَعد شكو تفاتحَه بي ؟"

آزاد :"شعَرفني عَبالي تخطىٰ"

كرم :"شيتخِطه خويَة ,شمَا تعَبر عَلى المَوضوع سَنين يَبقىٰ أَثرة شنو اليَمسحَه؟؟"

وشم بَگلوبَنا يُبقىٰ الحَچي .
جَيب اليَمسحه؟؟!

ـــــــــــــــــــــــــــــــــــــــــ

هِلال ...
گاعَدة ويَا أُمي اليوم مَشتغلة مُحاضرات مِن الصَبح عِن الأَدب والأَخلاق ولازم أَسمَع الكلام ومَا أَتجاهِل يَوو .

"مَا يصير تبقين بَرا لوكِت مَتأخر وفوگاهَا أني مَا أَدري بَيچ ويَن رايحَه وأَتصَل عَليچ مَا تجاوبيني شِنو مِن تصَرف هَذا ؟ "

هِلال :"بَدون قصَد يمه"

"والچَذب ؟؟"

هِلال :"شوكت مَچذبةة!!"

"هَو انتي شوكِت گلتي شي صِدگ !"

هِلال :"يَمهه شنو السَالفة ترا مَا أَچذب گتلج آخر مَرة ليش مَا تصَدگيني !"

"هَايهيه مَصدگتچ بَس بعَد مَا تعيدين كُل هَاي الشغلات!"

هِلال :"حَااضرررر "

رحَت عَليها حَضنتها وأَخيراً تصالحناا اني وأُمييي ,راحَت للمَطبخ تطبخ واني لحَگتها أَمَشي وراهَا ويَن ما تروح نفس البَطة :

هِلال :"يمه عَادي أَروح يَم يَسُرر؟"

ذبَت الخاشوگة مِن أَيَدها وإلتفتتلي :
"هَا بَدت رحَمه الله ؟"

هِلال :"لا والله بَس أَروح يَمها شويَة لٱن مَزاعلتِني بعدهَا أَريد أَراضيهَا بَس شويَة وأَرجَع هَيچ شويَة شويَة" سَويت بأيَدي شكّل دائِرة صَغيرة وهَي مَا حَچت راحت ورحِت وراهَا :"هَا يمه شگلتي"