فاتنة الآسر 🔞🔥

part:05

عينيهم بقاو لثواني مفيكسيين فبعضهم وهو مرسومة على شفايفو ابتسامة خفيفة ، لأول مرة غيدقق فتفاصيل وجهها عينيها كبار وسوادهم مميزهم.. شفيفاتها منفوخين بطريقة جذابة .. وهي كتشوف فملامحو الرجولية والحرشة ، شعيرات خفاف نازين على عينو ولاخر طالع الفوق ..

حسات على راسها ، وقفات بالزربة : احم شكرا..

أيوب غمزها ، ودور فعينيه كيقلب : فين مرت خويا ؟

دعاء : باقا الفوق ..

أيوب خربق ليها فشعرها ، حتى ضرباتو ليديه : واااالخرااا جمع يديك..

أيوب قرب منها : غتجمعي فمك ، راه باقي مانسيتلكش داك الصبع اللي عطيتيني داك النهار..

دعاء نفخات عليه وهزات قفطانها ومشات قدامو : يخخخ على بنادم شحال عايق..

أيوب بقا كتبعها كيشوف القفطان كيف جاها لاصق بحال شي حوتة كتبان وسطو ضحك ومشا عند أمين وباباه ....

عند فيروز..

كيقادوليها آخر اللمسات ، لابسة قفطان فالاخضر، وماكياج ترابي هادئ كتبان قنبوووولة .. شعرها مطلوق على راحتو ، ودايرة كوليي من الدياموند مزين رقبتها ووحلاقاتو نازلين شوية ..

طلعات ماماها تشوفها ..

جنات بإعجاب : ماشاء الله عليك ابنتي جيتي كتحمقي..

فيروز بتاسمات ليها : عويناتك ..

جنات طلبات من البنات اللي معها (النݣافات) باش ينزلوها ..

لتحت ݣاع المعزومين وصلو ، أصوات الموسيقى والأغاني مطلوقين بصوت عالي ..للحظة حبسو وبداو النݣافات كيصليو على النبي ويغنيو ..

كلشي شاف لجيتهم وگاع الأعين تاجهات لفيروز ، اللي جات زوينة بلا قياس ، زينها فتان وكلشي سها وتاه فيها .. ݣلسوها فداك الݣليسة ..وهي كتحس بإحساس فشكل ، قلبها كيضرب وبقا مترددة فهاد الزواج ، حايرة واش تكمل ولا تهرب من هادشي كامل وترجع منين جات..

جاو الناس كيباركو ليها ، ويتصورو معها وهي عاطية الخاطر وخصوصا ان الصحافة حاضرة وكلشي كيتصور بالتفاصيل والتدقيق..

علات أصوات الموسيقى من جديد .. وطلقو الشعبي من بعد وصية من دعاء اللي باغية غي تشطح ..

قربات للوسط وبدات كتشطح وتغني مع الموسيقى ، مشات العالم آخر غي مؤخرتها اللي كتلوز خلات كلشي كيشوف فيها وكلشي باغي يتقرب منها .. أيوب اللي كان مع واحد البنت كياخد النمرة طلع عينيه ، شافها كتشطح وكلشي كيشوف فيها .. ماتسوقش ولكن جاتو على الݣانة ..

خلا داك البنت ومشا لجهة دعاء ..

أيوب عيط ليها وهو قريب منها : دعاااء..