يوميات فتاة السرطان

chapter30♤

والدهه يباوع لامها:يلا ايناس احجي
تدنك امها ومتجاوب
يباوعلي ابويه بمعنی احجي انتي
اميره:ماما شبيج حبيبتي قلقانه من شي..شنو الحفله معجبتج؟ مراضيه عن زواجي؟
الام:لا لا بالعكس تخبلين فدوه لكلبج..بس اني
اميره بدون صبر:شكو يوم حاجيني
الام:اني حاسه لا مو حاسه متأكده انو اني جبرتج ع الزواج..
بس والله من خوفي وحرصي..ردتلج الاحسن
اميره تنزل يم رجليناتهه وتبوس اديهه:اخر شي اريد اسمعه منج واخر شي اريدج تحسين بيه هو هالشي..انتي ام والج الحق ، انتي فَوقتيني
تبوس راس ابوهه وامهه ويغمروهه بحنانهم وتصعد غرفتهه الساعه 1 بعد مخلصت ساعتين متواصله وي اهلهه وحمودي ..تعبانه مرهقه تريد تنام تلكه الوسيم منتظرهه
اميره تفتح الباب وتكمز:يومه...عزه خوفتني
رضا :زين اتذكرتيني جان عّفنت
اميره تفتحله الباب :بالمناسبه..يلا بره اريد انام
رضا يكوم:لا بربج..
اميره ترجع خطوات وره:رضا خليك بمكانك دا احذرك
رضا يضحك: شتسوين مثلا
اميره:اعيط وابجي
رضا يرفع اديناته باستسلام:انزين بس تعالي نامي يمي
اميره:ليش؟
رضا:اخاف..
تتقرب وتنام يمه بصعوبه..يشبكهه بدون سابق انذار وبقوه تستسلم وينامون بسرعه من التعب .
بعد شهر ..
خلص شهر العسل..خلصناه بتركيا
وباقي عليه اناقش بحثي حتی اخذ الماستر
رضا كان اقرب شخص بالنسبه الي..سندني ووقف بجانبي باصعب اوقاتي..لمن كنت اجي هلكانه من التعب الكَيه مسويلي الاكل، لمن ابجي بسبب درجه او ارهاق هو الوحيد الي واساني لمن انام بالليل علی محاضراتي الكه ايده الحنونه علی جتفي وكوب القهوه بايده الخ ..صار يفهمني بلا ما اتكلم

اكيد حتسألون ..انتو متوافقين؟
بلي كولش
طيب والابراج؟
اسويلكم flash back
ام ذاك الخاتم الذي يعتصر بنصرها..
في اليوم التالي تستيقظ اميره علی صوت اشعار الابراج اليومي ..تتذكر الابراج ...هل هذي تفاهه؟ لا معنی لها؟ هي لم تجرب رضا بعد..ماذا لو تغير بعد الزواج وظهر ذاك الحمل الجامح؟!
تتوجه للاسفل تتجاهله تماما ..لوهله ارادت ان ترمي الخاتم في وجهه..يلاحظ التغير المفاجأ فيلحقها للاعلی ثم الی غرفتها

رضا بقلق:اميره شبيج؟ ضوجوج البنات؟
اميره:لاء
رضا :لعد شكو
اميره:احنه منتوافق
رضا بقلق:ليييش
اميره:اني برج السرطان وانته الحمل اهي اهي
رضا يضحك بكول قوته:هسه هو هذا السبب..
يمعوده صلي ع النبي امج لمن كالت انته متصلحلهه حسيت بيه اِيدز..
اميره تباوع ودموعهه ماليه عيونهه..بمعنی كمّل
عمري اولا الابراج خرافات ..يعني اساسا ما الهن اصل
انطيني فرصه واثبتلج نظريتي
ومرت الايام وكانت اميره تعشقه في اليوم الف مره..حتی عدلت عن فكرة الابراج والتوقعات تماما!
end
بعد سنتين
اميره تقف عند الباص لتوديع نوح الصغير~
يبلغ من العمر الان سنتين ..
البطاقه الشخصيه'
الاسم:نوح رضا
تاريخ الميلاد:2013.3.15
الوظيفه:طالب روضه كيوت
الهوايه:التلوين

تتوجه نحو المنزل لتحضر اغراضها..ترتب مكياجها تساعدها سامي في ذلك ..
اميره:خايفه
ساميا:هسه يجي رضا ونشوف شكو..لتخافين اني يمج
اميره:اموت عليج احبج اعشقج
سامي:ههههههه اني هم ولا اتصورت رح احبج بيوم
لانو جنتي تضوجين اخويه
اميره: الله يخليكم الي انتي واخوج
تتجه نحو القاعه هذا هو الامتحان الاول من الكورس الثاني..اخذت الماستر وبدأت بالدكتوراه
ثم ماذا؟
لا اعدكم بشيء فهي اميره الطموحه ..ومن يدري قد تصبح اميره معماريه عالميه مثل قدوتها زها حديد يوما ما ..

قبل لا ادخل القاعه فتحت القران ..قريت شوي
فتحت النت موقع الابراج في العمل ..برج السرطان
ها شبيكم اني صح تركت الابراج بس بعدين اكتشفت انو رضا مواليد الحوت!! طلع مقدمينه يوم علمود السفر
البطاقه الشخصيه الاصليه'
الاسم:رضا علي
تاريخ الميلاد:1990.3.19
الوظيفه:طبيب عيون
الهوايه:ممارسة الرياضه
هالشي مو معناهه رجعت حليمه لعادتهه القديمه..بس تدرون ابو طبع ميغير طبعه..لا من صدوك هذي تجربه مريت بيهه اكتشفت بالاخير انو اذا عادينه شخص يعادينه ..اذا تشائمنه من يوم يصير شؤوم ..اذا كرهنه شي حيكرهنه
اني حبيت رضا وانطيته فرصه كمولود برج الحمل..يعني جازفت! مجنت ادري بقصة تقديمه يوما الا لما احتفلت بعيد ميلاد وره يوم..
جان شي مفرح بس بنفس الوقت جنت احس بالفخر انو اني اتحديت نفسي وعبرت مرحلة الهوس..صرت اخلي لقراري اهميه اكثر..صرت اطلع متفائله حتی لو اليوم اثنين بالرغم جنت اتشائم من هاليوم حد الهوس .
بالمناسبه نوح حبيبي عاجبته بنوته برج الدلو ..والله ما ازوجهياه لو تموت ؛) امزح امزح
النهايه#
1210words
اتمنى القصه عجبتكم واشكر القله المتفاعلين انتم سبب استمرار الروايه الى هذا الحد.