دمـــــــاء الـــــخطــــيئـــــة | THE BLOOD OF SIN

Part__15

بيترا : مالك ماعاجبك حال ياك لاباس ..

كاميلا : (شافت فيها لثواني و نطقات) الى قولتلك تيقيني ..

بيترا : طبعا .. على فين عمري كذبتك ..

كاميلا : واخا سمعي .. واش فخبارك شكون جا هاد الصباح ..

بيترا : (بتساؤل ) شكون ...

كاميلا : إلــــــــيــــــانــــــــور ...إلـــيـــانــور رجعات ..

بيترا : (بصدمه ) القوادة .. مايمكنش ..

كاميلا : يمكن ..

بيترا : و دابا فين هي ..

كاميلا : راها عندنا ..

بيترا : و ديابلو ..

كاميلا : خليتو تما معرفتش ا شنو دار ݣاع ..

جات تكمل هدرتها و هي تلمح نينو .. خدام معاها جار معاه السياح من موراه ... وصل عندهم و دار ابتسامتو المتعوب عليها و نطق بأنوثة

نينو : بناتي الغزالات .. بناتي الأميرات جبتليكوم الجديد .. الناس جايين من فرنسا للمنتجع ديالك .. .

كاميلا : ( بميوعة ) منين دبرتي عليهم ثاني ..

نينو : (هز يديه و ضمها عند صدرو و تغبن ) ياك .. ياك اداك المهتوكة .. دابا انا .. ناثان ابيل .. كلي بطولي و عرضي غادي ندبر فيهم ... راه كنكون ݣالس فداري حتى كيجيني التيلي .. نينو نوض راه عندك سياح لكاميلا ..

كاميلا : اييييي .. ضرني خاطري عليك .. (شافت فالسياح ) كيفهمو الاسبانية ..

نينو : (بميوعة ) باش غادي نعرف كنت عايش معاهم ..

كاميلا ميقات فيه و شافت فالسياح و نطقات ..

: السلام .. مرحبا بيكم عندنا .. اش حب الخاطر ..

نطق الكبير فيهم : عفاااك بغينا ثلاثة د الجناحات يكونوا كيطلو على البحر .. و المناظر الزوينة اللي فسانتا مارتا ...

كاميلا : مرحبا .. بطاقات التعريف الله يخليكم نكملوا بعض الإجراءات..

عطاوها البطاقات و بدات كتسجل معلوماتهم فالحاسوب الخاص بالاستقبال .. هزات عينيها شافت فيهم .. منين لاحظات الاسم العائلي ديالهم مختالف .. حنحنات و نطقات

كاميلا : عفاك واش من عائلات مختلفة

نطقات واحد البنت زعرة : ايه .. غي فرحلة استكشافية...