مريم: ايه يا راندا انتى فين؟
راندا: انا جايه اهو 5 دقايق بس الطريق حش اوى والله
مريم: طب يالا متتأخريش
و قفلوا و بعد شويه جت راندا و طلعوا على محاضرتهم
فـــــــــــــــــى المحاضره
راندا: مريم شوفى مين بيبص
مريم: *بصت حواليها* مين؟
راندا: عـــلى
مريم: كبرى للموضوع ده
راندا: ليه كده يا بنتى
مريم: ده واحد بتاع صحوبيه و انا مليش فى الكلام ده
الدكتور: و دلوقتى بقى بما انكوا فى اخر سنه هيبقى فى عملى و ده المشروع ولازم يتعمل..اتفضلوا
راندا: اخيرا خلصنا المحاضره..دى بتبقى اكتر محاضره صعبه
مريم: فعلا انا بحس انى مش فاهمه اى حاجه
راندا: هى المحاضره الجايه امتى؟
مريم: لسه نص ساعه
راندا: طب تعالى نشرب حاجه فى الكافيتريا
مريم: ماشى يلا
*و هناك طلبوا كل واحده حاجه و فجأه.....*
على: انسه مريم؟
مريم: نعم...
على: ممكن اتكلم معاكى ثانيه
مريم: اتفضل
على: على انفراد لو سمحتى
راندا: اه..طيب..انا هروح و ابقى حصلينى
مريم: ماشى
مريم: اتفضل
على: ممكن اعرف رفضتى طلبى ليه
مريم: طلب ايه؟
على: انى ارتبط بيكى
مريم: استاذ على الارتباط بالنسبه ليك يعنى ايه؟
على: يعنى ...
مريم: انا اقولك يعنى ايه! يعنى تكلمنى فى التليفون و تحب فيا و تسمعنى اشعار و تيجى تاخدنى توصلنى الجامعه و تروحنى و نتكلم على الفيس و بعد شهر ولا 2 و بعد كده هتروح لغيرى
على: لا طبعا
مريم: بعد اذنك متقاطعنيش
مريم: الارتباط بالنسبه ليا انك تيجى تكلم اهلى و تخطبنى .. هو ده الارتباط اللى بجد
مريم: بعد اذنك
و سابته ومشيت راحت المحاضره
راندا: ايه يا بنتى كل ده
مريم: معلش
راندا: مال وشك مقلوب كده ليه
مريم: هحكيلك بعد المحاضره
خلصت المحاضره و محصلش حاجه فيها مهمه
نهى: مريم
مريم: نهى..عامله ايه؟
(مريم دى تبقى زميلة مريم و راندا و يمكن هى اقرب واحده ليهم فى الجامعه بس مش قريبه ليهم زى ما هما قريبين من بعض بردو فى اخر سنه زيهم و طيبه و عامله زى الاطفال كده)
نهى: الحمدلله..عامله ايه
مريم الحمدلله
نهى: ازيك يا راندا..عاش من شافك
راندا:ههههههه انا بردو..اخبارك ايه يا وحشه
نهى: الحمدلله تمام
نهى: بقولك ايه يا مريم انا كنت عايزه اطلب منك طلب
مريم: اتفضلى
نهى: انا فى جزء مش فاهماه ممكن تساعدينى فيه؟
مريم: اه طبعا
نهى: طب ينفع فى اقرب وقت..علشان الامتحان انتى عارفه
مريم: اه طبعا خلاص بكره ان شاء الله هقعد معاكى بعد المحاضرات
نهى: ان شاء الله..متشكره اوى
مريم: لا شكر على واجب
نهى: يلا اسيبكوا انا..سلام يا بنات
مريم و راندا: سلام
مريم و راندا اتكلموا على اللى حصل لـ مريم مع عــلى و طبعا راندا معجبهاش الموضوع و قالتلها انها لازم تاخد بالها من نفسها و الموضوع اتقفل
و روحوا .. كل واحده ركبت عربيتها و روحت
فى البيت
مريم: مـــامــــا..انا جيت
هاله: تعالى يا مريومه انا فى المطبخ
دخلت باست والدتها
مريم: بتعملى ايه يا ست الكل
هاله: بعمل الاكل..العريس و اهله جايين
مريم: بس متقوليش العريش بلاش تفولى
هاله: ههههههههه افول بردو...ده انا
مريم: ههههههه اه انتى.. انا هدخل انام شويه بقى و ابقى صحينى قبل ما يوصلوا
هاله: ماشى يا حبيبتى
دخلت مريم تنام و هى بتفكر فى اللى حصل مع على و انها لازم تحكى لوالدتها بس الوقت مش مناسب ابدا و من نامت من التفكير
الساعه 6
هاله: مريم اصحى بقى يلا الناس على وصول
مريم: ناس مين
هاله: العريس
مريم: متقوليش عريس
هاله: ما انتى صاحيه اهو..يلا قومى بقى
مريم: ماشى حاضر
قامت لبست و شربت عصير فرش و حطت الميكياج البسيط بتاعها مش مكياج عرايس المولد و ظبطت الجو مع مامتها
جرس الباااااب
هاله: جيهااان .. اهلا اهلا اتفضلوا
جيهان: السلام عليكم
هاله: و عليكم السلام..اتفضل يا محمود
امال استاذ سعيد فين امال؟
جيهان: بيجيب حاجه من العربيه و طاله اهو
هااله: اتفضلوا اتفضلوا
مريم دخلت عليهم
سلمت عليهم
جيهان: ازيك يا حبيبتى..ما شاء الله..ايه اقمر ده
مريم: ميرسى يا طنط
سلمت على العريس اقصد محمود و قعدت
جرس الباب
هاله قامت تفتح مريم قالتلها خليكى انا هفتح
سعيد: ما شاء الله يا بختك يا محمود
مريم *بكسوف* هههههه اتفضل يا عمو
هاله: اهلا اهلا .. منور والله يا استاذ سعيد
سعيد: ده نورك والله
هاله: ايه يا جماعه يلا على السفره
قاموا كلهم و قعدوا على السفره و اكلوا و طبعا كان لا بد من الشاى بعد اكل ام مريم الجاامد ده علشان يحبسوا
قامت مريم عملتوا و شربوه
محمود: الجو هنا حر اوى.. معندكوش بلكونه ولا ايه يا انسه مريم
طبعا مريم و الكل فاهمين الحركات دى
مريم: لا طبعا فى.اتفضل
وراحوا للبلكونه
و هناك بقى هيدور بينه حوار
يا ترى مريم هتوافق عليه ولا لا؟ ايه اللى هيتكلموا فيه؟
هو ده اللى هنعرفه فى الحلقه اللى جايه..
يا رب تكون اول حلقه عجبتكوا :)
انا عارفه ان احداثها بطيئه بس علشان اول حلقه.. لسه اللى جاى اغرب ^__^ استنونااااا
